Limbeek (Gemeen Neenkerken)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Limbeek
Laag vun Limbeek in Düütschland
Basisdaten
Bundsland: Neddersassen
Landkreis: Heidkreis
Gemeen: Neenkerken
Inwahners:
Postleettall: 29643
Vörwahl: 05195
Geograafsche Laag:
Koordinaten:53° 2′ N, 9° 44′ O
53° 2′ N, 9° 44′ O

Hoff Limbeek
Oold Backhuus, dat to en Feernhuus ümboot worrn is
Oold Honnighuus, dat to en Feernhuus ümboot worrn is

Limbeek (hoochdüütsch Limbeck) is en lütten Oort in de Gemeen Neenkerken in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Jilbern.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över’n Hahnenbeek na de Wiedau hen af.

De Naveröörd sünd Jillhorn in’n Noorden, Steenbarg in’n Noordoosten, Levern in’n Süüdoosten, Behningen in’n Süüdwesten, Neenkerken in’n Westen un Delsen un Jilbern in’n Noordwesten.

Historie[ännern | Bornkood ännern]

De Hoff Limbeek 1 is vondaag as Bodenkmaal schuult.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Neenkerken in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Neenkerken in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort höört von öllers bi de Buurschop un later de Gemeen Jilbern mit bi. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Neenkerken worrn. Sietdem höört Limbeek to de Oortschop Jilbern, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 12
1824-00-001824[3] 1 Füürsteed
1848-00-001848[4] 19 Lüüd. 1 Hüüs*
1871-12-011. Dezember 1871[5] 18 Lüüd. 3 Hüüs
1885-12-011. Dezember 1885[6] 13 Lüüd. 3 Hüüs
1905-12-011. Dezember 1905[7] 17 Lüüd. 3 Hüüs
* De Born schrifft von 10 Gebüüd, aver dat mutt en Tippfehler ween, denn de Oort weer to de Tied en enkelten Hoff un warrt von’n Born ok so betekent

Religion[ännern | Bornkood ännern]

Limbeek is evangeelsch-luthersch präägt un höört to dat Kaspel von de Bartholomäus-Kark in Neenkerken.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Weertschop un Infrastruktur[ännern | Bornkood ännern]

För Limbeek is de freewillige Füürwehr Jilbern mit tostännig.

Verkehr[ännern | Bornkood ännern]

Limbeek liggt dicht an de Kreisstraat 23, de in’n Noorden över Jilbern un Jillhorn na Sprengel geiht un de in’n Süden in de Bundsstraat 71 münnt. De B 71 löppt in’n Noordwesten över Neenkerken, Delsen un Täwel na Rodenborg un in’n Süüdoosten na Soltau. De K 23 warrt in Jilbern von de K 40 krüüzt, de in’n Westen na Delsen an de Landsstraat 171 föhrt un in’n Oosten na Wieheholt un Woltern.

De nächste Autobahn is de Autobahn 7 (Afsnidd HamborgHannover). De Opfohrt 45 Soltau-Süüd liggt so 15 Kilometer in’n Süüdoosten von Limbeek an de B 3.

De nächste Bahnhoff is so bi teihn Kilometer wied weg in’n Süüdoosten de Bahnhoff Soltau, de an de Heidbahn un an de Amerikalien liggt. Twüschen 1920 un 1961 hett dat ok Personenverkehr op de Bahnlien Soltau–Neenkerken geven. De nächsten Bahnhööv in Neenkerken un Jilbern weren in düsse Tied so bi twee Kilometer wied weg.

Scholen[ännern | Bornkood ännern]

De Kinner ut Limbeek gaht na de Grundschool Neenkerken.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 142
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 374
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153

Weblenken[ännern | Bornkood ännern]

Commons-logo.svg Limbeek (Gemeen Neenkerken). Mehr Biller, Videos oder Audiodateien to’t Thema gifft dat bi Wikimedia Commons.