Wulfsbarg (Landkreis Heidkreis)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Wulfsbarg
Laag vun Wulfsbarg in Düütschland
Basisdaten
Bundsland: Neddersassen
Landkreis: Heidkreis
Gemeen: Snevern
Inwahners:
Postleettall: 29640
Vörwahl: 05199
Geograafsche Laag:
Koordinaten:53° 8′ N, 9° 54′ O
53° 8′ N, 9° 54′ O

Wulfsbarg (hoochdüütsch Wulfsberg) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Häbe.

De Oort is nöömt na’n 103 m över de See hogen Wulfsbarg, de en lütt Stück in’n Süüdoosten liggt.

Geografie[ännern | Bornkood ännern]

De Oort liggt in de Lümbörger Heid un in dat Naturschuulrebeed Lümbörger Heid. In de Neegd von’n Hoff liggt de Born von de Wümm.

De Naveröörd sünd Habenbeck-Nerndörp un Habenbeck-Bobendörp in’n Noordoosten, Behrn, Tütsbarg un Benninghöben in’n Süüdoosten, Schaal in’n Süden, Bockhäbe, Pietz un Möhr in’n Süüdwesten, Snevern, Hansahlen un Höpen in’n Westen un Reinsählen un Baal in’n Noordwesten.

Historie[ännern | Bornkood ännern]

De Hoff Wulfsbarg is vondaag as Bodenkmaal schuult.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 to dat Königriek Westfalen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort höört von öllers bi de Gemeen Häbe mit bi, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört Wulfsbarg binnen de Gemeen to de Oortschop Häbe, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1812-00-001812[1] 12
1824-00-001824[2] 2 Füürsteden
1848-00-001848[3] 21 Lüüd. 4 Hüüs
1871-12-011. Dezember 1871[4] 33 Lüüd. 6 Hüüs
1885-12-011. Dezember 1885[5] 22 Lüüd. 4 Hüüs
1905-12-011. Dezember 1905[6] 26 Lüüd. 4 Hüüs

Religion[ännern | Bornkood ännern]

Wulfsbarg is evangeelsch-luthersch präägt un höört to dat Kaspel von de Fredenskark in Häbe. Düsse Kark is 1956 boot un 1961 egenstännige Karkengemeen worrn. Vörher hett de Oort to dat Kaspel von de Peter-un-Paul-Kark in Snevern tohöört.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

Weertschop un Infrastruktur[ännern | Bornkood ännern]

För Wulfsbarg is de freewillige Füürwehr Häbe mit tostännig.

Verkehr[ännern | Bornkood ännern]

Wulfsbarg liggt aflegen in de Lümbörger Heid. Dat gifft blots lüttjere Weeg in’n Westen an de Bundsstraat 3, in’n Noordoosten na Habenbeck an de L 211 un in’n Süüdoosten na Tütsbarg an de Kreisstraat 44 un wieder na Schaal. Dor is de K 44 anbunnen an de B 3 un an de L 170.

De nächste Autobahn is de Autobahn 7 (Afsnidd HamborgHannover). De Opfohrt 43 Bissen liggt so söven Kilometer in’n Süüdoosten von Wulfsbarg an de L 211.

De nächste Bahnhoff is so bi negen Kilometer wied weg in’n Westen de Bahnhoff Snevern an de Heidbahn.

Scholen[ännern | Bornkood ännern]

De Kinner ut Wulfsbarg gaht in Snevern op de Grundschool an’t Pietzmoor.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 684
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153