Reimen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 05199 | |
| Geograafsche Laag: | Koordinaten:53° 3′ N, 9° 48′ O53° 3′ N, 9° 48′ O | |
|
| ||
Reimen (hoochdüütsch Reimerdingen) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Langloh.
Geografie
[ännern | Bornkood ännern]De Oort liggt in de Lümbörger Heid. Dat Water ut dat Rebeed flütt över’n Noordbeek na de Böhm hen af. In’n Noordwesten liggt dat Naturschuulrebeed Hünengräverheid bi Langloh.
De Naveröörd sünd Langloh in’n Noorden, Gröps un Surbossel in’n Noordoosten, Hillen in’n Oosten, Woltern in’n Süüdoosten, Ellng, Wieheholt un Steenbarg in’n Süüdwesten un Vahlzen un Vorwark in’n Noordwesten.
Historie
[ännern | Bornkood ännern]In de Neegd von Reimen weer an’n 28. Juni 1519 de Slacht bi Soltau, de as letzte grote Ridderslacht gellt.
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Woltern in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Soltau in’n Kanton Wasra.
De Oort hett vör 1852 to de Amtsvaagdie Snevern in dat Amt Rodenborg tohöört un is in dat Johr denn in dat ne’e Amt Snevern wesselt. Dit Amt hett blots söven Johr bestahn. Von 1859 bet 1885 hett Reimen to dat Amt Soltau höört. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Heidkreis heten deit.
De Oort hett von öllers bi de Gemeen Langloh bihöört, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört Reimen binnen de Gemeen to de Oortschop Langloh, de en egen Oortsvörsteiher hett.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 4 Füürsteden |
| 1812[2] | 57 |
| 1824[3] | 9 Füürsteden |
| 1848[4] | 81 Lüüd, 11 Hüüs |
| 1. Dezember 1871[5] | 73 Lüüd, 10 Hüüs |
| 1. Dezember 1885[6] | 64 Lüüd, 11 Hüüs |
| 1. Dezember 1905[7] | 75 Lüüd, 12 Hüüs |
Religion
[ännern | Bornkood ännern]Reimen is evangeelsch-luthersch präägt un höört to dat Kaspel von de Hillig-Geist-Kark in Woltern. Bet 1925 hett de Oort noch to dat Kaspel von de Peter-un-Paul-Kark in Snevern höört. De Oort hett dat Kaspel wesselt, von wegen dat Woltern dichter bi weer as Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
Weertschop un Infrastruktur
[ännern | Bornkood ännern]För Reimen is de freewillige Füürwehr Langloh mit tostännig.
Verkehr
[ännern | Bornkood ännern]Dör Reimen löppt de Kreisstraat 24, de in’n Noordwesten över Vorwark na Schüllern an de Landsstraat 171 geiht un in’n Süüdoosten na Woltern un över de K 1 wieder na Soltau. De L 171 föhrt in’n Noordoosten na Snevern un in’n Süüdwesten över Sprengel na Neenkerken.
De nächste Autobahn is de Autobahn 7 (Afsnidd Hamborg–Hannover). De Opfohrt 44 Soltau-Oost liggt so 13 Kilometer in’n Süüdoosten von Reimen an de B 71.
De nächste Bahnhoff is so bi veer Kilometer wied weg in’n Süüdoostn de Bahnhoff Woltern an de Heidbahn.
Scholen
[ännern | Bornkood ännern]De Kinner ut Reimen gaht in Snevern op de Grundschool an’t Pietzmoor.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 189
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 502
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153