Dibbelsen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27321 | |
| Vörwahl: | 04204 | |
| Geograafsche Laag: | Koordinaten:52° 59′ N, 8° 59′ O52° 59′ N, 8° 59′ O | |
|
| ||
Dibbelsen (hoochdüütsch Dibbersen) is en Dörp in de Gemeen Thänhusen (Samtgemeen Thänhusen) in’n Landkreis Veern, Neddersassen.
Geografie
[ännern | Bornkood ännern]De Oort liggt annerthalv Kilometer von de Werser af, de in’n Noorden langsflütt. Dat Water ut dat Rebeed warrt över Gravens na de Werser hen afföhrt.
De Naveröörd sünd Hostäe in’n Noorden, Bieren, Achem un Üsen in’n Noordoosten, Eißel in’n Oosten, Thänhusen in’n Süüdoosten, Dönnerstäen in’n Süden, Rier in’n Süüdwesten, Önigstedt un Ketsche in’n Westen un Slieme un Bollen in’n Noordwesten.
Historie
[ännern | Bornkood ännern]Dibbelsen kummt 1168 toeerst in de Oorkunnen vör.
Verwaltungsgeschicht
[ännern | Bornkood ännern]Dat Dörp hett fröher to dat Arzstift Bremen tohöört un is an’t Enn von’n Dörtigjohrigen Krieg an de Sweden fullen. In’n Fredensverdrag von Celle is dat Rebeed üm Thänhusen 1679 an dat Hartogdom Bruunswiek-Wulfenbüttel fullen.
In de Franzosentied hett de Oort toeerst 1807 bet 1810 binnen dat Königriek Westfalen to de Mairie Dibbelsen in’n Kanton Thänhusen un 1810 bet 1811 to de Mairie Eißel in’n Kanton Thänhusen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Thänhusen in’n Kanton Thänhusen.
De Oort hett binnen Bruunswiek to dat Amt Thänhusen tohöört, von 1832 bet 1850 to’n Kreis Holtsminne un von 1850 bet 1972 to’n Kreis Bruunswiek.
De Oort hett von öllers tohoop mit Dönnerstäen de Gemeen Dibbelsen-Dönnerstäen billt. Düsse Gemeen is an’n 1. Juli 1972 mit de Gemeenreform in Neddersassen Deel von de Gemeen Thänhusen worrn un dorbi in’n Landkreis Veern wesselt.
Inwahnertall
[ännern | Bornkood ännern]| Johr | Inwahners |
|---|---|
| 1812[1] | 239 |
Religion
[ännern | Bornkood ännern]Dibbelsen is evangeelsch-luthersch präägt un höört to dat Kaspel von de Maria-Magdalena-Kark in Thänhusen. Düsse Kark is 1870 boot un 1912 egenstännig worrn. Vörher hett de Oort to dat Kaspel von de Cosmas-un-Damian-Kark in Lunsen tohöört.
För de Kathoolschen is de St.-Matthias-Kark in Achem tostännig.
Kultur
[ännern | Bornkood ännern]Verenen
[ännern | Bornkood ännern]De Schüttenvereen Dibbelsen-Dönnerstäen-Hostäe is 1953 grünnt worrn.
Weertschop un Infrastruktur
[ännern | Bornkood ännern]För Dibbelsen is de freewillige Füürwehr Dibbelsen-Dönnerstäen tostännig, de 1925 grünnt worrn is.
Verkehr
[ännern | Bornkood ännern]Dör Dibbelsen löppt de Landsstraat 203, de in’n Süüdoosten över Thänhusen, Morsen un Blenner na Veern löppt un in’n Westen in de Landsstraat 331 münnt. De L 331 wedder geiht in’n Noordwesten över Ausen un Drey na Bremen un in’n Süüdoosten över Rier, Emhusen un Swarm na Mattfeld. Von de L 203 föhrt de Kreisstraat 66 in’n Süüdwesten na Dönnerstäen.
De nächste Autobahn is de Autobahn 27 (Afsnidd Bremen–Wasra). De Opfohrt 24 Achem-Oost liggt so teihn Kilometer in’n Noordoosten von Dibbelsen an de L 156. De Opfohrt 56 Oorssen op de Autobahn 1 (Afsnidd Bremen–Ossenbrügge) liggt so twölv Kilometer wied weg in’n Noordoosten.
De nächsten Bahnhööv sünd so bi ölven Kilometer wied weg: de Bahnhoff Drey an de Bahnlien Bremen–Ossenbrügge in’n Noordwesten un de Bahnhoff Achem an de Bahnlien Bremen–Wunsdörp in’n Noordoosten. Von 1910 bet 1955 hett dat ok Personenverkehr op de Bahnlien Bremen–Thänhusen geven. De Oort harr en lütten Bahnhoff an düsse Lien.
Footnoten
[ännern | Bornkood ännern]- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100