Siek (Gemeen Neenkerken)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29643 | |
| Vörwahl: | 05195 | |
| Geograafsche Laag: | Koordinaten:53° 4′ N, 9° 41′ O53° 4′ N, 9° 41′ O | |
|
| ||
Siek (hoochdüütsch Siek) is en lütten Oort in de Gemeen Neenkerken in’n Landkreis Heidkreis, Neddersassen. Binnen de Gemeen höört de gröttere Deel von’n Oort to de polietsche Oortschop Täwel un en lüttjeren Deel to de Oortschop Schworgen.
Geografie
[ännern | Bornkood ännern]De Oort liggt in de Lümbörger Heid. Dat Water ut dat Rebeed flütt över’n Mehlandsbeek na de Wiedau hen af.
De Naveröörd sünd Grauen in’n Noorden, Schworgen in’n Oosten, Kempen un Delsen in’n Süüdoosten, Brochdörp in’n Süden, Rutenmöhl un Platenkamp in’n Süüdwesten, Täwel un Jerusalem in’n Westen un de Kreugerei un Täwel-Moor in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort weer fröher in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort hett von öllers bi de Gemeen Täwel mit bihöört, de an’n 1. März 1974 mit de Gemeenreform in Neddersassen Deel von de Gemeen Neenkerken worrn is. Sietdem höört Siek binnen de Gemeen to de Oortschop Täwel, de en egen Oortsraad un Oortsbörgermeester hett.
De Hüüs ganz in’n Oosten staht al op Schworger Rebeed un hebbt fröher to de Gemeen Schworgen un siet 1974 to de Oortschop Schworgen tohöört.
Inwahnertall
[ännern | Bornkood ännern]Gemeen Täwel:
| Johr | Inwahners |
|---|---|
| 1. Dezember 1905[1] | 24 Lüüd, 4 Hüüs |
Gemeen Schworgen:
| Johr | Inwahners |
|---|---|
| 1. Dezember 1905[2] | 20 Lüüd, 3 Hüüs |
Religion
[ännern | Bornkood ännern]Siek is evangeelsch-luthersch präägt un höört to dat Kaspel von de Bartholomäus-Kark in Neenkerken.
För de Kathoolschen is de St.-Maria-von’n-hilligen-Rosenkranz-Kark in Soltau tostännig.
Weertschop un Infrastruktur
[ännern | Bornkood ännern]För Siek sünd de freewilligen Füürwehrn Täwel un Schworgen mit tostännig.
Verkehr
[ännern | Bornkood ännern]Dör Siek löppt de Kreisstraat 21, de in’n Noordoosten över Schworgen, Liest un Schüllernbrookhoff na Schüllern geiht un in’n Süüdwesten in Täwel in de Bundsstraat 71 münnt. De B 71 föhrt von Täwel in’n Noordwesten över Söhlingen, Hemslingen un Brookel na Rodenborg un in’n Süüdoosten över Brochdörp un Delsen na Neenkerken un Soltau. Von Täwel ut löppt ok de K 22 in’n Noorden na Grauen an de Landsstraat 170.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so 21 Kilometer in’n Oosten von Siek an de B 3.
De nächste Bahnhoff is so bi teihn Kilometer wied weg in’n Noordoosten de Bahnhoff Snevern an de Heidbahn. An de Bahnlien Langwedel–Ülzen doot de Bahnhööv Visselhöövd (18 Kilometer in’n Süüdwesten) un Soltau (17 Kilometer in’n Süüdoosten) liggen.
Von 1917 bet 1961 hett dat ok Personenverkehr op de Bahnlien Soltau-Neenkerken geven. De Bahnhoff Neenkerken weer in düsse Tied fiev Kilometer in’n Süüdoosten.
Scholen
[ännern | Bornkood ännern]De Kinner ut Siek gaht na de Grundschool Neenkerken.
Footnoten
[ännern | Bornkood ännern]- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154