Issell

Vun Wikipedia
Zur Navigation springen Zur Suche springen
Wapen/Flagg Koort

Wapen vun Issell

Issell
Laag vun Issell in Düütschland
Basisdaten
Bundsland: Neddersassen
Landkreis: Heidkreis
Gemeen: Snevern
Flach: 29,021 km²
Inwahners: 763 (2018-01-011. Januar 2018)
Inwahnerdicht: 26,3 Inwahners pro km²
Hööchd: 59 m över NHN
Postleettall: 29640
Vörwahl: 05193
Geograafsche Laag:
Koordinaten:53° 9′ N, 9° 46′ O
53° 9′ N, 9° 46′ O
WesslohWintemaurIssellZoarnSchüllernLünzenGrotenweLangloh (Gemeen Snevern)EhrhoornSnevernHäbe
Laag von Issell in de Gemeen Snevern (Koort lett sik anklicken)

Issell (hoochdüütsch Insel) is en Dörp in de Gemeen Snevern in’n Landkreis Heidkreis, Neddersassen. Binnen de Gemeen billt de Oort en egen polietsche Oortschop.

Bi de Oortschop Issell höört ok de Öörd Reinsählen, Baal un Höpen mit bi.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över de Ruschwe af, de in Issell ehren Born hett. In’n Noordwesten liggt dat Naturschuulrebeed Moor bi Osterwe.

De Naveröörd sünd Wessloh in’n Noorden, Wintemaur-Gäbesdörp in’n Noordoosten, Reinsählen un Baal in’n Oosten, Höpen, Hansahlen un Snevern in’n Süüdoosten, Zoarn in’n Süden, Lünzen in’n Süüdwesten, Grotenwe un Osterwe in’n Westen un Haswe, Fintel mit siene Oortsdelen Oosterheid un Oosterloh un Eggersmöhl in’n Noordwesten.

Historie[ännern | Bornkood ännern]

In’n Eersten Weltkrieg sünd 17 Soldaten ut Issell fullen oder vermisst un in’n Tweten Weltkrieg 45.[1]

Verwaltungsgeschicht[ännern | Bornkood ännern]

De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort weer fröher en egenstännige Gemeen. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Snevern worrn. Sietdem billt Issell en Oortschop mit egen Oortsvörsteiher.

Inwahnertall[ännern | Bornkood ännern]

Oort:

Johr Inwahners
1791-00-001791[2] 13 Füürsteden
1824-00-001824[3] 30 Füürsteden
1848-00-001848[4] 225 Lüüd. 30 Hüüs
1871-12-011. Dezember 1871[5] 261 Lüüd. 54 Hüüs
1885-12-011. Dezember 1885[6] 304 Lüüd. 59 Hüüs
1905-12-011. Dezember 1905[7] 288 Lüüd. 52 Hüüs

Gemeen:

Johr Inwahners
1848-00-001848[8] 303 Lüüd. 40 Hüüs
1871-12-011. Dezember 1871[9] 400 Lüüd. 75 Hüüs
1885-12-011. Dezember 1885[10] 431 Lüüd. 78 Hüüs
1905-12-011. Dezember 1905[11] 465 Lüüd. 81 Hüüs
1910-12-011. Dezember 1910[12] 452
1925-00-001925[13] 478
1933-00-001933[13] 496
1939-00-001939[13] 535

Religion[ännern | Bornkood ännern]

Issell is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

Oortsvörsteihers[ännern | Bornkood ännern]

  • opstunns (Stand 2018): Willy Scholbe

Kultur[ännern | Bornkood ännern]

Schoolmuseum

In Issell steiht en Denkmaal för de Fullenen ut de twee Weltkrieg’.

De ole School von Issell is vondaag en Schoolmuseum, dat Pult- un Fedderkiel-Museum Issell.

Verenen[ännern | Bornkood ännern]

De Schüttenvereen Issell is 1954 grünnt worrn.

Weertschop un Infrastruktur[ännern | Bornkood ännern]

Issell hett en egene freewillige Füürwehr.

Elektrischen Stroom hett dat Dörp 1926 kregen.

Verkehr[ännern | Bornkood ännern]

Tweesprakig Oortsschild

Dör Issell löppt de Kreisstraat 31, de in’n Noordwesten över Wessloh un Host na Königsmoor geiht un in’n Süüdoosten na Snevern an de Landsstraat 170. De L 170 föhrt in’n Süüdoosten na Häbe an de Bundsstraat 3 ran un in’n Süüdwesten över Lünzen un Grauen na Hemslingen an de B 71. Lüttjere Straten loopt över Osterwe na Grotenwe un na Reinsählen.

De nächste Autobahn is de Autobahn 7 (Afsnidd HamborgHannover). De Opfohrt 43a Snevern liggt so 18 Kilometer in’n Süüdoosten von Issell an de B 3.

De nächste Bahnhoff is so bi fiev Kilometer wied weg in’n Süüdoosten de Bahnhoff Snevern an de Heidbahn.

In’n Oosten von Issell liggt de Segelflegerplatz Höpen.

Issell höört to de Öörd, de tweesprakige Oortsschiller hebbt, op de blangen den hoochdüütschen ok de plattdüütsche Naam mit opsteiht.

Scholen[ännern | Bornkood ännern]

De Kinner gaht op de Grundschool Hansahlen. En egen School in dat Dörp hett noch bet 1995 bestahn. In dat ole Schoolgebüüd is vondaag en Museum ünnerbrocht.

Dat Dörp hett ok en Kinnergoorn.

Literatur[ännern | Bornkood ännern]

  • Dorfchronik der Gemeinde Insel. Insel, Reinsehlen, Barrl und Höpen. Eine Gemeinde im Wandel der Zeit. Heimaatbund Snevern, Snevern 2012, ISBN 978-3-9815349-0-0

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 123
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 318
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  8. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  9. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  10. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
  11. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  12. Inwahnertallen op gemeindeverzeichnis.de
  13. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Issell. Mehr Biller, Videos oder Audiodateien to’t Thema gifft dat bi Wikimedia Commons.