Samtgemeen Thänhusen

Wapen/Flagg	Koort
Basisdaten
Sitt:	Thänhusen
Landkreis:	Veern
Flach:	152,05 km²
Inwahners:	15.068 (31. Dezember 2016)
Geograafsche Laag:	52° 58′ N, 9° 1′ O
Gemeenslötel:	03 3 61 401
Tall Gemenen:	4
SG-Börgermeester:	Harald Hesse
Websteed:	www.thedinghausen.de
Laag von de Gemeen Samtgemeen Thänhusen in’n Landkreis Veern (Koort lett sik anklicken)

De Samtgemeen Thänhusen is de eenzige Samtgemeen in’n Landkreis Veern, in de sik veer Gemenen för de Afwickeln vun de Verwaltenssaken tohopen slaten hebbt. Se hett 15.068 Inwahners (Stand 31. Dezember 2016). De Sitt vun de Samtgemeen liggt in Thänhusen.

Geografie

De Samtgemeen Thänhusen liggt an’n Aller-Stroom links vun de Werser in’t nöördliche Middelwerserrebeet. De Samtgemeen warrt to den süüdlichen Kreis vun Veern rekent, de mehr ländlich prägt is un as strukturswack gellt.

Samtgemenenopdelen

De de Samtgemeen höört veer Gemenen, de nafolgen mit jemehr Oortsdelen oplist sünd:

1. Gemeen Thänhusen: Ahsen-Oetzen, Beppen, Dibbelsen, Dönnerstäen, Holtdörp, Hostäe, Lunsen, Morsen, Oenigstedt, Thänhusen, Werder un Wulmstörp.
2. Gemeen Blenner: Aodolshüsen, Aondörp, Blenner, Einste, Goolstörp, Hidzdörp, Holbm, Intschen, Öste, Reer, Ritzenbargen, Seestäer, Faste un Winkel
3. Gemeen Emhusen: Bahlen un Emhusen
4. Gemeen Rier: Fell, Hilmbrook un Rier

Historie

De eerste Samtgemeen Thänhusen is al an’n 1. Januar 1966 grünnt worrn un is mit de Gemeenreform in Neddersassen 1972 wedder oplööst worrn. De hüütige Samtgemeen Thänhusen is an’n 21. Juli 1972 billt worrn, as fief Liddmatengemenen tosammenslaten worrn sünd, de bi de Gemeenreform sülvst ut vörmols 18 sülvststännige Gemenen billt worrn sünd. De Gemenen weern op de dormoligen Landkreisen Bronswiek, Graafschop Hoya un Veern verdeelt. An’n 1. November 2006 hebbt sik de Gemenen Thänhusen un Morsen to de ne’en Gemeen Thänhusen tosamenslaten, so dat de Samtgemeen siether blots noch veer Gemenen ümfaat.

Inwahnertall

Johr	Inwahners
1972-12-3131. Dezember 1972	10.518
1977-12-3131. Dezember 1977	10.585
1982-12-3131. Dezember 1982	11.300
1987-12-3131. Dezember 1987	11.610
1992-12-3131. Dezember 1992	12.487
1997-12-3131. Dezember 1997	13.618
2002-12-3131. Dezember 2002	14.846
2007-12-3131. Dezember 2007	14.955
2012-12-3131. Dezember 2012	14.748
2017-12-3131. Dezember 2017	15.173

Politik

Samtgemeenraat

De Thänhusener Samtgemeenraat besteiht vundaag ut 30 wählte Raatsliddmaten, de sik op 5 verscheedene Parteien un Wählergruppen verdeelt. De Samtgemeenbörgermeester is dorbi na de neddersass’schen Gemeenverorden en „boren“ Liddmaat. De letzte Kommunalwahl weer an’n 11. September 2011:

Partei	2011	2006
CDU	10	14
SPD	12	12
Bündnis 90/De Grönen	6	3
FDP	1	3
UBL	1	–

Samtgemeenbörgermeesters

Dat Amt von’n Samtgemeenbörgermeester weer bet to dat Enn von de Tweegleisigkeit 2001 ehrenamtlich. Siet 2001 is de Samtgemeenbörgermeester in’t Hauptamt för de Verwaltung von de Samtgemeen tostännig.

Naam	Tied	Partei
Cordes	1972–
Hans Schröder	–2001
Gerd Schröder	2001–31. Dezember 2014	ahn Partei
Harald Hesse	1. November 2014–	Gröne

Samtgemeendirekters

Dat Amt von’n Samtgemeendirekter is 2001 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.

Naam	Tied
Heinrich Busch	1972–
Günter Petrat
Günther Intemann
Gerd Schröder	1996–2001

Literatur

• Fritz Garvens: Samtgemeinde Thedinghausen. Rgv.: Heimatvereen vun de Samtgemeen Thänhusen e.V., Heimatvereen, Thänhusen 1998; ISBN 3-931699-03-X
• Fritz Garvens: Geschichten aus alter und neuer Zeit. Rgv.: Heimatvereen vun de Samtgemeen Thänhusen e.V., Heimatvereen, Thänhusen 1999; ISBN 3-931699-03-X
• Fritz Garvens: Kriegsende und Nachkriegszeit in unserer Zeit. Rgv.: Heimatvereen vun de Samtgemeen Thedinghausen e.V.. Heimatvereen, Thänhusen 2000; ISBN 3-931699-05-6

Weblenken

Samtgemeen Thänhusen. Mehr Biller, Videos oder Audiodateien to’t Thema gifft dat bi Wikimedia Commons.