Wintemaur-Gäbesdörp
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 6,417 km² | |
| Inwahners: | 425 (1. Januar 2018) | |
| Inwahnerdicht: | 66,2 Inwahners pro km² | |
| Hööchd: | 58 m över NN | |
| Postleettall: | 29640 | |
| Vörwahl: | 05198 | |
| Geograafsche Laag: | Koordinaten:53° 11′ N, 9° 48′ O53° 11′ N, 9° 48′ O | |
| Websteed: | www.wintermoor.de | |
 | ||
|
| ||
Wintemaur-Gäbesdörp (hoochdüütsch Wintermoor-Geversdorf) is en Dörp in de Gemeen Snevern in’n Landkreis Heidkreis, Neddersassen. Binnen de Gemeen billt de Oort en egen polietsche Oortschop.
Wintemaur-Gäbesdörp heet kort eenfach Wintemaur. De Tosatz Gäbesdörp is dor, üm en Ünnerscheed to maken to Wintemaur an de Chaussee (dat kort ok eenfach Wintemaur nöömt warrt), wat good twee Kilometer in’n Noordoosten liggt. De Öörd heet all beid Wintemaur un warrt ok in wisse Wies as Eenheit sehn, hebbt aver fröher to verscheden Ämter un Gemenen höört un höört vondaag ok to verscheden Oortschoppen (Wintemaur an de Chaussee höört to de Oortschop Ehrhoorn un Wintemaur-Gäbesdörp billt en egen Oortschop).
Geografie
[ännern | Bornkood ännern]Wintemaur liggt in de Lümbörger Heid. Merrn dör den Oort flütt de Wümm un in’n Süden hett de Fintau ehren Born.
De Naveröörd sünd Groot Todtshoorn, Ottermoor un Will in’n Noorden, Handörp un Wintemaur an de Chaussee in’n Noordoosten, Ehrhoorn, Einem un Baal in’n Süüdoosten, Reinsählen, Höpen un Snevern in’n Süden, Issell in’n Süüdwesten, Eggersmöhl un Wessloh in’n Westen un Schiel un Wümmgrund in’n Noordwesten.
Historie
[ännern | Bornkood ännern]In’n Tweten Weltkrieg sünd 13 Soldaten ut Wintemaur-Gäbesdörp fullen oder vermisst.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Wils in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.
De Oort hett vör 1852 to de Amtsvaagdie Snevern von dat Amt Rodenborg tohöört. Von 1852 bet 1859 weer dat kort in dat Amt Snevern un denn in dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 1. August 2011 Landkreis Heidkreis heet.
De Oort hett fröher en egen Buurschop un Gemeen billt, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem billt de Oort binnen de Gemeen en Oortschop mit egen Oortsvörsteiher.
Hauensteen
[ännern | Bornkood ännern]
Twüschen Wintemaur un Ottermoor liggt de ole Grenz twüschen dat Hoogstift Veern un dat Förstendom Lümborg. Düsse Grenz weer lang ümstreden un is eerst 1575 exakt fastleggt worrn. Langs de Grenz hebbt se 1580 denn Grenzsteen opstellt. Op de Sied von dat Förstendom Lümborg weer dat ok noch de Grenz von dat Amt Horborg un dat Amt Winsen. An dissen Punkt is 2007 wedder en Steen opstellt worrn. De Steen hett Hauensteen heten, von wegen, dat op de een Sied en Veerner Nagelkrüüz inhauen weer un op de anner Sied en Lümbörger Lööw.
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 13 Füürsteden |
| 1848[3] | 145 Lüüd, 19 Hüüs |
| 1. Dezember 1871[4] | 139 Lüüd, 13 Hüüs |
| 1. Dezember 1885[5] | 130 Lüüd, 22 Hüüs |
| 1. Dezember 1905[6] | 134 Lüüd, 23 Hüüs |
| 1. Dezember 1910[7] | 138 |
| 1925[8] | 117 |
| 1933[8] | 128 |
| 1939[8] | 138 |
Religion
[ännern | Bornkood ännern]Wintemaur is evangeelsch-luthersch präägt un höört to dat Kaspel von de Peter-un-Paul-Kark in Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
De Doden warrt op’n Karkhoff Wintemaur in Wintemaur an de Chaussee begraven.
Oortsvörstehers
[ännern | Bornkood ännern]- 1. November 2011–: Hendrikje Köster
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Wintemaur an de Chaussee an’n Karkhoff.
Verenen
[ännern | Bornkood ännern]De Schüttenvereen Wintemaur is 1949 grünnt worrn. De Schüttenvereen Erika in Gäbesdörp is 1953 grünnt worrn. De Sportvereen SG Wintemaur 68 büddt Football, Dischtennis, Judo, Gymnastik, Kinnerturnen un Zumba an.
Weertschop un Infrastruktur
[ännern | Bornkood ännern]För Wintemaur-Gäbesdörp is de freewillige Füürwehr Ehrhoorn/Wintemaur mit tostännig, de ehr Sprüttenhuus in Wintemaur an de Chaussee hett un 1947 grünnt worrn is.
Verkehr
[ännern | Bornkood ännern]
Wintemaur-Gäbesdörp liggt an de Kreisstraat 32, de in’n Noordwesten na Wessloh an de K 31 föhrt un in’n Süüdoosten na Wintemaur an de Chaussee un dor an de Landsstraat 171 un de Bundsstraat 3. De B 3 geiht in’n Noorden över Will na Sprötz an de B 75 un wieder na Öbergünn an de B 73 ran un in’n Süüdoosten na de Autobahn 7. Von Wintemaur an de Chaussee löppt in’n Süüdoosten de L 211 över Ehrhoorn un Behrn na Bissen un in’n Süden de L 171 över Reinsählen na Snevern. Lüttjere Straten gifft dat na Issell, Ottermoor, Groot Todtshoorn un Handörp.
De nächste Autobahn is de Autobahn 7 (Afsnidd Hamborg–Hannover). De Opfohrt 43 Bissen liggt so 18 Kilometer in’n Süüdoosten von Wintemaur an de L 211. De Opfohrt 45 Hullnst op de Autobahn 1 (Afsnidd Hamborg–Bremen) liggt so bi 23 Kilometer in’n Noordwesten an de L 141.
De nächste Bahnhoff is de Bahnhoff Wintemaur an de Heidbahn, de dree Kilometer in’n Oosten von Wintemaur-Gäbesdörp liggt.
Dat Dörp hett 2006 ne’e gele un gröne Oortsschiller kregen, op de nu ok de plattdüütsche Naam blangen den hoochdüütschen mit op steiht.
Scholen
[ännern | Bornkood ännern]1851 hett Wintemaur tohoop mit Baal un Reinsählen en Schoolverband grünnt un de Kinner sünd in Wintemaur na de Volksschool gahn. Düsse School hett in de Johren 1970 dichtmaakt. Sietdem gaht de Kinner in Snevern op de Grundschool an’n Oosterwald.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 672
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]
Wintemaur-Gäbesdörp. Mehr Biller, Videos oder Audiodateien to’t Thema gifft dat bi Wikimedia Commons.
- Websteed över dat Dörp (hoochdüütsch)
