Bellen (Neddersassen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27386 | |
| Vörwahl: | 04266 | |
| Geograafsche Laag: | Koordinaten:53° 4′ N, 9° 34′ O53° 4′ N, 9° 34′ O | |
|
| ||
Bellen (hoochdüütsch Bellen) is en lütten Oort in de Gemeen Brookel (Samtgemeen Bootel) in’n Landkreis Rodenborg, Neddersassen.
Geografie
[ännern | Bornkood ännern]
Bellen liggt in en Rebeed mit veel Holt dicht bi de Steed, an de de Mehlandsbeek un de Hahnenbeek to de Wiedau tohoopfleten doot. Dat grote Holt in’n Noorden driggt den Naam Trochel.
De Naveröörd sünd Hemslingen un Söhlingen in’n Noordoosten, Täwel in’n Oosten, Moordörp in’n Süüdoosten, Rosebruch in’n Süden, Nee-Bretel un Bretel in’n Süüdwesten un Bootel un Brookel in’n Noordwesten.
Historie
[ännern | Bornkood ännern]In’n Düütsch-Franzööschen Krieg is een Soldaat ut Bellen fullen oder vermisst, in’n Eersten Weltkrieg ok een un in’n Tweten Weltkrieg söss.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Rodenborg in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Huusvaagdie Rodenborg in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n Landkreis Rodenborg tohoopgahn is.
In dat 19. Johrhunnert hett de Oort to de Buurschop Hemslingen höört un weer keen egenstännige Gemeen. To Anfang von dat 20. Johrhunnert is Bellen denn aver en Gemeen worrn un hett nich mehr to Hemslingen tohöört. Dat is so bleven bet de Gemeen an’n 1. März 1974 mit de Gemeenreform in Neddersassen Deel von de Gemeen Brookel worrn is.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 2 Füürsteden |
| 1812[3] | 30 |
| 1824[4] | 4 Füürsteden |
| 1848[5] | 39 Lüüd, 5 Hüüs |
| 1. Dezember 1871[6] | 35 Lüüd, 6 Hüüs |
| 1. Dezember 1885[7] | 44 Lüüd, 6 Hüüs |
| 1925[8] | 57 |
| 1933[8] | 38 |
| 1939[8] | 46 |
Religion
[ännern | Bornkood ännern]Bellen is evangeelsch-luthersch präägt un höört to dat Kaspel von de Hillig-Krüüz-Kark in Brookel. 1573 is de Oort tohoop mit Söhlingen, Hemslingen un Bootel in düt Kaspel wesselt. Vörher hett dat to dat Kaspel von de Lucas-Kark in Scheeßl höört.
För de Kathoolschen is de Corpus-Christi-Kark in Rodenborg tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Brookel bi de Kark.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]An Bellen langs löppt de Kreisstraat 210, de in’n Noordwesten bi Brookel an de Bundsstraat 71 ran geiht un in’n Süden över Bookholt an de B 440. Lüttjere Straten föhrt in’n Noordoosten ok noch na Hemslingen an de B 71 un in’n Westen na Bootel an de K 209. De B 71 geiht in’n Noordwesten na Rodenborg un in’n Süüdoosten na Neenkerken un Soltau. De B 440 löppt in’n Süüdoosten över Visselhöövd na Dörpmark un in’n Noordwesten na Rodenborg.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so 27 Kilometer in’n Noordwesten von Bellen an de L 131. Aver ok de Opfohrt 27 Wasra-West op de Autobahn 27 (Afsnidd Bremen–Wasra) un de Opfohrten 45 Soltau-Süüd un 46 Dörpmark op de Autobahn 7 (Afsnidd Hamborg–Hannover) sünd mit 29 Kilometer nich veel wieder weg.
De nächste Bahnhoff is so bi twölv Kilometer wied weg in’n Süden de Bahnhoff Visselhöövd an de Bahnlien Ülzen–Langwedel. De Bahnhoff Rodenborg liggt 15 Kilometer in’n Noordwesten an de Bahnlien Hamborg–Bremen.
Scholen
[ännern | Bornkood ännern]Fröher harr de Oort en egen Volksschool, de aver dichtmaakt hett. Vondaag gaht de Kinner op de Grundschool an’n Trochel an’n Standoort Brookel.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/brockel_wk1u2_kirche_ns.htm
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 19
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 46
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
- ↑ a b c Inwahnertallen op verwaltungsgeschichte.de
