Holm (Landkreis Horborg)

Vun Wikipedia
Zur Navigation springen Zur Suche springen
Wapen/Flagg Koort

Wapen vun

Holm (Landkreis Horborg)
Laag vun Holm (Landkreis Horborg) in Düütschland
Basisdaten
Bundsland: Neddersassen
Landkreis: Horborg
Gemeen: Bookholt
Inwahners:
Postleettall: 21244
Vörwahl: 04187
Geograafsche Laag:
Koordinaten:53° 16′ N, 9° 53′ O
53° 16′ N, 9° 53′ O

Holm (hoochdüütsch Holm) is en Dörp in de Gemeen Bookholt in’n Landkreis Horborg, Neddersassen. Binnen de Gemeen höört de Oort to de polietsche Oortschop Holm-Seppens.

Geografie[ännern | Bornkood ännern]

De Oort liggt in de Lümbörger Heid, an’n Noordrand von dat Naturschuulrebeed Lümbörger Heid un an dat rechte Över von de Seev. De Wiebeek münnt dor in de Seev.

Op dat annere Över von de Seev na Noordwesten to fangt de Lohbargen an, in’n Süüdoosten liggt de Töps.

De Naveröörd sünd Seppens mit de Seppenser Möhl in’n Noorden, Lüll, Weih un Thälsdörp in’n Noordoosten, Schierhoorn in’n Oosten, Wesel un Tunnhoff in’n Süüdoosten, Wehlen in’n Süden, Inzmöhlen un Handörp in’n Süüdwesten, Wörm in’n Westen un Holm-Seppens in’n Noordwesten.

Historie[ännern | Bornkood ännern]

1567 hett Christoph von Hodenberg sik in Holm dat Good Holm anleggt. De Holmer Möhl kummt 1615 toeerst in de Oorkunnen vör, is wohrschienlich aver al 1567 mit boot worrn.

As 1901 de Heidbahn anleggt worrn is, schullen de beiden Öörd Seppens un Holm blots een Bahnhoff kriegen un nich jeder een. Dorüm is de Bahnhoff op halven Weg twüschen de beiden Öörd anleggt worrn. Rund üm’n Bahnhoff sünd denn ne’e Hüüs boot worrn, de vondaag den separaten Oortsdeel Holm-Seppens billen doot.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Garlstörp in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Amtsvaagdie Garlstörp in dat Amt Winsen tohöört un denn in de Johren 1852 bet 1859 to dat Amt Solzhusen. 1859 is de Oort in dat Amt Töst wesselt. Na 1885 weer dat in’n Kreis Horborg un is 1932 Deel von’n ne’en, grötteren Kreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Bookholt worrn. Dorbi sünd Holm, Seppens un Holm-Seppens (dat vörher deelwies op dat Rebeed von de Gemeen Lüll leeg) to de Oortschop Holm-Seppens tohoopslaten worrn, de en egen Oortsbörgermeester un Oortsraad wählt.

Inwahnertall[ännern | Bornkood ännern]

Johr Inwahners
1791-00-001791[1] 11 Füürsteden
1812-00-001812[2] 128
1824-00-001824[3] 16 Füürsteden
1848-00-001848[4] 151 Lüüd. 15 Hüüs
1871-12-011. Dezember 1871[5] 169 Lüüd. 18 Hüüs
1885-12-011. Dezember 1885[6] 140 Lüüd. 17 Hüüs
1905-12-011. Dezember 1905[7] 201 Lüüd. 26 Hüüs
1910-12-011. Dezember 1910[8] 178
1925-00-001925[9] 171
1933-00-001933[9] 145
1939-00-001939[9] 143

Religion[ännern | Bornkood ännern]

Holm is evangeelsch-luthersch präägt un höört siet 1977 to dat Kaspel von de Martin-Luther-Kark in Holm-Seppens. Vörher hett de Oort bet 1959 to dat Kaspel von de Martins-Kark in Jesborg tohöört un von 1959 bet 1977 to dat Kaspel von de Nikodemus-Kark in Handörp.

För de Kathoolschen is de St.-Petrus-Kark in Bookholt tostännig.

Wapen[ännern | Bornkood ännern]

Dat Wapen von Holm wiest vörn op grönen Grund en gollen Möhlenrad över en sülvern Wellenlien un achtern op grönen Grund en blauen Reiher.

Dat Möhlenrad un de Wellenlien staht för de Holmer Möhl un de Seev.

Kultur[ännern | Bornkood ännern]

Verenen[ännern | Bornkood ännern]

De Sportvereen Holm is 1949 grünnt worrn un hett 1972 sien Naam op SV Holm-Seppens ännert.

Weertschop un Infrastruktur[ännern | Bornkood ännern]

De freewillige Füürwehr Holm is 1952 grünnt worrn un för de dree Öörd Holm, Seppens un Holm-Seppens tostännig.

Verkehr[ännern | Bornkood ännern]

Dör Holm löppt de Kreisstraat 28, de in’n Noorden över Holm-Seppens na Bookholt geiht un in’n Süden bi Inzmöhlen an de K 27. In’n Oosten geiht de K 55 över Schierhoorn un Diekshuus na Hanstää an de Landsstraat 213 ran. Lüttjere Straten gifft dat ans noch na Wörm, Thälsdörp un Weih.

De nächste Autobahn is de Autobahn 1 (Afsnidd HamborgBremen). De Opfohrt 42 Dibbersen liggt so 13 Kilometer in’n Noorden von Holm an de B 75. De Opfohrt 39 Thieshoop liggt so 16 Kilometer in’n Noordoosten an de L 215.

De nächste Bahnhoff is so bi twee Kilometer wied weg in’n Westen de Bahnhoff Büsenbeekdaal an de Heidbahn.

Scholen[ännern | Bornkood ännern]

De Kinner gaht vondaag op de Möhlenschool Holm-Seppens na Grundschool.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 111
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 292
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 146
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de