Todtshoorn

Vun Wikipedia
Wapen/Flagg Koort
Wapen unbekannt
Todtshoorn
Laag vun Todtshoorn in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Otter
Inwahners:
Postleettall: 21259
Vörwahl: 04182
Geograafsche Laag:
Koordinaten:53° 13′ N, 9° 47′ O
53° 13′ N, 9° 47′ O

Karte

Todtshoorn (hoochdüütsch Todtshorn) is en Oort in de Gemeen Otter, in’n Landkreis Horborg, Neddersassen. De Oort is opdeelt in Groot Todtshoorn in’n Süden un Lütt Todtshoorn in’n Noorden.

Geografie[ännern | Bornkood ännern]

Todtshoorn liggt in de Lümbörger Heid. Een Kilometer in’n Süüdwesten flütt de Wümm langs. Dat Daal von de Wümm in’n Westen von Groot Todtshoorn steiht as Böver-Wümmdaal ünner Naturschuul un jüstso dat Heidmoor bi Ottermoor in’n Süden von Groot Todtshoorn.

De Naveröörd sünd Haßel un Kamp in’n Noorden, Will in’n Noordoosten, Ottermoor un Wintemaur an de Chaussee in’n Süüdoosten, Wintemaur-Gäbesdörp in’n Süden, Wessloh un Host in’n Süüdwesten (de letzten veer in’n Landkreis Heidkreis), Wümmgrund un Königsmoor in’n Westen un Otter in’n Noordwesten.

Historie[ännern | Bornkood ännern]

De ne’e Böök von Todtshoorn
Gedenksteen bi de Böök

Todtshoorn keem an’n 11. November 1105 as Toteshorne toeerst in de Oorkunnen vör, nadem Graaf Dierk III. von Katelnborg von sien Vader Land in dat Dörp arvt harr un bi dat Stiften von dat Klooster Katelnborg dissen Besitt dat Klooster mitgeven hett.

De Oort hett vör 1852 to de Vaagdie Töst in dat Amt Horborg tohöört. 1852 is de Oort in dat Amt Mesborg wesselt. Dor is he bet 1859 bleven, denn is dor dat Amt Töst von worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

An’n 1. Juli 1972 is Todtshoorn bi de Gemeenreform in Neddersassen denn Deel von de Gemeen Otter worrn.

In Todtshoorn hett bet 1931 de Napoleonböök stahn, de vondaag as Symbool för den Oort in dat Wapen von de Gemeen Otter wiest warrt un von de ok Friedrich Freudenthal al dicht hett.

In’n Eersten Weltkrieg sünd acht Soldaten ut Todtshoorn fullen oder vermisst un in’n Tweten 17[1].

Inwahnertall[ännern | Bornkood ännern]

Johr Inwahners
1793-00-001793[2] 9 Füürsteden
1824-00-001824[3] 21 Füürsteden
1848-00-001848[4] 151 Lüüd, 22 Hüüs
1910-12-011. Dezember 1910[5] 157
1933-00-001933[6] 186
1939-00-001939[6] 156

Religion[ännern | Bornkood ännern]

Todtshoorn is evangeelsch-luthersch präägt un höört to dat Kaspel von de Nikodemus-Kark in Handörp. Disse Kark is 1957 bet 1959 boot worrn. Vörher hett de Oort to dat Kaspel von de Johannes-de-Döper-Kark in Töst höört.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Börgermeesters[ännern | Bornkood ännern]

  • -1951: Willi Riebau
  • 1951-: Willi Busch

Kultur[ännern | Bornkood ännern]

Kriegerdenkmaal

In dat Dörp steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Oort hett en egen Freewillige Füürwehr, de 1936 grünnt worrn is.

Infrastruktur[ännern | Bornkood ännern]

Verkehr[ännern | Bornkood ännern]

Todtshoorn liggt an de Kreisstraat 65, de in’n Noorden na de Landsstraat 141 in Kamperlien löppt. So bi een Kilometer in’n Oosten löppt von Noord na Süüd de Bundsstraat 3 an’n Oort langs. Lüttjere Straten loopt ans na Otter, över Ottermoor na Wintemaur-Gäbesdörp un na Will.

De nächsten Bahnhööv sünd de Bahnhoff Wintemaur an de Heidbahn (so bi söss Kilometer weg) un de Bahnhoff Töst an de Bahnlien Bremen–Hamborg (so bi negen Kilometer weg).

De Autobahn 1 (Afsnidd HamborgBremen) löppt so knapp 20 Kilometer in’n Noordwesten an’n Oort vörbi un de A 7 (Afsnidd HamborgHannover) so bi 20 Kilometer in’n Oosten.

De hüdige K 65 is 1957 von de Gemeen Todtshoorn för 27.000 DM asphalteert worrn.

School[ännern | Bornkood ännern]

De eersten Narichten över den Schoolünnericht in Todtshoorn sünd von 1755. To de Tied müssen de Kinner noch na Kamp na School gahn. 1808 hett de Oort denn sien egen School kregen. 1862 un denn noch wedder 1951 is en neet Schoolhuus boot worrn. De Volksschool in Todtshoorn hett 1962 dichtmaakt.

De Kinner ut Todtshoorn gaht nu na de Grundschool Otter op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Literatur[ännern | Bornkood ännern]

  • Helmut R. Tödter: Kampen, Welle und Todtshorn. Heimatbuch des südlichen Todt. 2005

Footnoten[ännern | Bornkood ännern]

  1. http://www.denkmalprojekt.org/dkm_deutschland/todtshorn.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 229: https://books.google.de/books?id=jN5QAAAAcAAJ&pg=PA229
  3. C. H. Jansen: Statistisches Handbuch des Königreichs Hannover. 1824, Sied 602: http://books.google.de/books?id=tG0AAAAAcAAJ&pg=PA602
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  5. http://www.gemeindeverzeichnis.de/gem1900/gem1900.htm?hannover/harburg.htm
  6. a b http://www.verwaltungsgeschichte.de/harburg.html

Weblenken[ännern | Bornkood ännern]

Todtshoorn. Mehr Biller, Videos oder Audiodateien to’t Thema gifft dat bi Wikimedia Commons.