Westerwisch (Thänhusen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27321 | |
| Vörwahl: | 04204 | |
| Geograafsche Laag: | Koordinaten:52° 57′ N, 9° 0′ O52° 57′ N, 9° 0′ O | |
|
| ||
Westerwisch (hoochdüütsch Westerwisch) is en Dörp in de Gemeen Thänhusen (Samtgemeen Thänhusen) in’n Landkreis Veern, Neddersassen.
Geografie[ännern | Bornkood ännern]
De Oort liggt op en sieden Geestrügg in de Masch von de Werser, de knapp veer Kilometer in’n Noorden langsflütt. Dat Water ut dat Rebeed flütt över de Eiter af.
De Naveröörd sünd Thänhusen (mit de Börgeree un Hagen) un Holtdörp in’n Noordoosten, Morsen in’n Oosten, Wulmsdörp, Beppen, Nee Morsen un Wackershusen in’n Süüdoosten, Swarm in’n Süden, Emhusen in’n Süüdwesten, Fell in’n Westen un Dönnerstäen in’n Noordwesten.
Historie[ännern | Bornkood ännern]
Westerwisch kummt üm 1250 as Ullenstede toeerst in de Oorkunnen vör. Eerst in dat 16. Johrhunnert hett sik för den Oort Ullenstede de hüdige Naam Westerwisch inbörgert.
Verwaltungsgeschicht[ännern | Bornkood ännern]
Dat Dörp hett fröher to dat Arzstift Bremen tohöört un is an’t Enn von’n Dörtigjohrigen Krieg an de Sweden fullen. In’n Fredensverdrag von Celle is dat Rebeed üm Thänhusen 1679 an dat Hartogdom Bruunswiek-Wulfenbüttel fullen.
In de Franzosentied hett de Oort toeerst 1807 bet 1811 binnen dat Königriek Westfalen to de Mairie Thänhusen in’n Kanton Thänhusen höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Thänhusen in’n Kanton Thänhusen.
De Oort hett binnen Bruunswiek to dat Amt Thänhusen tohöört, von 1832 bet 1850 to’n Kreis Holtsminne un von 1850 bet 1972 to’n Kreis Bruunswiek.
De Oort weer fröher en egenstännige Gemeen. Düsse Gemeen is an’n 1. April 1908 mit de Gemenen Thänhusen, Hagen un Börgeree tohoopslaten worrn. De ne’e Gemeen hett denn Thänhusen heten. De Gemeen Thänhusen is an’n 1. Juli 1972 mit de Gemeenreform in Neddersassen in’n Landkreis Veern wesselt.
Inwahnertall[ännern | Bornkood ännern]
| Johr | Inwahners |
|---|---|
| 1812[1] | 373 |
Religion[ännern | Bornkood ännern]
Westerwisch is evangeelsch-luthersch präägt un höört to dat Kaspel von de Maria-Magdalena-Kark in Thänhusen. Düsse Kark is 1870 boot un 1912 egenstännig worrn. Vörher hett de Oort to dat Kaspel von de Cosmas-un-Damian-Kark in Lunsen tohöört.
För de Kathoolschen is de St.-Matthias-Kark in Achem tostännig.
Kultur[ännern | Bornkood ännern]
En Denkmaal för de Fullenen ut de twee Weltkrieg’ steiht in Thänhusen bi de Kark.[2]
Weertschop un Infrastruktur[ännern | Bornkood ännern]
För Westerwisch is de freewillige Füürwehr Thänhusen mit tostännig.
Verkehr[ännern | Bornkood ännern]
Dör Westerwisch löppt de Landsstraat 354, de in’n Noordoosten na Thänhusen an de L 203 geiht un in’n Süüdwesten na Emhusen un Syke. In’n Noordwesten gaht de Kreisstraten K 60 un K 67 na Dönnerstäen un na Dibbelsen. De L 203 föhrt von Thänhusen in’n Süüdoosten över Morsen un Blenner na Veern un in’n Noordwesten över Dibbelsen na de Landsstraat 331.
De nächste Autobahn is de Autobahn 27 (Afsnidd Bremen–Wasra). De Opfohrt 24 Achem-Oost liggt so teihn Kilometer in’n Noordoosten von Westerwisch an de L 156.
De nächste Bahnhoff is so bi twölv Kilometer wied weg in’n Noordoosten de Bahnhoff Achem an de Bahnlien Wunsdörp–Bremen. De Bahnhoff Drey an de Bahnlien Bremen–Ossenbrügge liggt 13 Kilometer in’n Noordwesten. Von 1910 bet 1955 hett dat ok Personenverkehr op de Bahnlien Bremen–Thänhusen geven. De Bahnhoff Thänhusen leeg in düsse Tied twee Kilometer wied weg in’n Noordoosten.