Will (Landkreis Horborg)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Will
Laag vun Will in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Will
Inwahners:
Postleettall: 21261
Vörwahl: 04188
Geograafsche Laag:
Koordinaten:53° 14′ N, 9° 48′ O
53° 14′ N, 9° 48′ O

Will (hoochdüütsch Welle) is en Dörp in de Gemeen Will (Samtgemeen Töst) in’n Landkreis Horborg, Neddersassen.

Geografie[ännern | Bornkood ännern]

Will liggt to’n gröttsten Deel an dat linke Över von de Eest. De Fuhlaubeek flütt in’n Westen langs un münnt in’n Noorden von’n Oort in de Eest.

De Naveröörd sünd Hökel in’n Noorden, Handörp un Wörm in’n Noordoosten, Inzmöhlen in’n Oosten, Wehlen in’n Süüdosten, Cordshagen, Wintemaur an de Chaussee un Wintemaur-Gäbesdörp in’n Süden, Ottermoor, Groot un Lütt Todtshorn in’n Süüdwesten, Haßel in’n Westen, Kamp mit Kamperlien un Hinkenbossel in’n Noordwesten.

Historie[ännern | Bornkood ännern]

Dat eerste Maal kummt de Oort an’n 11. November 1105 in de Oorkunnen vör. Disse Oorkunn hannelt von dat Utstafferen för dat ne’e Klooster Katelnborg dör Adela von Katelnborg.

In’n Eersten Weltkrieg sünd ölven Soldaten ut Will fullen oder vermisst un in’n Tweten Weltkrieg 34.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort hett an’n 1. Juli 1972 mit de Gemeenreform in Neddersassen tohoop mit Kamp de nu gröttere Gemeen Will billt.

Inwahnertall[ännern | Bornkood ännern]

Johr Inwahners
1793-00-001793[2] 9 Füürsteden
1812-00-001812[3] 109
1824-00-001824[4] 14 Füürsteden
1848-00-001848[5] 160 Lüüd. 21 Hüüs
1871-12-011. Dezember 1871[6] 191 Lüüd. 33 Hüüs
1910-12-011. Dezember 1910[7] 258
1925-00-001925[8] 269
1933-00-001933[8] 285
1939-00-001939[8] 285

Religion[ännern | Bornkood ännern]

Will is evangeelsch-luthersch präägt un höört to dat Kaspel von de Nikodemus-Kark in Handörp. Disse Kark is 1957 bet 1959 boot worrn. Vörher hett de Oort to dat Kaspel von de Johannes-de-Döper-Kark in Töst höört.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Will vör dat Sprüttenhuus.

Verenen[ännern | Bornkood ännern]

De Schüttenvereen Kamp un Ümgegend, bi den de Lüüd ut Will mitmaken doot, is 1921 grünnt worrn. De Turnvereen Will is 1924 grünnt worrn.

Weertschop un Infrastruktur[ännern | Bornkood ännern]

De freewillige Füürwehr Will is 1936 grünnt worrn.

Verkehr[ännern | Bornkood ännern]

Oortsschild mit plattdüütschen Naam

Dör Will löppt de Bundsstraat 3, de in’n Süden över Wintemaur an de Chaussee na Snevern un Soltau to geiht un in’n Noorden över Hökel un Sprötz na de B 75 bi Bookholt un de B 73 bi Buxthu. In’n Noordwesten geiht de Landsstraat 141 na Töst un in’n Süüdoosten de Kreisstraat 27 över Handörp, Inzmöhlen un Wesel na Unnel un Sohrendörp.

De Oort höört siet 2013 ok to de Öörd, de tweesprakige Oortsschiller hebbt, op de blangen den hoochdüütschen Naam ok de plattdüütsche mit op steiht (Öörd mit tweesprakige Oortsschiller Plattdüütsch/Hoochdüütsch).

De nächste Autobahn is de Autobahn 1. De Opfohrt 44 Raad liggt so 15 Kilometer in’n Noorden von Will.

De nächste Bahnhoff is so bi dree Kilometer wied weg in’n Oosten de Bahnhoff Handörp an de Heidbahn. De Bahnhoff Töst an de Bahnlien Hamborg–Bremen liggt knapp söven Kilometer in’n Noordwesten.

Scholen[ännern | Bornkood ännern]

De Kinner ut Will gaht na de Grundschool Handörp op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Lüüd[ännern | Bornkood ännern]

De plattdüütsche Schriever Friedrich Freudenthal hett in siene fröhe Tied en Stoot lang as Postgehülp in Will leevt.

Literatur[ännern | Bornkood ännern]

  • Helmut R. Tödter: Kampen, Welle und Todtshorn. Heimatbuch des südlichen Todt. PD-Verlag, Heidenau 2005

Footnoten[ännern | Bornkood ännern]

  1. http://www.denkmalprojekt.org/dkm_deutschland/welle.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 244: https://books.google.de/books?id=jN5QAAAAcAAJ&pg=PA244
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  4. C. H. Jansen: Statistisches Handbuch des Königreichs Hannover. 1824, Sied 646: http://books.google.de/books?id=tG0AAAAAcAAJ&pg=PA646
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132
  7. http://www.gemeindeverzeichnis.de/gem1900/gem1900.htm?hannover/harburg.htm
  8. a b c http://www.verwaltungsgeschichte.de/harburg.html