Haßel (Gemeen Will)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21261 | |
| Vörwahl: | 04188 | |
| Geograafsche Laag: | Koordinaten:53° 14′ N, 9° 47′ O53° 14′ N, 9° 47′ O | |
|
| ||
Haßel (hoochdüütsch Hassel) is en lütten Oort in de Gemeen Will (Samtgemeen Töst) in’n Landkreis Horborg, Neddersassen.
Geografie
[ännern | Bornkood ännern]Na Süüdwesten flütt dat Water ut Haßel över den Todtgraven na de Wümm hen un in’n Oosten över den Fuhlaubeek na de Eest. In’n Süüdwesten liggt dat Naturschuulrebeed Böver Wümmdaal.
De Naveröörd sünd Kamp in’n Noorden, Will in’n Oosten, Lütt Todtshoorn in’n Süden un Otter in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
Bet in de Midd von dat 19. Johrhunnert hett de Oort to de Gemeen Groot Todtshoorn höört un is denn in de Gemeen Kamp wesselt. De Oort is an’n 1. Juli 1972 as Deel von de Gemeen Kamp mit de Gemeenreform in Neddersassen an de Gemeen Will kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1848[2] | 13 Lüüd, 2 Hüüs |
| 1. Dezember 1871[3] | 12 Lüüd, 3 Hüüs |
Religion
[ännern | Bornkood ännern]Haßel is evangeelsch-luthersch präägt un höört to dat Kaspel von de Nikodemus-Kark in Handörp. Disse Kark is 1957 bet 1959 boot worrn. Vörher hett de Oort to dat Kaspel von de Johannes-de-Döper-Kark in Töst höört.
För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Haßel löppt de Kreisstraat 65, de in’n Noorden na Kamp geiht un an de Landsstraat 141 un in’n Süden över Lütt Todtshoorn na Groot Todtshoorn. De L 141 geiht in’n Noordwesten na Töst un an de Bundsstraat 75 un in’n Oosten an de Bundsstraat 3.
De nächste Autobahn is de Autobahn 1. De Opfohrt 46 Heidenau un de Opfohrt 45 Hullnst doot all beid so 16 Kilometer in’n Noordoosten von Haßel liggen.
De nächste Bahnhoff is so bi söss Kilometer wied weg in’n Noordwesten de Bahnhoff Töst an de Bahnlien Hamborg–Bremen.
Scholen
[ännern | Bornkood ännern]De Kinner ut Haßel gaht na de Grundschool Handörp op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 97: https://books.google.de/books?id=jN5QAAAAcAAJ&pg=RA1-PA97
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131
