Mairie Thänhusen

Vun Wikipedia
Zur Navigation springen Zur Suche springen

De Mairie Thänhusen weer in de Franzosentied (1810 bet 1813) een von de veer Mairien, in de de Kanton Thänhusen indeelt weer. De Seet weer in Thänhusen. Se harr 1990 Inwahners.[1]

Historie[ännern | Bornkood ännern]

De Ümgegend von Thänhusen hett vör de Franzosentied to dat Amt Thänhusen in dat Förstendom Bruunswiek-Wulfenbüttel höört. Dat Förstendom Bruunswiek-Wulfenbüttel is 1807 Deel von dat Königriek Westfalen worrn, wat en Satellitenstaat von Frankriek weer. Dorbi is de Mairie Thänhusen nee billt worrn. Se leeg in’n Kanton Thänhusen un in’n Distrikt Rinteln.

To’n 1. März 1810 is ok dat Rebeed von dat Kurförstendom Hannover Deel von dat Königriek Westfalen worrn un dorüm sünd de Verwaltungsrebeden nee indeelt worrn. Na’n 1. März 1810 weer de Mairie Thänhusen binnen Westfalen een von de söven Mairien in’n Kanton Thänhusen von’n Distrikt Veern, Departement von de Elv- un Wersermünnen.[2] Man al to’n 1. Januar 1811 harr ok dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Thänhusen weer nu een von de veer Mairien in’n Kanton Thänhusen, Distrikt Bremen, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to dree Mairien höört harrn: de Mairien Thänhusen un Eißel ut’n Kanton Thänhusen un de Mairie Drey ut’n Kanton Nee-Syke. Von de Mairie Drey is aver blots de Oort Hostäe an de Mairie Thänhusen kamen, de Rest güng an de Mairie Rier.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd all Deel von de Gemeen Thänhusen.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 100
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 20