Nikodemus-Kark (Handörp)

Vun Wikipedia
Örgel von de Nikodemus-Kark

De Nikodemus-Kark is de Kark von dat evangeelsch-luthersche Kaspel Handörp (Karkenkreis Hittfeld). Se is nöömt na Nikodemus.

Historie[ännern | Bornkood ännern]

Dat hüdige Rebeed von de Nikodemus-Kark hett vör 1959 to’n groten Deel to dat Kaspel von de Martins-Kark in Jesborg höört un to’n lüttjeren Deel to de Kaspels von de Johannes-de-Döper-Kark in Töst un de Jakobi-Kark in Hanstää (Inzmöhlen).

Nadem 1901 de Heidbahn anleggt worrn is, sünd de Öörd an de Bahnlien bilütten jümmer mehr wussen. Besünners in de Tied an’t Enn von’n Tweten Weltkrieg sünd ok noch veel Utbummte ut Hamborg in de Noordheid tagen.

De Weg von Handörp un de Dörper ümto na Jesborg weer wied un dorüm schull in Handörp en ne’e Kark boot warrn.

De Grundsteen von de Kark is to Pingsten 1957 leggt worrn. De Plaans hett de Architektin Annemarie Küster ut Horborg maakt. Dat Utsehn schull sik an an ole Wehrkarken anlehnen, von wegen dat de Kark glieks blangen en ole Schanzenanlaag ut dat Middelöller liggt. De Kark is an’n 30. März 1959 von Landssupperndent Wilhelm Dornblüth wieht worrn. De Gebüüd bestünnen ut Kark, Kumfermandensaal un Parrhuus. De Kumfermandensaal is an’t Enn von de Johren 1970 to en Gemeenhuus utboot worrn.

De Grundsteen för de Martin-Luther-Kark in Holm-Seppens is 1974 leggt worrn. 1977 is disse Kark egenstännige Karkengemeen worrn. Den Parrbezirk Holm-Seppens mit de Öörd Holm, Seppens un Holm-Seppens hett de Nikodemus-Kark an de ne’e Kark afgeven.

De Öörd Will, Kamp un Todtshorn ut dat Kaspel Töst hett de Oort eerst later tokregen.

De Karkhoff un de Krüüzkapell in Will höört ok de Nikodemus-Karkengemeen to.

Pastoorn[ännern | Bornkood ännern]

  • 1959–: Werner Peters
  • Werner ?
  • ~1983–2001: Werner Schmidt
  • 2002–Juni 2008: Jobst Kleinichen
  • 1. März 2009–2014: Jens Gillner
  • 1. März 2009–: Jennifer Gillner

Kaspel[ännern | Bornkood ännern]

To dat Kaspel Handörp höört de Öörd Handörp, Hinkenbossel, Hökel, Inzmöhlen, Kamp (mit Kamperlien un Haßel), Ottermoor, (Groot un Lütt) Todtshorn, Will (mit Cordshagen) un Wörm.

De Naverkaspels sünd Holm-Seppens in’n Noordoosten, Hanstää in’n Süüdoosten, Snevern in’n Süden un Töst in’n Noordwesten.

Literatur[ännern | Bornkood ännern]

  • 50 Jahre Nikodemus Gemeinde Handeloh. 2009

Weblenken[ännern | Bornkood ännern]


Koordinaten:53° 15′ N, 9° 50′ O