Holtdörp (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Holtdörp
Laag vun Holtdörp in Düütschland
Basisdaten
Bundsland: Neddersassen
Landkreis: Veern
Samtgemeen: Thänhusen
Gemeen: Thänhusen
Inwahners:
Postleettall: 27321
Vörwahl: 04204
Geograafsche Laag:
Koordinaten:52° 58′ N, 9° 3′ O
52° 58′ N, 9° 3′ O

Holtdörp (hoochdüütsch Holtorf) is en Dörp in de Gemeen Thänhusen (Samtgemeen Thänhusen) in’n Landkreis Veern, Neddersassen.

Geografie[ännern | Bornkood ännern]

De Oort liggt in de Masch von de Werser, de knapp dree Kilometer wied weg is. Dat Water ut dat Rebeed flütt över Gravens na de Eiter hen af.

De Naveröörd sünd Werder un Lunsen in’n Noorden, Ahsen un Ötzen in’n Oosten, Morsen un Beppen in’n Süüdoosten, Westerwisch in’n Süüdwesten, Thänhusen in’n Westen un Eißel in’n Noordwesten.

Historie[ännern | Bornkood ännern]

Holtdörp kummt 1250 toeerst in de Oorkunnen vör.

Verwaltungsgeschicht[ännern | Bornkood ännern]

Dat Dörp hett fröher to dat Arzstift Bremen tohöört un is an’t Enn von’n Dörtigjohrigen Krieg an de Sweden fullen. In’n Fredensverdrag von Celle is dat Rebeed üm Thänhusen 1679 an dat Hartogdom Bruunswiek-Wulfenbüttel fullen.

In de Franzosentied hett de Oort toeerst 1807 bet 1811 binnen dat Königriek Westfalen to de Mairie Holtörp in’n Kanton Thänhusen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Morsen in’n Kanton Thänhusen.

De Oort hett binnen Bruunswiek to dat Amt Thänhusen tohöört, von 1832 bet 1850 to’n Kreis Holtsminne un von 1850 bet 1972 to’n Kreis Bruunswiek.

De Oort hett fröher mit Lunsen de Gemeen Holtdörp-Lunsen billt. Düsse Gemeen is an’n 1. Juli 1972 mit de Gemeenreform in Neddersassen in’n Landkreis Veern wesselt un Deel von de Gemeen Thänhusen worrn.

Inwahnertall[ännern | Bornkood ännern]

Johr Inwahners
1812-00-001812[1] 142

Religion[ännern | Bornkood ännern]

Holtdörp is evangeelsch-luthersch präägt un höört to dat Kaspel von de Cosmas-un-Damian-Kark in Lunsen.

För de Kathoolschen is de St.-Matthias-Kark in Achem tostännig.

Weertschop un Infrastruktur[ännern | Bornkood ännern]

För Holtdörp is de freewillige Füürwehr Holtörp-Lunsen-Werder tostännig, de 1926 grünnt worrn is.

Verkehr[ännern | Bornkood ännern]

Von Holtdörp föhrt de Kreisstraat 65 an de Landsstraat 203, de in’n Süüdoosten över Morsen un Blenner na Veern löppt un in’n Noordwesten in de L 331 münnt. Von de L 203 geiht in Lunsen na Noorden de L 156 af, de över Werder na Achem föhrt.

De nächste Autobahn is de Autobahn 27 (Afsnidd BremenWasra). De Opfohrt 24 Achem-Oost liggt so acht Kilometer in’n Noorden von Holtdörp an de L 156.

De nächste Bahnhoff is so bi acht Kilometer wied weg in’n Noorden de Bahnhoff Achem an de Bahnlien Wunsdörp–Bremen.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100