Osterwe

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Osterwe
Laag vun Osterwe in Düütschland
Basisdaten
Bundsland: Neddersassen
Landkreis: Heidkreis
Gemeen: Snevern
Inwahners:
Postleettall: 29640
Vörwahl: 04265
Geograafsche Laag:
Koordinaten:53° 9′ N, 9° 44′ O
53° 9′ N, 9° 44′ O

Osterwe (hoochdüütsch Osterwede) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Grotenwe.

Geografie[ännern | Bornkood ännern]

De Oort liggt in de Lümbörger Heid. An’n Noordrand von’n Oort liggt dat Naturschuulrebeed Moor bi Osterwe. 500 Meter in’n Noorden löppt de Beek Ruschweed an den Oort langs, in den ok de Osterwe’er Beek münnt, de direkt dör den Oort flütt. In’n Westen von Osterwe liggt de Soltbarg, de 71 Meter över NN hoog is.

De Naveröörd sünd Eggersmöhl in’n Noorden, Issell in’n Oosten, Snevern in’n Süüdoosten, Grotenwe in’n Westen un Haswe in’n Noordwesten.

Historie[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Lünzen in’n Kanton Töst höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Lauenbrüch in’n Kanton Töst.

De Oort hett vör 1852 to de Amtsvaagdie Snevern in dat Amt Rodenborg tohöört. Von 1852 bet 1859 weer dat in dat Amt Snevern un von 1859 bet 1885 in dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 1. August 2011 Landkreis Heidkreis heet.

De Oort hett al von öllers to de Gemeen Grotenwe tohöört un is an’n 1. März 1974 tohoop mit Grotenwe Deel von de Gemeen Snevern worrn. Sietdem höört de Oort binnen de Gemeen to de Oortschop Grotenwe, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1824-00-001824[2] 6 Füürsteden
1848-00-001848[3] 43 Lüüd. 8 Hüüs
1871-12-011. Dezember 1871[4] 37 Lüüd. 8 Hüüs
1885-12-011. Dezember 1885[5] 37 Lüüd. 8 Hüüs
1905-12-011. Dezember 1905[6] 25 Lüüd. 4 Hüüs

Religion[ännern | Bornkood ännern]

Osterwe is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

De Doden warrt op’n Karkhoff Grotenwe begraven.

Weertschop un Infrastruktur[ännern | Bornkood ännern]

För Osterwe is de freewillige Füürwehr Grotenwe mit tostännig.

Verkehr[ännern | Bornkood ännern]

In Osterwe krüüzt sik de Straten Haswe’er Weg un Osterwe’er Schoolweg/Na’n Soltbarg. De Haswe’er Weg geiht in’n Noordwesten na Haswe un in’n Süüdoosten na Snevern. De Osterwe’er Schoolweg geiht na Issell an de Kreisstraat 31 un de Straat Na’n Soltbarg geiht na Grotenwe an de K 30. De K 30 löppt von Grotenwe in’n Süüdoosten na Snevern un in’n Noordwesten an Fintel langs na Vahl un Lauenbrüch an de B 75. De K 31 löppt von Issell in’n Noordwesten över Eggersmöhl na Wessloh un in’n Süüdoosten na Snevern an de L 170.

De nächste Autobahn is de Autobahn 7 (Afsnidd HamborgHannover). De Opfohrt 43a Snevern liggt so 20 Kilometer in’n Oosten von Osterwe an de B 3.

De nächste Bahnhoff is so bi söss Kilometer wied weg in’n Süüdoosten de Bahnhoff Snevern an de Heidbahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 179
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 474
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153