Schierhoorn

Vun Wikipedia
Zur Navigation springen Zur Suche springen
Wapen/Flagg Koort

Wapen vun Schierhoorn

Schierhoorn
Laag vun Schierhoorn in Düütschland
Basisdaten
Bundsland: Neddersassen
Landkreis: Horborg
Samtgemeen: Hanstää
Gemeen: Hanstää
Flach: 10,71 km²
Inwahners:
Postleettall: 21271
Vörwahl: 04187
Geograafsche Laag:
Koordinaten:53° 16′ N, 9° 55′ O
53° 16′ N, 9° 55′ O

Schierhoorn (hoochdüütsch Schierhorn) is en Dörp in de Gemeen Hanstää (Samtgemeen Hanstää) in’n Landkreis Horborg, Neddersassen.

Bi Schierhoorn höört ok al von öllers de Öörd Weih un Höpen mit bi.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över’n Wiebeek na de Seev hen af. In’n Süden liggt dat grote Naturschuulrebeed Lümbörger Heid un in’n Noorden dat lüttje Naturschuulrebeed Hangbornmoor bi Weih.

De Naveröörd sünd Thälsdörp, Lüll un Weih in’n Noorden, Wiedenhoff un Jesborg in’n Noordoosten, Höpen, Drumbargen un Diekshuus in’n Oosten, Wesel in’n Süden, Inzmöhlen in’n Süüdwesten, Holm un Wörm in’n Westen un Holm-Seppens in’n Noordwesten.

Historie[ännern | Bornkood ännern]

Schierhoorn kummt 1264 as Scierhorn toeerst in de Oorkunnen vör, as de Grevin von Ollnborg ehren Teegden in Schierhoorn an dat Klooster Scharnbeck afgeven hett.

In’n Eersten Weltkrieg sünd ölven Soldaten ut Schierhoorn fullen oder vermisst un in’n Tweten Weltkrieg 21.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Holm in’n Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Garlstörp in’n Kanton Garlstörp.

De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Tied von 1852 bet 1859 hett de Oort kort to dat Amt Solzhusen höört. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort hett fröher en egenstännige Buurschop un later en Gemeen billt. Düsse Gemeen is an’n 1. Juli 1972 mit de Gemeenreform in Neddersassen Deel von de Gemeen Hanstää worrn.

De Oort Hassel weer fröher Deel von Schierhoorn, is aver in de Gemeen Jesborg wesselt.

Inwahnertall[ännern | Bornkood ännern]

Johr Inwahners
1791-00-001791[2] 7 Füürsteden
1824-00-001824[3] 8 Füürsteden
1848-00-001848[4] 126 Lüüd. 16 Hüüs
1871-12-011. Dezember 1871[5] 115 Lüüd. 18 Hüüs
1885-12-011. Dezember 1885[6] 123 Lüüd. 20 Hüüs
1905-12-011. Dezember 1905[7] 101 Lüüd. 18 Hüüs
1910-12-011. Dezember 1910[8] 158*
1925-00-001925[9] 191*
1933-00-001933[9] 193*
1939-00-001939[9] 202*
* tohoop mit Weih un Höpen

Religion[ännern | Bornkood ännern]

Schierhoorn is evangeelsch-luthersch präägt un höört to dat Kaspel von de Jakobi-Kark in Hanstää.

För de Kathoolschen is de St.-Petrus-Kark in Bookholt tostännig.

De Karkhoff Schierhoorn liggt en buten in’n Westen buten den Oort an de Schierhoorner Allee.

Wapen[ännern | Bornkood ännern]

Dat Wapen von Schierhoorn wiest baven op gollen Grund en blauen Lümbörger Lööw mit rode Klauen un rode Tung un ünnen op blauen Grund en gollen Hoorn.

Dat Wapen is an’n 20. September 1947 von dat Neddersassische Binnenministerium genehmigt worrn.

Börgermeesters[ännern | Bornkood ännern]

  • ~1964: Otto Rademacher

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Schierhoorn an de Hauptstraat.

Verenen[ännern | Bornkood ännern]

Dat gifft in Schierhoorn en Schüttenvereen.

Weertschop un Infrastruktur[ännern | Bornkood ännern]

Schierhoorn hett en egene freewillige Füürwehr, de 1904 grünnt worrn is.

Verkehr[ännern | Bornkood ännern]

Dör Schierhoorn löppt de Kreisstraat 55, de in’n Westen na Holm an de K 28 geiht un in’n Oosten över Diekshuus na Hanstää an de Landsstraat 213. Von de K 55 geiht na Noorden de K 67 af, de na Lüll an de K 83 föhrt, un in’n Süden de K 73 na Wesel an de K 27.

De K 55 twüschen Schierhoorn un Diekshuus is 1967 to en faste Straat utboot worrn.

De nächste Autobahn is de Autobahn 1 (Afsnidd HamborgBremen). De Opfohrt 42 Dibbersen liggt so 13 Kilometer in’n Noordoosten von Schierhoorn an de Bundsstraat 75. De Opfohrten 39 Thieshoop (in’n Noordoosten an de L 215) un 40 Garlstörp (in’n Süüdoosten an de L 216) an de Autobahn 7 (Afsnidd HamborgHannover) doot all beid so 14 Kilometer wied weg von Schierhoorn liggen.

De nächste Bahnhoff is so bi veer Kilometer wied weg in’n Westen de Bahnhoff Büsenbeekdaal an de Heidbahn von Bookholt na Hannover.

Scholen[ännern | Bornkood ännern]

De eerste School hett de Oort 1745 kregen. 1912 is en neet Schoolhuus boot worrn. En egen School hett de Oort vondaag nich mehr. De Kinner ut Schierhoorn gaht nu na de Grundschool Hanstää. Dat gifft aver en Kita, de 2015 inricht worrn is. De Kita hett sik ut’n Speelkreis billt, de al 1969 grünnt worrn is.

Literatur[ännern | Bornkood ännern]

  • Hermann Schettler: Ortschronik von Schierhorn. 1991

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 202
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 538
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 140
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de

Weblenken[ännern | Bornkood ännern]