Todtshoorn

From Wikipedia
(Redirected from Todtshorn)
Jump to navigation Jump to search
Wapen/Flagg Koort
Wapen unbekannt
Todtshoorn
Laag vun Todtshoorn in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Otter
Inwahners:
Postleettall: 21259
Vörwahl: 04182
Geograafsche Laag:
Koordinaten:53° 13′ N, 9° 47′ O
53° 13′ N, 9° 47′ O

Todtshoorn (hoochdüütsch Todtshorn) is en Oort in de Gemeen Otter, in’n Landkreis Horborg, Neddersassen. De Oort is opdeelt in Groot Todtshoorn in’n Süden un Lütt Todtshoorn in’n Noorden.

Geografie[edit | edit source]

Todtshoorn liggt in de Lümbörger Heid. Een Kilometer in’n Süüdwesten flütt de Wümm langs. Dat Daal von de Wümm in’n Westen von Groot Todtshoorn steiht as Böver-Wümmdaal ünner Naturschuul un jüstso dat Heidmoor bi Ottermoor in’n Süden von Groot Todtshoorn.

De Naveröörd sünd Haßel un Kamp in’n Noorden, Will in’n Noordoosten, Ottermoor un Wintemaur an de Chaussee in’n Süüdoosten, Wintemaur-Gäbesdörp in’n Süden, Wessloh un Host in’n Süüdwesten (de letzten veer in’n Landkreis Heidkreis), Wümmgrund un Königsmoor in’n Westen un Otter in’n Noordwesten.

Historie[edit | edit source]

De ne’e Böök von Todtshoorn
Gedenksteen bi de Böök

Todtshoorn keem an’n 11. November 1105 as Toteshorne toeerst in de Oorkunnen vör, nadem Graaf Dierk III. von Katelnborg von sien Vader Land in dat Dörp arvt harr un bi dat Stiften von dat Klooster Katelnborg dissen Besitt dat Klooster mitgeven hett.

De Oort hett vör 1852 to de Vaagdie Töst in dat Amt Horborg tohöört. 1852 is de Oort in dat Amt Mesborg wesselt. Dor is he bet 1859 bleven, denn is dor dat Amt Töst von worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

An’n 1. Juli 1972 is Todtshoorn bi de Gemeenreform in Neddersassen denn Deel von de Gemeen Otter worrn.

In Todtshoorn hett bet 1931 de Napoleonböök stahn, de vondaag as Symbool för den Oort in dat Wapen von de Gemeen Otter wiest warrt un von de ok Friedrich Freudenthal al dicht hett.

In’n Eersten Weltkrieg sünd acht Soldaten ut Todtshoorn fullen oder vermisst un in’n Tweten 17[1].

Inwahnertall[edit | edit source]

Johr Inwahners
1793-00-001793[2] 9 Füürsteden
1824-00-001824[3] 21 Füürsteden
1848-00-001848[4] 151 Lüüd. 22 Hüüs
1910-12-011. December 1910[5] 157
1933-00-001933[6] 186
1939-00-001939[6] 156

Religion[edit | edit source]

Todtshoorn is evangeelsch-luthersch präägt un höört to dat Kaspel von de Nikodemus-Kark in Handörp. Disse Kark is 1957 bet 1959 boot worrn. Vörher hett de Oort to dat Kaspel von de Johannes-de-Döper-Kark in Töst höört.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Börgermeesters[edit | edit source]

  • -1951: Willi Riebau
  • 1951-: Willi Busch

Kultur[edit | edit source]

Kriegerdenkmaal

In dat Dörp steiht en Denkmaal för de Fullenen ut de twee Weltkrieg’.

Verenen[edit | edit source]

De Oort hett en egen Freewillige Füürwehr, de 1936 grünnt worrn is.

Infrastruktur[edit | edit source]

Verkehr[edit | edit source]

Todtshoorn liggt an de Kreisstraat 65, de in’n Noorden na de Landsstraat 141 in Kamperlien löppt. So bi een Kilometer in’n Oosten löppt von Noord na Süüd de Bundsstraat 3 an’n Oort langs. Lüttjere Straten loopt ans na Otter, över Ottermoor na Wintemaur-Gäbesdörp un na Will.

De nächsten Bahnhööv sünd de Bahnhoff Wintemaur an de Heidbahn (so bi söss Kilometer weg) un de Bahnhoff Töst an de Bahnlien Bremen–Hamborg (so bi negen Kilometer weg).

De Autobahn 1 (Afsnidd HamborgBremen) löppt so knapp 20 Kilometer in’n Noordwesten an’n Oort vörbi un de A 7 (Afsnidd HamborgHannover) so bi 20 Kilometer in’n Oosten.

De hüdige K 65 is 1957 von de Gemeen Todtshoorn för 27.000 DM asphalteert worrn.

School[edit | edit source]

De eersten Narichten över den Schoolünnericht in Todtshoorn sünd von 1755. To de Tied müssen de Kinner noch na Kamp na School gahn. 1808 hett de Oort denn sien egen School kregen. 1862 un denn noch wedder 1951 is en neet Schoolhuus boot worrn. De Volksschool in Todtshoorn hett 1962 dichtmaakt.

De Kinner ut Todtshoorn gaht nu na de Grundschool Otter op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Literatur[edit | edit source]

  • Helmut R. Tödter: Kampen, Welle und Todtshorn. Heimatbuch des südlichen Todt. 2005

Footnoten[edit | edit source]

  1. http://www.denkmalprojekt.org/dkm_deutschland/todtshorn.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 229: https://books.google.de/books?id=jN5QAAAAcAAJ&pg=PA229
  3. C. H. Jansen: Statistisches Handbuch des Königreichs Hannover. 1824, Sied 602: http://books.google.de/books?id=tG0AAAAAcAAJ&pg=PA602
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  5. http://www.gemeindeverzeichnis.de/gem1900/gem1900.htm?hannover/harburg.htm
  6. a b http://www.verwaltungsgeschichte.de/harburg.html

Weblenken[edit | edit source]

Commons-logo.svg Todtshoorn. Mehr Biller, Videos oder Audiodateien to’t Thema gifft dat bi Wikimedia Commons.