Behrn

Vun Wikipedia
Wapen/Flagg Koort
Wapen unbekannt
Behrn
Laag vun Behrn in Düütschland
Basisdaten
Bundsland: Neddersassen
Landkreis: Heidkreis
Gemeen: Bissen
Flach: 12,73 km²
Inwahners: 998 (2012-12-3030. Dezember 2012)
Inwahnerdicht: 78,4 Inwahners pro km²
Hööchd: 81 m över NN
Postleettall: 29646
Vörwahl: 05194
Geograafsche Laag:
Koordinaten:53° 7′ N, 9° 58′ O
53° 7′ N, 9° 58′ O

Karte

Behrn (hoochdüütsch Behringen) is en Dörp in de Gemeen Bissen in’n Landkreis Heidkreis, Neddersassen. Binnen de Gemeen billt Behrn en egen polietsche Oortschop.

Geografie[ännern | Bornkood ännern]

De Brunau bi Behrn

De Oort liggt in de Lümbörger Heid. Dat Water ut dat Rebeed flütt över de Brunau af, de in’n Süden an dat Dörp langsflütt. In’n Süüdoosten von dat Dörp is de Brunau 1980/1981 utbaggert worrn un billt dor den Brunausee. Dat Rebeed in’n Noorden un Westen von Behrn is as Naturschuulrebeed Lümbörger Heid schuult.

De Naveröörd sünd Wils in’n Noorden, Sellhorn, Volgern un Hörpel in’n Noordoosten, Adolfshusen un Drauhwel in’n Oosten, Bossel, Hützel un Bissen in’n Süüdoosten, Steenkenhöben in’n Süden, Schaal in’n Süüdwesten, Tütsbarg in’n Westen un Habenbeck in’n Noordwesten.

Historie[ännern | Bornkood ännern]

Behrn kummt 1193 toeerst in de Oorkunnen vör.

In’n Eersten Weltkrieg sünd 18 Soldaten ut Behrn fullen oder vermisst un in’n Tweten Weltkrieg 65.[1]

1969 hett de Oort von wegen de Naamsähnlichkeit mit’n hoochdüütschen Naam en Partnerschop slaten mit de Öörd Beringen (Swiez), Beringen (Luxemborg), Beringen (Belgien) un Beringe (Nedderlannen). De Partnerschop löppt ünner’n Naam „5 x Beringen international“. Siet 1990 hebbt ok de Öörd Behringen un Behringen (all beid in Döringen) an de Drepens deelnahmen.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Bissen in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.

De Oort hett vör 1852 to de Amtsvaagdie Amelkusen in dat Amt Winsen tohöört un is 1852 denn in dat Amt Soltau wesselt. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn (de siet 2011 Landkreis Heidkreis heet).

De Oort is an’n 1. März 1974 bi de Gemeenreform in Neddersassen mit Hörpel, Volgern un Wils tohoopgahn un hett de Gemeen Behrn billt, de aver blots bet to’n 16. März 1974 Bestand harr un denn Deel von de Gemeen Bissen worrn is. Sietdem billt de Oort binnen de Gemeen en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[2] 7 Füürsteden
1812-00-001812[3] 149*
1824-00-001824[4] 7 Füürsteden
1848-00-001848[5] 153 Lüüd, 17 Hüüs
1871-12-011. Dezember 1871[6] 179 Lüüd, 28 Hüüs
1885-12-011. Dezember 1885[7] 226 Lüüd, 34 Hüüs
1905-12-011. Dezember 1905[8] 349 Lüüd, 56 Hüüs
1910-12-011. Dezember 1910[9] 392
1925-00-001925[10] 494
1933-00-001933[10] 484
1939-00-001939[10] 516
* tohoop mit Steenkenhöben un Bossel

Religion[ännern | Bornkood ännern]

Behrn is evangeelsch-luthersch präägt un höört to dat Kaspel von de Antoniuskark in Bissen.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

De Oort hett en egen Karkhoff, de en beten buten dat Dörp na Habenbeck to liggt. Tosätzlich gifft dat en Friedwald.

Börgermeesters/Oortsvörsteihers[ännern | Bornkood ännern]

Börgermeesters:

  • 1969–1974: Helmut Irrgang

Oortsvörsteihers:

  • 1974–1991: Helmut Irrgang
  • 1991–31. Oktober 2016: Bernd Gellersen
  • 1. November 2016–: Jürgen Wappler

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in’n Dörppark an de Widukindstraat.

Verenen[ännern | Bornkood ännern]

De Schüttenvereen Behrn is 1908 grünnt worrn.

Weertschop un Infrastruktur[ännern | Bornkood ännern]

Behrn hett en egene freewillige Füürwehr, de an’n 11. Januar 1925 grünnt worrn is.

Dicht bi Behrn liggt de Snow Dome Bissen.

Verkehr[ännern | Bornkood ännern]

Dör Behrn löppt de Landsstraat 211, de in’n Noordwesten över Habenbeck na Wintemaur an de Chaussee an de Bundsstraat 3 ran geiht un in’n Süüdoosten na Bissen un denn wieder na de Bundsstraten B 209 un B 71. Von de L 211 geiht na Süüdwesten de L 170 af, de na Tütsbarg an de B 3 föhrt. In’n Noordoosten löppt de Kreisstraat 34 bi Volgern an de L 212 ran. De Kreisstraat 51 föhrt as Ümtostraat von de K 34 in’n Noordoosten üm Behrn rüm na de L 170 in’n Süüdwesten.

De nächste Autobahn is de Autobahn 7 (Afsnidd HamborgHannover). De Opfohrt 43 Bissen liggt knapp twee Kilometer in’n Süüdoosten von Behrn an de L 211. In’n Oosten von Behrn an de Autobahn liggt de Rastplatz Lümbörger Heid West.

De nächste Bahnhoff is so bi 14 Kilometer wied weg de Bahnhoff Snevern an de Heidbahn in’n Oosten. Von 1913 bet 1975 hett dat op de Bahnlien Lümborg–Soltau Personenverkehr geven. De Bahnhoff Bissen weer in disse Tied üm un bi veer Kilometer in’n Süüdoosten.

Dör den Oort föhrt ok de Heidsnuckenweg för Wannertouristen.

Scholen[ännern | Bornkood ännern]

De Oort hett en egen Kinnergoorn. De egene Volksschool, de dat Dörp fröher harr, besteiht vondaag nich mehr.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 22
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 46
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de

Weblenken[ännern | Bornkood ännern]

Behrn. Mehr Biller, Videos oder Audiodateien to’t Thema gifft dat bi Wikimedia Commons.