Zoarn
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 7,504 km² | |
| Inwahners: | 417 (1. Januar 2018) | |
| Inwahnerdicht: | 55,6 Inwahners pro km² | |
| Hööchd: | 67 m över NN | |
| Postleettall: | 29640 | |
| Vörwahl: | 05193 | |
| Geograafsche Laag: | Koordinaten:53° 7′ N, 9° 46′ O53° 7′ N, 9° 46′ O | |
 | ||
|
| ||
Zoarn (hoochdüütsch Zahrensen) is en Dörp in de Gemeen Snevern in’n Landkreis Heidkreis, Neddersassen. Binnen de Gemeen billt de Oort en egen polietsche Oortschop.
Geografie[ännern | Bornkood ännern]
De Oort liggt in de Lümbörger Heid. Dat Water ut dat Rebeed flütt in’n Süden över’n Zoarner Beek na de Veers hen af un in’n Noorden na de Ruschwe. In’n Noordwesten liggt dat Naturschuulrebeed Seemoor un Swart Moor bi Zoarn.
De Naveröörd sünd Issell in’n Noorden, Hansahlen in’n Noordoosten, Snevern in’n Oosten, Gallhoorn, Stimbeck un Hasselhoff in’n Süüdoosten, Vöden un Schüllern in’n Süden, Schüllernbrookhoff un Lünzenbrookhoff in’n Süüdwesten, Lünzen in’n Westen un Schultenwe, Grotenwe un Osterwe in’n Noordwesten.
Historie[ännern | Bornkood ännern]
Zoarn kummt 1231 toeerst in de Oorkunnen vör. Fröher harr de Familie von Zahrenhusen in dat Dörp ehren Seet. Düsse Familie is in de Mannslien in dat 17. Johrhunnert utstorven.
In’n Eersten Weltkrieg sünd 16 Soldaten ut Zoarn fullen oder vermisst un in’n Tweten Weltkrieg 16.[1]
Verwaltungsgeschicht[ännern | Bornkood ännern]
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Snevern in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Lauenbrüch in’n Kanton Töst.
De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort hett in dat 19. Johrhunnert toeerst to de Buurschop Snevern mit bihöört, is denn aver en egenstännige Gemeen worrn. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Snevern worrn. Sietdem billt Zoarn en Oortschop mit egen Oortsvörsteiher.
Inwahnertall[ännern | Bornkood ännern]
| Johr | Inwahners |
|---|---|
| 1791[2] | 9 Füürsteden |
| 1812[3] | 121 |
| 1824[4] | 20 Füürsteden |
| 1848[5] | 177 Lüüd, 26 Hüüs |
| 1. Dezember 1871[6] | 209 Lüüd, 34 Hüüs |
| 1. Dezember 1885[7] | 205 Lüüd, 35 Hüüs |
| 1. Dezember 1905[8] | 201 Lüüd, 32 Hüüs |
| 1. Dezember 1910[9] | 197 |
| 1925[10] | 201 |
| 1933[10] | 240 |
| 1939[10] | 231 |
Religion[ännern | Bornkood ännern]
Zoarn is evangeelsch-luthersch präägt un höört to dat Kaspel von de Peter-un-Paul-Kark in Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
Wapen[ännern | Bornkood ännern]
Dat Wapen von Zoarn wiest dree Fisch blangen en Roos.
Oortsvörsteihers[ännern | Bornkood ännern]
- –31. Oktober 2011: Helge Knop
- 1. November 2011–: Carmen Engelhardt
Kultur[ännern | Bornkood ännern]
En Denkmaal för de Fullenen ut de twee Weltkrieg’ steiht in Zoarn in de Oortsmidd. Dat Denkmaal is an’n 11. Juni 1923 inwieht worrn. 1954/1955 sünd dor tosätzlich de Naams von de Fullenen un Vermissten ut’n Tweten Weltkrieg tokamen.
Verenen[ännern | Bornkood ännern]
De Schüttenvereen Zoarn is 1930 grünnt worrn.
Weertschop un Infrastruktur[ännern | Bornkood ännern]
Zoarn hett en egene freewillige Füürwehr, de 1942 grünnt worrn is. Vörher harr de Oort en Löschverband mit Snevern, de as Plichtfüürwehr organiseert weer.
Verkehr[ännern | Bornkood ännern]
Dör Zoarn löppt de Landsstraat 170, de in’n Süüdoosten över Snevern na Häbe an de Bundsstraat 3 ran geiht un in’n Süüdwesten över Lünzen un Grauen na Hemslingen an de B 71. In’n Noordwesten geiht de Kreisstraat 30 över Grotenwe an Fintel langs na Vahl un Lauenbrüch un in’n Süüdoosten de K 33 över Gallhoorn un Hämsen na Woltern. De L 170 warrt in Snevern krüüzt von de L 171, de in’n Noordoosten na Wintemaur an de Chaussee löppt un in’n Süüdwesten över Schüllern un Sprengel na Neenkerken.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so 17 Kilometer in’n Süüdoosten von Zoarn an de B 3.
De nächste Bahnhoff is so bi dree Kilometer wied weg in’n Oosten de Bahnhoff Snevern an de Heidbahn.
Zoarn höört to de Öörd, de tweesprakige Oortsschiller hebbt, op de blangen den hoochdüütschen ok de plattdüütsche Naam mit opsteiht.
Scholen[ännern | Bornkood ännern]
De Kinner ut Zoarn gaht na de Grundschool Lünzen. Dat is siet dat Schooljohr 2008/2009 so. Vörher sünd de Kinner in Snevern na School gahn.
Footnoten[ännern | Bornkood ännern]
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 259
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 688
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
