Häbe

Vun Wikipedia
Wapen/Flagg Koort
Wapen unbekannt
Häbe
Laag vun Häbe in Düütschland
Basisdaten
Bundsland: Neddersassen
Landkreis: Heidkreis
Gemeen: Snevern
Flach: 50,593 km²
Inwahners: 735 (2018-01-011. Januar 2018)
Inwahnerdicht: 14,5 Inwahners pro km²
Hööchd: 76 m över NHN
Postleettall: 29640
Vörwahl: 05199
Geograafsche Laag:
Koordinaten:53° 5′ N, 9° 52′ O
53° 5′ N, 9° 52′ O
WesslohWintemaurIssellZoarnSchüllernLünzenGrotenweLangloh (Gemeen Snevern)EhrhoornSnevernHäbe
Laag von Häbe in de Gemeen Snevern (Koort lett sik anklicken)

Karte

Häbe (hoochdüütsch Heber) is en Dörp in de Gemeen Snevern in’n Landkreis Heidkreis, Neddersassen. Binnen de Gemeen billt de Oort en egen polietsche Oortschop.

Bi de Oortschop Häbe höört ok de Öörd Benninghöben, Bockhäbe, Hillen, Langwedel, Möhr, Pietz, Schaal, Surbossel, Tütsbarg un Wulfsbarg mit bi.

Geografie[ännern | Bornkood ännern]

De Oort liggt in de Lümbörger Heid an dat Över von de Böhm. De Oort is op dree Sieden von dat Naturschuulrebeed Lümbörger Heid ümgeven, to dat ok dat Pietzmoor bihöört.

De Naveröörd sünd Bockhäbe, Wulfsbarg, Tütsbarg un Benninghöben in’n Noordoosten, Schaal, Steenkenhöben un Bissen in’n Oosten, Timmerloh, Harm un Langwedel in’n Süüdoosten, Hillen un Surbossel in’n Süden, Gröps in’n Süüdwesten, Hämsen in’n Westen un Snevern, Pietz un Möhr in’n Noordwesten.

Historie[ännern | Bornkood ännern]

Windmöhl in Häbe

Häbe kummt 1123 as Hathebere toeerst in de Oorkunnen vör.

In’n Eersten Weltkrieg sünd 27 Soldaten ut Häbe fullen oder vermisst un in’n Tweten Weltkrieg 78.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Woltern in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort weer fröher en egenstännige Gemeen, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem billt Häbe binnen de Gemeen en Oortschop mit egen Oortsvörsteiher.

Inwahnertall[ännern | Bornkood ännern]

Oort:

Johr Inwahners
1791-00-001791[2] 10 Füürsteden
1812-00-001812[3] 116
1824-00-001824[4] 20 Füürsteden
1848-00-001848[5] 323 Lüüd, 41 Hüüs
1871-12-011. Dezember 1871[6] 398 Lüüd, 56 Hüüs
1885-12-011. Dezember 1885[7] 374 Lüüd, 64 Hüüs
1905-12-011. Dezember 1905[8] 434 Lüüd, 66 Hüüs

Gemeen:

Johr Inwahners
1848-00-001848[9] 613 Lüüd, 81 Hüüs
1871-12-011. Dezember 1871[10] 714 Lüüd, 103 Hüüs
1885-12-011. Dezember 1885[11] 639 Lüüd, 111 Hüüs
1905-12-011. Dezember 1905[12] 720 Lüüd, 109 Hüüs
1910-12-011. Dezember 1910[13] 673
1925-00-001925[14] 739
1933-00-001933[14] 714
1939-00-001939[14] 699

Religion[ännern | Bornkood ännern]

Fredenskark in Häbe

Häbe is evangeelsch-luthersch präägt un billt mit de Fredenskark en egen Kaspel. Düsse Kark is 1956 boot un 1961 egenstännige Karkengemeen worrn. Bevör dat de Fredenskark geven hett, hett de Oort to dat Kaspel von de Peter-un-Paul-Kark in Snevern tohöört.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

De Karkhoff Häbe is 1954 inricht worrn un liggt an de Straat An’n Kabenbusch in’n Noordoosten von Häbe.

Oortsvörsteihers[ännern | Bornkood ännern]

  • opstunns (Stand 2018): Jörn Skirke

Kultur[ännern | Bornkood ännern]

Kriegerdenkmaal

In Häbe steiht en Denkmaal för de Fullenen ut de twee Weltkrieg’. Dat Denkmaal is 1923 anleggt worrn. 1953 sünd dor de Naams von de Fullenen un Vermissten ut’n Tweten Weltkrieg tokamen.

Verenen[ännern | Bornkood ännern]

De Schüttenvereen Häbe is 1909 grünnt worrn.

Weertschop un Infrastruktur[ännern | Bornkood ännern]

Häbe hett en egene freewillige Füürwehr, de an’n 20. April 1901 grünnt worrn is.

Verkehr[ännern | Bornkood ännern]

Dör Häbe löppt de Landsstraat 170, de in’n Noordwesten över Snevern, Zoarn, Lünzen un Grauen na Hemslingen geiht un de bi Häbe in de Bundsstraat 3 münnt. De B 3 föhrt in’n Noorden över Wintemaur an de Chaussee un Will op Bookholt un Buxthu to un in’n Oosten na de Autobahn 7 (Afsnidd HamborgHannover). De Opfohrt 43a Snevern liggt so söven Kilometer in’n Oosten von Häbe. Von de L 170 geiht in’n Westen de Kreisstraat 26 na Hämsen un in’n Süden de K 1 över Woltern na Soltau.

De nächste Bahnhoff is so bi söss Kilometer wied weg in’n Noordwesten de Bahnhoff Snevern an de Heidbahn.

Scholen[ännern | Bornkood ännern]

De Kinner ut Häbe gaht in Snevern op de Grundschool an’t Pietzmoor.

De Oort hett en egen Speelkreis.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 91
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 254
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 100
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  9. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  10. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  11. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 100
  12. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  13. Inwahnertallen op gemeindeverzeichnis.de
  14. a b c Inwahnertallen op verwaltungsgeschichte.de

Weblenken[ännern | Bornkood ännern]

Häbe. Mehr Biller, Videos oder Audiodateien to’t Thema gifft dat bi Wikimedia Commons.