Ottermoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Ottermoor
Laag vun Ottermoor in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Otter
Inwahners:
Postleettall: 21259
Vörwahl: 04188
Geograafsche Laag:
Koordinaten:53° 12′ N, 9° 48′ O
53° 12′ N, 9° 48′ O

Oortsschild von Ottermoor

Ottermoor (hoochdüütsch Ottermoor) is en Dörp in de Gemeen Otter (Samtgemeen Töst) in’n Landkreis Horborg, Neddersassen.

Geografie[ännern | Bornkood ännern]

Ottermoor liggt in de Grootlandschop Lümbörger Heid. De Grund is aver Moor. In’n Süden von’n Oort liggt dat Naturschuulrebeed Heidmoor bi Ottermoor un in’n Westen dat Böver Wümmdaal.

In’n Süden flütt de Wümm bi dat Dörp langs. De Fuhlbeek, de in Ottermoor sien Born hett, flütt von rechts in de Wümm. In’n Oosten flütt de Eest in en Afstand von en goden Kilometer an’n Oort vörbi.

De Naveröörd sünd Will in’n Noorden, Cordshagen in’n Noordoosten, Wintemaur an de Chaussee in’n Süüdoosten, Wintemaur-Gäbesdörp in’n Süden, Wessloh in’n Süüdwesten un Groot Todtshorn in’n Noordwesten.

Historie[ännern | Bornkood ännern]

Dat Moor is 1913 toeerst besiedelt worrn.[1]

De Oort hett jümmer to de Gemeen Todtshorn mit bihöört un is an’n 1. Juli 1972 tohoop mit Todtshorn Deel von de Gemeen Otter worrn.

Hauensteen[ännern | Bornkood ännern]

Hauensteen

Twüschen Wintemaur un Ottermoor liggt de ole Grenz twüschen dat Hoogstift Veern un dat Förstendom Lümborg. Düsse Grenz weer lang ümstreden un is eerst 1575 exakt fastleggt worrn. Langs de Grenz hebbt se 1580 denn Grenzsteen opstellt. Op de Sied von dat Förstendom Lümborg weer dat ok noch de Grenz von dat Amt Horborg un dat Amt Winsen. An dissen Punkt is 2007 wedder en Steen opstellt worrn. De Steen hett Hauensteen heten, von wegen, dat op de een Sied en Veerner Nagelkrüüz inhauen weer un op de anner Sied en Lümbörger Lööw.

Religion[ännern | Bornkood ännern]

Ottermoor is evangeelsch-luthersch präägt un höört to dat Kaspel von de Nikodemus-Kark in Handörp. De Kark is 1959 grünnt worrn. Vörher hett de Oort to dat Kaspel von de Johannes-de-Döper-Kark in Töst höört.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Ottermoor geiht de Ottermoorer Weg, de in’n Noorden över Groot Todtshorn, Lütt Todtshorn, Haßel un Kamp geiht un in’n Süden na Wintemaur-Gäbesdörp. In’n Oosten geiht en Straat na Wintemaur an de Chaussee un dor an de Bundsstraat 3 ran. In’n Noordoosten geiht en Weg na Will un dor ok an de B 3 ran. Ans gift dat noch en lüttjeren Weg na Wessloh in’n Süüdwesten.

De nächsten Autobahnen sünd de Autobahn 7 un de Autobahn 1. De Opfohrt 43 Bissen op de A 7 liggt so 20 Kilometer in’n Süüdoosten von Ottermoor un de Opfohrten 44 Raad un 45 Hullnst op de A 1 so bi 20 Kilometer in’n Noorden.

De nächste Bahnhoff is so bi veer Kilometer wied weg in’n Süüdoosten in Wintemaur an de Chaussee an de Heidbahn.

Scholen[ännern | Bornkood ännern]

De Kinner ut Ottermoor gaht na de Grundschool Otter op School.

Footnoten[ännern | Bornkood ännern]

  1. http://www.todtshorn.de/infos/chronik-todtshorn.html

Weblenken[ännern | Bornkood ännern]

Commons-logo.svg Ottermoor. Mehr Biller, Videos oder Audiodateien to’t Thema gifft dat bi Wikimedia Commons.