Baal (Landkreis Heidkreis)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 05198 | |
| Geograafsche Laag: | Koordinaten:53° 9′ N, 9° 51′ O53° 9′ N, 9° 51′ O | |
|
| ||
Baal (hoochdüütsch Barrl) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Issell.
Geografie
[ännern | Bornkood ännern]De Oort liggt in de Lümbörger Heid un direkt an’n Rand von dat Naturschuulrebeed Lümbörger Heid. Dat Water ut dat Rebeed flütt över de Wümm af.
De Naveröörd sünd Wintemaur an de Chaussee in’n Noorden, Ehrhoorn un Einem in’n Noordoosten, Habenbeck-Nerndörp in’n Oosten, Habenbeck-Bobendörp, Tütsbarg un Wulfsbarg in’n Süüdoosten, Möhr un Pietz in’n Süden, Snevern un Hansahlen in’n Süüdwesten, Reinsählen in’n Westen un Wintemaur-Gäbesdörp in’n Noordwesten.
Historie
[ännern | Bornkood ännern]De öllste un gröttste Hoff in’n Oort weer de Hoff Baal, de to Anfang dat 20. Johrhunnert 434 Hektar groot weer. To düssen Hoff höört ok dat Gasthuus Hoff Baal, dat al en poor hunnert Johr an de ole Schossee (nu B 3) besteiht.
Verwaltungsgeschicht
[ännern | Bornkood ännern]De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort hett von öllers bi de Gemeen Issell mit bihöört, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört de Oort to de Oortschop Issell, de en egen Oortsvörsteiher hett.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 1 Füürsteed |
| 1824[2] | 1 Füürsteed |
| 1848[3] | 27 Lüüd, 3 Hüüs |
| 1. Dezember 1871[4] | 33 Lüüd, 3 Hüüs |
| 1. Dezember 1885[5] | 22 Lüüd, 3 Hüüs |
| 1. Dezember 1905[6] | 27 Lüüd, 4 Hüüs |
Religion
[ännern | Bornkood ännern]Baal is evangeelsch-luthersch präägt un höört to dat Kaspel von de Peter-un-Paul-Kark in Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
Weertschop un Infrastruktur
[ännern | Bornkood ännern]För Baal is de freewillige Füürwehr Issell mit tostännig.
Verkehr
[ännern | Bornkood ännern]Dör Baal löppt de Bundsstraat 3, de in’n Noorden över Wintemaur un Will op Bookholt un Buxthu to geiht un in’n Süüdoosten na de Autobahn 7 (Afsnidd Hamborg–Hannover). De Opfohrt 43a Snevern liggt so 14 Kilometer in’n Süüdoosten von Baal.
De nächste Bahnhoff is so bi veer Kilometer wied weg in’n Noorden de Bahnhoff Wintemaur an de Heidbahn.
De Oort höört to de Öörd, de tweesprakige Oortsschiller hebbt, op de blangen den hoochdüütschen Naam ok de plattdüütsche mit op steiht (Öörd mit tweesprakige Oortsschiller Plattdüütsch/Hoochdüütsch).
Scholen
[ännern | Bornkood ännern]Bet 1851 hebbt de Besitters von’n Hoff Baal Huuslehrers hatt, de ok de Kinner von de Hööv ümto Ünnerricht geven hett. 1851 hett Baal denn aver tohoop mit Wintemaur un Reinsählen en Schoolverband grünnt un de Kinner sünd in Wintemaur na de Volksschool gahn. Düsse School hett in de Johren 1970 dichtmaakt. Sietdem gaht de Kinner in Snevern op de Grundschool an’n Oosterwald.
Literatur
[ännern | Bornkood ännern]- Dorfchronik der Gemeinde Insel. Insel, Reinsehlen, Barrl und Höpen. Eine Gemeinde im Wandel der Zeit. Heimaatbund Snevern, Snevern 2012, ISBN 978-3-9815349-0-0
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 16
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 38
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153
