Inzmöhlen

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Inzmöhlen
Laag vun Inzmöhlen in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Handörp
Inwahners:
Postleettall: 21256
Vörwahl: 04188
Geograafsche Laag:
Koordinaten:53° 14′ N, 9° 52′ O
53° 14′ N, 9° 52′ O

Inzmöhlen (hoochdüütsch Inzmühlen) is en Oort in de Gemeen Handörp (Samtgemeen Töst) in’n Landkreis Horborg, Neddersassen.

Geografie[ännern | Bornkood ännern]

Dör Inzmöhlen flütt de Weseler Moorbeek, de dor in de Seev münnt. De Oort liggt an’n Noordwestrand von dat Naturschuulrebeed Lümbörger Heid.

De Naveröörd sünd Wörm in’n Noorden, Holm un Schierhoorn in’n Noordoosten, Wesel un Wehlen in’n Süüdoosten, Wintemaur an de Chaussee un Cordshagen in’n Süüdwesten, Will in’n Westen un Handörp in’n Noordwesten.

Historie[ännern | Bornkood ännern]

In’n Tweten Weltkrieg sünd söss Soldaten ut Inzmöhlen fullen oder vermisst.[1]

1950 hett de Vereen Naturschutzpark Lümbörger Heid en olen Hoff in Inzmöhlen köfft. Op dissen Hoff hett 1960 de Hans-Breuer-Harbarg för Ooldwannerers apenmaakt (nöömt na Hans Breuer). De Vereen hett den Hoff 1998 denn wedder verköfft un dor is dat Zentrum för Dagfohrten Danzheimat Inzmöhlen von worrn.[2] 1970 hett de Vereen in Inzmöhlen en Schäperhuus boot, dat 1973 afbrennt, aver kort later wedder opboot worrn is.

An’n 4. September 2015 hett dat in dat Huus von de Danzheimat Inzmöhlen en Kunferenz von Heilpraktikers geven, bi de 29 Deelnehmers de Droog 2C-E to sik nahmen hebbt un denn all in’t Krankenhuus müssen.[3]

De Jugendharbarg in Inzmöhlen, de 1961 apenmaakt hett, hett in’n 2015 dichtmaakt.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Behrn in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Tied von 1852 bet 1859 hett de Oort kort to dat Amt Solzhusen höört. Na 1885 weer dat in’n Kreis Winsen. 1932 is dat Deel von’n Landkreis Horborg worrn.

In dat 19. Johrhunnert hett Inzmöhlen noch to de Gemeen Wehlen tohöört, is in dat 20. Johrhunnert denn aver egenstännige Gemeen ween. De Oort is an’n 1. Juli 1972 mit de Gemeenreform in Neddersassen Deel von de Gemeen Handörp worrn.

Inwahnertall[ännern | Bornkood ännern]

Johr Inwahners
1791-00-001791[4] 2 Füürsteden
1824-00-001824[5] 4 Füürsteden
1848-00-001848[6] 45 Lüüd. 6 Hüüs
1871-12-011. Dezember 1871[7] 35 Lüüd. 8 Hüüs
1925-00-001925[8] 67
1933-00-001933[8] 53
1939-00-001939[8] 58

Religion[ännern | Bornkood ännern]

Inzmöhlen is evangeelsch-luthersch präägt un höört to dat Kaspel von de Nikodemus-Kark in Handörp. De Karkengemeen besteiht siet 1959. Vörher hett de Oort to dat Kaspel von de Jakobi-Kark in Hanstää höört, to dat ok de Magdalenen-Kark in Unnel tohöört hett.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut den Tweten Weltkrieg steiht in Wesel op’n Karkhoff.

Verenen[ännern | Bornkood ännern]

In’n Scheetsport sünd de Inzmöhlener Schütten in’n Schüttenvereen Wesel un Ümgegend mit aktiv.

Weertschop un Infrastruktur[ännern | Bornkood ännern]

De freewillige Füürwehr Handörp, de ok von Anfang an för Inzmöhlen mit tostännig weer, is an’n 30. Oktober 1934 grünnt worrn.

Verkehr[ännern | Bornkood ännern]

Dör Inzmöhlen löppt de Kreisstraat 27, de in’n Westen dör Handörp na Will an de Bundsstraat 3 ran geiht un in’n Süüdoosten över Wesel un Unnel na Sohrendörp an de Landsstraat 213. In’n Noorden geiht von de K 27 de K 28 af över Holm, Holm-Seppens un Seppens na Bookholt.

De nächsten Autobahnen sünd de A 1 un de A 7. De Opfohrt 42 Dibbersen op de A 1 liggt so 16 Kilometer in’n Noorden von Inzmöhlen un de Opfohrt 41 Äästörp op de A 7 liggt 17 Kilometer in’n Oosten.

De nächste Bahnhoff is en goden Kilometer wied weg in’n Westen de Bahnhoff Handörp an de Heidbahn.

Scholen[ännern | Bornkood ännern]

De Kinner ut Inzmöhlen gaht na de Grundschool Handörp op School.

Literatur[ännern | Bornkood ännern]

  • Hermann Schettler: Ortschronik von Handeloh mit den ehemaligen Gemeinden und jetzigen Ortsteilen Handorf/Handeloh, Höckel, Inzmühlen und Wörme. 1983

Footnoten[ännern | Bornkood ännern]

  1. http://www.denkmalprojekt.org/dkm_deutschland/wesel_wk1u2_ns.htm
  2. http://www.verein-naturschutzpark.de/index.htm?http://www.verein-naturschutzpark.de/gebaeude.htm
  3. [https://www.ndr.de/nachrichten/niedersachsen/lueneburg_heide_unterelbe/Polizei-vernimmt-Heilpraktiker-nach-Drogenrausch,handeloh104.html Polizei vernimmt Heilpraktiker nach Drogenrausch], NDR.de an’n 8. September 2015
  4. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 121
  5. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 320
  6. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  7. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135
  8. a b c Inwahnertallen op verwaltungsgeschichte.de