Tütsbarg

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Tütsbarg
Laag vun Tütsbarg in Düütschland
Basisdaten
Bundsland: Neddersassen
Landkreis: Heidkreis
Gemeen: Snevern
Inwahners:
Postleettall: 29640
Vörwahl: 05199
Geograafsche Laag:
Koordinaten:53° 7′ N, 9° 55′ O
53° 7′ N, 9° 55′ O

Tütsbarg (hoochdüütsch Tütsberg) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Häbe.

De Oort is nöömt na’n 117 m över de See hogen Tütsbarg, de en lütt Stück in’n Noordwesten liggt.

Geografie[ännern | Bornkood ännern]

De Oort liggt in de Lümbörger Heid un in dat Naturschuulrebeed Lümbörger Heid. Dat Water ut dat Rebeed flütt över de Brunau af.

De Naveröörd sünd Habenbeck-Nerndörp un Habenbeck-Bobendörp in’n Noorden, Behrn in’n Oosten, Benninghöben un Steenkenhöben in’n Süüdoosten, Schaal in’n Süden, Bockhäbe, Häbe, Pietz un Möhr in’n Süüdwesten, Snevern in’n Westen un Reinsählen un Baal in’n Noordwesten.

Historie[ännern | Bornkood ännern]

De Hoff an’n Tütsbarg kummt in dat 16. Johrhunnert toeerst in de Oorkunnen vör.

Vondaag bedrifft de Vereen Naturschuulpark den Hoff Tütsbarg as Landschopspleeghoff, üm de Landschop in dat Naturschuulrebeed Lümbörger Heid to bewohren. De Vereen hett den Hoff in Tütsbarg 1928 köfft. In’n Schaapstall von 2003 sünd 800 Heidsnucken ünnerbrocht, de den Dag över in de Heid weiden doot.

Von 1911 bet 1956 harr de Architekt Gustav Goerke ut Berlin en Hoff in Tütsbarg, de vondaag to en Hotelanlaag utboot is.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Woltern in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort höört von öllers bi de Gemeen Häbe mit bi, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört Tütsbarg binnen de Gemeen to de Oortschop Häbe, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 20
1824-00-001824[3] 2 Füürsteden
1848-00-001848[4] 14 Lüüd. 2 Hüüs
1871-12-011. Dezember 1871[5] 16 Lüüd. 2 Hüüs
1885-12-011. Dezember 1885[6] 12 Lüüd. 2 Hüüs
1905-12-011. Dezember 1905[7] 10 Lüüd. 2 Hüüs

Religion[ännern | Bornkood ännern]

Tütsbarg is evangeelsch-luthersch präägt un höört to dat Kaspel von de Fredenskark in Häbe. Düsse Kark is 1956 boot un 1961 egenstännige Karkengemeen worrn. Vörher hett de Oort to dat Kaspel von de Peter-un-Paul-Kark in Snevern tohöört.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

Weertschop un Infrastruktur[ännern | Bornkood ännern]

För Tütsbarg is de freewillige Füürwehr Häbe mit tostännig.

Verkehr[ännern | Bornkood ännern]

Tütsbarg liggt aflegen in de Lümbörger Heid. Dat gifft blots lüttjere Weeg in’n Westen an de Bundsstraat 3, in’n Noordoosten bi Habenbeck an de L 211 un över de Kreisstraat 44 in’n Süden na Schaal. Dor is de K 44 anbunnen an de B 3 un an de L 170.

De nächste Autobahn is de Autobahn 7 (Afsnidd HamborgHannover). De Opfohrt 43 Bissen liggt so söss Kilometer in’n Süüdoosten von Tütsbarg an de L 211.

De nächste Bahnhoff is so bi negen Kilometer wied weg in’n Westen de Bahnhoff Snevern an de Heidbahn.

De Feernwannerweg Heidsnuckenweg löppt över Tütsbarg.

Scholen[ännern | Bornkood ännern]

De Kinner ut Tütsbarg gaht in Snevern op de Grundschool an’t Pietzmoor.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 230
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 606
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153