Langloh (Gemeen Snevern)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Langloh

Langloh
Laag vun Langloh in Düütschland
Basisdaten
Bundsland: Neddersassen
Landkreis: Heidkreis
Gemeen: Snevern
Flach: 25,157 km²
Inwahners: 608 (2018-01-011. Januar 2018)
Inwahnerdicht: 24,2 Inwahners pro km²
Hööchd: 96 m över NN
Postleettall: 29640
Vörwahl: 05193
Geograafsche Laag:
Koordinaten:53° 4′ N, 9° 48′ O
53° 4′ N, 9° 48′ O
WesslohWintemaurIssellZoarnSchüllernLünzenGrotenweLangloh (Gemeen Snevern)EhrhoornSnevernHäbe
Laag von Langloh (Gemeen Snevern) in de Gemeen Snevern (Koort lett sik anklicken)

Langloh (hoochdüütsch Langeloh) is en Dörp un polietsche Oortschop in de Gemeen Snevern in’n Landkreis Heidkreis, Neddersassen.

To de polietsche Oortschop höört blangen Langloh sülvs ok de Öörd Fraas, Gröps, Hämsen, Reimen, Vorwark, Wieckhost un Dannhost to.

Geografie[ännern | Bornkood ännern]

Langloh liggt in de Lümbörger Heid. In’n Noorden liggt dat Naturschuulrebeed Barkensee un in’n Oosten mit dat Fraaser Moor en Utlöper von dat Naturschuulrebeed Lümbörger Heid.

Dat Water ut Langloh flütt in’n Süüdwesten över den Wiehholter Beek na’n Jillberner Beek un den Hahnenbeek hen af, in’n Noordwesten direkt över den Jillberner Beek un in’n Oosten över den Rönnbeek na de Böhm.

De Naveröörd sünd Vorwark un Wieckhost in’n Noorden, Hämsen un Fraas in’n Noordoosten, Gröps in’n Oosten, Reimen in’n Süüdoosten, Ellng in’n Süden, Levern un Jilbern in’n Süüdwesten, Vahlzen un Jillhorn in’n Westen un Königshoff un Schüllern in’n Noordwesten.

Historie[ännern | Bornkood ännern]

Twüschen Langloh un Vahlzen keem dat an’n 28. Juni 1519 to de letzte grote Ridderslacht in Europa, de Slacht bi Soltau. Dorbi hebbt Truppen von dat Stift Hilmssen un dat Förstendom Calenberg de Truppen von de Förstendömer Lümborg un Bruunswiek-Wulfsbüttel slahn.

In’n Eersten Weltkrieg sünd 28 Soldaten ut de Gemeen Langloh fullen oder vermisst un in’n Tweten Weltkrieg 55.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Neenkerken in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Amt Rodenborg tohöört un is in dat Johr denn in dat ne’e Amt Snevern wesselt. Dit Amt hett blots söven Johr bestahn. Von 1859 bet 1885 hett Langloh to dat Amt Soltau höört. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Heidkreis heten deit.

De Gemeen Langloh is an’n 1. März 1974 mit de Gemeenreform in Neddersassen Deel von de Gemeen Snevern worrn. Vondaag billt Langloh binnen de Gemeen Snevern en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1793-00-001793[2] 3 Füürsteden
1812-00-001812[3] 47
1824-00-001824[4] 6 Füürsteden
1848-00-001848[5] 57 Lüüd. 8 Hüüs
1871-12-011. Dezember 1871[6] 76 Lüüd. 9 Hüüs
1910-12-011. Dezember 1910[7] 509
1925-00-001925[8] 525
1933-00-001933[8] 580
1939-00-001939[8] 573

Religion[ännern | Bornkood ännern]

Langloh is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

Oortsvörsteihers[ännern | Bornkood ännern]

  • opstunns: Regina Dinges

Kultur[ännern | Bornkood ännern]

Kriegerdenkmaal

En Denkmaal för de Fullenen ut de twee Weltkrieg’ steiht in Hämsen an de Hauptstraat.

Verenen[ännern | Bornkood ännern]

Langloh hett en egen Schüttenvereen.

Weertschop un Infrastruktur[ännern | Bornkood ännern]

De freewillige Füürwehr Langloh is för dat ganze Rebeed von de polietsche Oortschop Langloh tostännig.

Verkehr[ännern | Bornkood ännern]

In Langloh krüüzt sik de Kreisstraten K 24 un K 26. De K 24 löppt in’n Noordwesten na Schüllern an de Landsstraat 171 un in’n Süüdoosten över Reimen na Woltern. De K 26 geiht in’n Süüdwesten över Vahlzen un Jillhorn na Delsen un in’n Noordoosten na Hämsen un wieder na Häbe. De L 171 wedder föhrt in’n Noordoosten na Snevern un in’n Süüdwesten na Neenkerken. De Weg na Soltau föhrt över de K 24 un de K 1 (fröher Deel von de Bundsstraat 3).

De nächste Autobahn is de Autobahn 7 (Afsnidd HamborgHannover). De Opfohrt 43a Snevern liggt so 13 Kilometer in’n Oosten von Langloh.

De nächsten Bahnhööv (an de Heidbahn) sünd so bi söss Kilometer wied weg in’n Noorden de Bahnhoff Snevern un söss Kilometer in’n Süüdoosten de Bahnhoff Woltern. De Bahnhoff Hämsen, de blots knapp twee Kilometer weg weer, is 2010 slaten worrn.

Scholen[ännern | Bornkood ännern]

De Kinner ut Langloh gaht in Snevern op de Grundschool an’t Pietzmoor.

Footnoten[ännern | Bornkood ännern]

  1. Onlineprojekt Gefallenendenkmäler
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 136: https://books.google.de/books?id=jN5QAAAAcAAJ&pg=RA1-PA136
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 116: http://books.google.de/books?id=Q 5OAAAAcAAJ&pg=PA116
  4. C. H. Jansen: Statistisches Handbuch des Königreichs Hannover. 1824, Sied 356: http://books.google.de/books?id=tG0AAAAAcAAJ&pg=PA356
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 153: http://books.google.de/books?id=eOI-AAAAcAAJ&pg=PA153
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93: https://books.google.de/books?id=qTZDAQAAMAAJ&pg=RA2-PA93
  7. http://www.gemeindeverzeichnis.de/gem1900/gem1900.htm?hannover/soltau.htm
  8. a b c http://www.verwaltungsgeschichte.de/soltau.html