Seppenser Beek

Vun Wikipedia
Zur Navigation springen Zur Suche springen
Seppenser Beek
Laag Neddersassen
Stroomsystem Elv
Läng 5,57 km
Born bi Steenbeek
Münn bi Thälsdörp in de Seev
Afströömrebeed 85,4[1] km²
linke Blangenströöm Reindörper Beek
rechte Blangenströöm Meilsenbeek

De Seppenser Beek oder Steenbeek is en 5,57 Kilometer langen[2] Beek, de von links in de Seev münnt.

De Born von’n Beek liggt an’n Noordrand von den lütten Oord Steenbeek, de to de Gemeen Bookholt höört. Dat is dicht bi de Bundsstraat 75. Al na en lütt Stück nimmt de Beek den Meilsenbeek op, de sien Born in’n Westen von den Oort Meilsen hett.

De Steenbeek flütt nu groff na Süden dör dat hüdige Stadtrebeed von Bookholt un ünner de Bahnlien Hamborg–Bremen ünnerdör. De Steenbeek dreiht nu mehr na Süüdoosten un flütt an Seppens vörbi. Dor nimmt he von links den Reindörper Beek op un dreiht na Süüdwesten. För den Loop von disse Steed an warrt mehrstendeels de Naam Seppenser Beek bruukt. Twüschen Lüll un Holm-Seppens liggt dor denn de ole Seppenser Möhl, de den Seppenser Beek to en Möhlendiek opstaut. De Beek münnt denn bi Thälsdörp in de Neegd von Schierhoorn un Holm in de Seev.

Dat Water in de Seev flütt denn wieder in de Elv un in de Noordsee.

Footnoten[ännern | Bornkood ännern]

  1. Gewässergütebericht ELBE 2000 Niedersachsen.
  2. Michael Bergemann: Gesamtliste der Fließgewässer im Elbeeinzugsgebiet. 2012


Koordinaten:53° 16′ N, 9° 54′ O