Dibbersen

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Dibbelsen.

Wapen/Flagg Koort

Wapen vun Dibbersen

Dibbersen
Laag vun Dibbersen in Düütschland
Basisdaten
Bundsland: Neddersassen
Landkreis: Horborg
Gemeen: Bookholt
Inwahners:
Hööchd: 98 m över NN
Postleettall: 21244
Vörwahl: 04181
Geograafsche Laag:
Koordinaten:53° 22′ N, 9° 52′ O
53° 22′ N, 9° 52′ O

Dibbersen (hoochdüütsch Dibbersen) is en Dörp in de Gemeen Bookholt in’n Landkreis Horborg, Neddersassen. To Dibbersen höört polietsch al von öllers ok dat Dörp Dangersen mit bi.

Geografie[ännern | Bornkood ännern]

Dibbersen liggt an’n Oostrand von’n Stuvenwoold, wat en Deel von de Horbörger Bargen is. Twüschen Dangersen un Dibbersen doot de Höögden von’n Habenbarg (120 m), Dangerser Barg (120 m) un Nuppenbarg (124 m) liggen.

De Naveröörd sünd Ninndörp in’n Noordoosten, Eekel in’n Oosten, Nee-Eekel, Büüns un Vaans in’n Süüdoosten, Bookholt in’n Süden, Steenbeek un Meilsen in’n Süüdwesten, Dangersen in’n Westen un Ems in’n Noordwesten.

Historie[ännern | Bornkood ännern]

Dibbersen kummt toeerst in de Lehnregisters von de Lümbörger Hartög von 1130 bet 1352 vör.

In’n Eersten Weltkrieg sünd 17 Soldaten ut Dibbersen fullen oder vermisst un in’n Tweten Weltkrieg 21.[1]

De Dibberser Windmöhl is 2007 restaureert worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Bookholt worrn. Binnen de Gemeen Bookholt billt de Oort nu tohoop mit Dangersen en Oortschop mit Oortsraad un egen Oortsbörgermeester.

Inwahnertall[ännern | Bornkood ännern]

Johr Inwahners
1793-00-001793[2] 15 Füürsteden
1812-00-001812[3] 121
1824-00-001824[4] 20 Füürsteden
1848-00-001848[5] 172 Lüüd. 23 Hüüs
1871-12-011. Dezember 1871[6] 219 Lüüd. 38 Hüüs
1910-12-011. Dezember 1910[7] 277
1925-00-001925[8] 301
1933-00-001933[8] 312
1939-00-001939[8] 326

Religion[ännern | Bornkood ännern]

Dibbersen is evangeelsch-luthersch präägt un höört siet 1926 to dat Kaspel von de Krüüzkark in Ninndörp. Vörher hett de Oort to dat Kaspel von de Mauritius-Kark in Hittfeld tohöört.

För de Kathoolschen is de St.-Petrus-Kark in Bookholt tostännig.

Oortsbörgermeesters[ännern | Bornkood ännern]

  • –31. Oktober 2016: Gudrun Eschment-Reichert (SPD)
  • 1. November 2016–: Christian Horend (CDU)

Oortsraad[ännern | Bornkood ännern]

Oortsraad
Johr \ Partei Tall CDU SPD Gröne
2011 6 2 3 1
2016 7 4 2 1

Liddmaten:

  • 2011:
    CDU: Ernst-August Albers, Anja Seefeldt
    SPD: Hans-Joachim Barg, Gudrun Eschment-Reichert, Angelika Künstler
    Gröne: Bernhard O. Schönhofen
  • 2016:
    CDU: Ernst-August Albers, Jan Bauer, Christian Horend, Anja Seefeldt
    SPD: Anke Hartmann, Gudrun Eschment-Reichert
    Gröne: Bernhard O. Schönhofen

Wapen[ännern | Bornkood ännern]

Dat Wapen von Dibbersen wiest op sülvern Grund en swarte Windmöhl. Op de Möhl liggt en gollen Schild mit en blau Neddersassenpeerd.

De Windwöhl is dat Wohrteken von dat Dörp. De Klören gold un blau sünd ut dat Wapen von’n Landkreis nahmen, dat Neddersassenpeerd steiht för dat Bundsland Neddersassen.

Kultur[ännern | Bornkood ännern]

In Dibbersen steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schüttenvereen Dibbersen-Dangersen un Ümgegend is 1925 grünnt worrn.

Weertschop un Infrastruktur[ännern | Bornkood ännern]

De freewillige Füürwehr Dibbersen is för Dibbersen un Dangersen tostännig.

Verkehr[ännern | Bornkood ännern]

Dibbersen liggt an de Kreisstraat 13, de in’n Noorden na Ems löppt un in’n Süden na Bookholt. An’n Süüdrand von Dibbersen krüüzt de Bundsstraat 75 de K 13. De B 75 löppt in’n Süüdoosten an Bookholt langs dör Steenbeek na Kakenstörp un Töst. An’n Noordoostrand von Dibbersen is de B 75 anslaten an de Autobahn 1. De Opfohrt 42 Dibbersen op de A 1 liggt so twee Kilometer in’n Noordoosten von Dibbersen. De fröhere Verloop von de B 75 in’n Noordoosten is nu de Kreisstraat 85, de över Ninndörp un Tötsen na Horborg geiht.

De nächste Bahnhoff is so bi fiev Kilometer wied weg in’n Oosten de Bahnhoff Klecken an de Bahnlien Hamborg–Bremen. De Bahnhoff Bookholt an de Bahnlien Hamborg–Bremen un an de Heidbahn liggt söss Kilometer in’n Süden.

Lüüd[ännern | Bornkood ännern]

De Politoloog un Schriever Carsten Frerk is 1945 in Dibbersen boren.

Literatur[ännern | Bornkood ännern]

  • Dibbersen & Dangersen - Eine zeitgeschichtliche Sammlung. Arbeitsgemeinschaft Ortschronik Dibbersen/Dangersen, ahn Johr

Footnoten[ännern | Bornkood ännern]

  1. http://www.denkmalprojekt.org/dkm_deutschland/dibbersen.htm
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 55: https://books.google.de/books?id=jN5QAAAAcAAJ&pg=RA1-PA55
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  4. C. H. Jansen: Statistisches Handbuch des Königreichs Hannover. 1824, Sied 132: http://books.google.de/books?id=tG0AAAAAcAAJ&pg=RA1-PA132
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
  7. http://www.gemeindeverzeichnis.de/gem1900/gem1900.htm?hannover/harburg.htm
  8. a b c http://www.verwaltungsgeschichte.de/harburg.html