Eggersmöhl
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 04265 | |
| Geograafsche Laag: | Koordinaten:53° 11′ N, 9° 44′ O53° 11′ N, 9° 44′ O | |
|
| ||
Eggersmöhl (hoochdüütsch Eggersmühlen) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Wessloh.
Geografie
[ännern | Bornkood ännern]
De Oort liggt in de Lümbörger Heid an de Fintau. Dat Rebeed an de Fintau is as Naturschuulrebeed Böver Fintaudaal schuult.
De Naveröörd sünd Wessloh in’n Noordoosten, Wintemaur-Gäbesdörp in’n Oosten, Reinsählen un Issell in’n Süüdoosten, Osterwe in’n Süden, Haswe in’n Süüdwesten, Fintel mit Haxloh in’n Westen un Host in’n Noordwesten.
Historie
[ännern | Bornkood ännern]De Watermöhl an de Fintau kummt 1567 toeerst in de Oorkunnen vör. Dat hüdige Möhlengebüüd is 1855 boot un 1900 opstockt worrn. Gliektiedig hett de Möhl 1900 en Turbin kregen. De Möhl is bet üm un bi 1950 lopen un stünn denn leddig. 1997/1998 is de Möhl saneert un wedder herricht worrn.
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Fintel in’n Kanton Töst höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Lauenbrüch in’n Kanton Töst.
De Oort hett vör 1852 to de Amtsvaagdie Snevern in dat Amt Rodenborg tohöört un is in dat Johr denn in dat ne’e Amt Snevern wesselt. Dit Amt hett blots söven Johr bestahn. Von 1859 bet 1885 hett Eggersmöhl to dat Amt Soltau höört. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Heidkreis heten deit.
De Oort hett von öllers bi de Gemeen Wessloh bihöört, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört Eggersmöhl binnen de Gemeen to de Oortschop Wessloh, de en egen Oortsvörsteiher hett.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 1 Füürsteed |
| 1812[2] | 15 |
| 1824[3] | 2 Füürsteden |
| 1848[4] | 21 Lüüd, 2 Hüüs |
| 1. Dezember 1871[5] | 16 Lüüd, 3 Hüüs |
| 1. Dezember 1885[6] | 22 Lüüd, 2 Hüüs |
| 1. Dezember 1905[7] | 17 Lüüd, 3 Hüüs |
Religion
[ännern | Bornkood ännern]Eggersmöhl is evangeelsch-luthersch präägt un höört to dat Kaspel von de Peter-un-Paul-Kark in Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
Weertschop un Infrastruktur
[ännern | Bornkood ännern]För Eggersmöhl is de freewillige Füürwehr Wessloh mit tostännig.
Verkehr
[ännern | Bornkood ännern]
Dör Eggersmöhl löppt de Kreisstraat 31, de in’n Noorden na Wessloh un Host geiht un in’n Süüdoosten över Issell na Snevern an de Landsstraat 170. In Wessloh geiht von de K 31 na Süüdoosten de K 32 af, de na Wintemaur an de L 171 föhrt.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so 24 Kilometer in’n Süüdoosten von Eggersmöhl an de B 3. De Opfohrt 45 Hullnst op de Autobahn 1 (Afsnidd Hamborg–Bremen) liggt ok so 24 Kilometer wied weg in’n Noorden an de L 141.
De nächste Bahnhoff is so bi acht Kilometer wied weg in’n Oosten de Bahnhoff Wintemaur an de Heidbahn.
Eggersmöhl hett Oortsschiller, op de ok de plattdüütsche Naam blangen den hoochdüütschen mit opsteiht.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 63
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 156
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 155
