Lüll
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 21266 | |
| Vörwahl: | 04183 | |
| Geograafsche Laag: | Koordinaten:53° 17′ N, 9° 55′ O53° 17′ N, 9° 55′ O | |
|
| ||
Lüll (hoochdüütsch Lüllau) is en Dörp in de Gemeen Jesborg (Samtgemeen Jesborg) in’n Landkreis Horborg, Neddersassen. Lüll billt polietsch von öllers en Gemeenverband mit Wiedenhoff un Thälsdörp.
Geografie
[ännern | Bornkood ännern]Lüll liggt an dat linke Över von de Seev. En poor hunnert Meter in’n Westen flütt de Seppenser Beek langs, de in’n Süden in de Seev münnt.
De Naveröörd sünd Reindörp un Oosterbarg in’n Noorden, Jesborg un Wiedenhoff in’n Noordoosten, Hassel un Höpen in’n Süüdoosten, Schierhoorn in’n Süden, Thälsdörp un Weih in’n Süüdwesten, Holm-Seppens in’n Westen un Seppens un Bookholt in’n Noordwesten.
Historie
[ännern | Bornkood ännern]De Watermöhl in Lüll is 1865 as Koornmöhl anleggt worrn. Von 1912 bet 1952 is de Möhl noch as Löhnmölleree lopen, na disse Tied weer de Möhl noch bet in de Johren 1960 för den Egenbedarf in Bedriev. De Möhl is as Denkmaal schuult.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.
De Oort is as Gemeen Lüll an’n 1. Juli 1972 mit de Gemeenreform in Neddersassen an de Gemeen Jesborg kamen.
Nadem 1901 op de Heid twüschen Holm un Seppens de Bahnhoff Holm-Seppens von de Heidbahn anleggt worrn is, hett sik üm den Bahnhoff de Oort Holm-Seppens billt. De Oort is gau wussen un hett sik ok op dat Rebeed von de Gemeen Lüll utbreedt. Disse Rebeden sünd bi de Gemeenreform 1972 von de Gemeen Lüll aftrennt worrn un kemen denn an de Gemeen Bookholt.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 5 Füürsteden |
| 1812[3] | 51 |
| 1824[4] | 7 Füürsteden |
| 1848[5] | 72 Lüüd, 8 Hüüs |
| 1. Dezember 1871[6] | 109 Lüüd, 15 Hüüs |
| 1. Dezember 1910[7] | 235 |
| 1925[8] | 344 |
| 1933[8] | 386 |
| 1939[8] | 401 |
Religion
[ännern | Bornkood ännern]Lüll is evangeelsch-luthersch präägt un höört to dat Kaspel von de Martinskark in Jesborg.
För de Kathoolschen is de Petrus-Kark in Bookholt tostännig.
Wapen
[ännern | Bornkood ännern]Dat Wapen von Lüll wiest op blauen Grund över en gröön Schildfoot en gollen Ridder, de in de rechte Hand en gollen Sweert höllt un sik mit de linke op en gollen Schild stütt, de an de Eer steiht un in blau den Lümbörger Lööw wiest.
Dat Wapen betütt sik op en Saag, dat en Ridder, de Lolius heten hett, dat Dörp grünnt hett.
Weertschop un Infrastruktur
[ännern | Bornkood ännern]Lüll hett en egene freewillige Füürwehr, de 1937 grünnt worrn is. Vörher hett dat en Plichtfüürwehr geven. Disse Füürwehr is ok för Wiedenhoff un Thälsdörp mit tostännig.
Verkehr
[ännern | Bornkood ännern]Lüll liggt an de Kreisstraat 83, de in’n Noordwesten över Reindörp na Bookholt geiht un in’n Noordoosten na Jesborg an de Landsstraat 213. Na Süden geiht von de K 83 de K 67 na Schierhoorn af. Lüttjere Straten gifft dat ans na Thälsdörp un na Wiedenhoff.
De nächsten Autobahnen sünd de A 1 un de A 7. De Opfohrt 42 Dibbersen op de A 1 is so bi ölven Kilometer wied weg von Lüll un de Opfohrt 39 Thieshoop op de A 7 so bi 13 Kilometer.
De nächsten Bahnhööv sünd so bi veer Kilometer wied weg in’n Süüdwesten de Bahnhoff Büsenbeekdaal an de Heidbahn un bi fiev Kilometer wied weg in’n Noordwesten de Bahnhoff Bookholt an de Bahnlien Hamborg–Bremen. Von 1874 bet 1981 hett dat ok Personenverkehr op de Bahnlien Wittenbarg–Bookholt geven. De nächste Bahnhoff weer in disse Tied de Bahnhoff Jesborg veer Kilometer in’n Noordoosten. Na’n Eersten Weltkrieg is tosätzlich de Bahnhoff Reindörp anleggt worrn, de denn blots noch knapp dree Kilometer weg weer.
Literatur
[ännern | Bornkood ännern]- Hans-Heinrich Wolfes: Lüllau, Thelstorf, Wiedenhof: Eine Dorfgeschichte. PD-Verlag, Heidenau 2009, ISBN 978-3-86707-827-6
Footnoten
[ännern | Bornkood ännern]- ↑ http://www.niedersaechsische-muehlenstrasse.de/index.php?id=29
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 146: https://books.google.de/books?id=jN5QAAAAcAAJ&pg=PA146
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 386: http://books.google.de/books?id=tG0AAAAAcAAJ&pg=PA386
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 129: https://books.google.de/books?id=qTZDAQAAMAAJ&pg=RA2-PA129
- ↑ http://www.gemeindeverzeichnis.de/gem1900/gem1900.htm?hannover/harburg.htm
- ↑ a b c http://www.verwaltungsgeschichte.de/harburg.html
Weblenken
[ännern | Bornkood ännern]- Websteed över dat Dörp Lüll (hoochdüütsch)