Hagen (Thänhusen)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hagen
Laag vun Hagen in Düütschland
Basisdaten
Bundsland: Neddersassen
Landkreis: Veern
Samtgemeen: Thänhusen
Gemeen: Thänhusen
Inwahners:
Postleettall: 27321
Vörwahl: 04204
Geograafsche Laag:
Koordinaten:52° 58′ N, 9° 1′ O
52° 58′ N, 9° 1′ O

Hagen (hoochdüütsch Hagen) weer en Oort in de Gemeen Thänhusen (Samtgemeen Thänhusen) in’n Landkreis Veern, Neddersassen. Vondaag gellt Hagen as Deel von Thänhusen.

Geografie[ännern | Bornkood ännern]

De Oort liggt op en sieden Geestrügg in de Masch von de Werser, de good dree Kilometer in’n Noorden langsflütt. Dat Water ut dat Rebeed flütt över de Eiter af.

De Naveröörd sünd Eißel un de Börgeree in’n Noorden, Lunsen in’n Noordoosten, Holtdörp in’n Oosten, Beppen, Nee Morsen, Lüttjen Swarm un Wackershusen in’n Süüdoosten, Swarm in’n Süden, Westerwisch in’n Süüdwesten, Dönnerstäen in’n Westen un Önigstedt un Dibbelsen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

Dat Dörp hett fröher to dat Arzstift Bremen tohöört un is an’t Enn von’n Dörtigjohrigen Krieg an de Sweden fullen. In’n Fredensverdrag von Celle is dat Rebeed üm Thänhusen 1679 an dat Hartogdom Bruunswiek-Wulfenbüttel fullen.

In de Franzosentied hett de Oort toeerst 1807 bet 1811 binnen dat Königriek Westfalen to de Mairie Thänhusen in’n Kanton Thänhusen höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Thänhusen in’n Kanton Thänhusen.

De Oort hett binnen Bruunswiek to dat Amt Thänhusen tohöört, von 1832 bet 1850 to’n Kreis Holtsminne un von 1850 bet 1972 to’n Kreis Bruunswiek.

De Oort weer fröher en egenstännige Gemeen. Düsse Gemeen is an’n 1. April 1908 mit de Gemenen Westerwisch un Börgeree tohoopslaten worrn. De ne’e Gemeen hett denn Thänhusen heten. De Gemeen Thänhusen is an’n 1. Juli 1972 mit de Gemeenreform in Neddersassen in’n Landkreis Veern wesselt.

Inwahnertall[ännern | Bornkood ännern]

Johr Inwahners
1812-00-001812[1] 627

Religion[ännern | Bornkood ännern]

Hagen is evangeelsch-luthersch präägt un höört to dat Kaspel von de Maria-Magdalena-Kark in Thänhusen. Düsse Kark is 1870 boot un 1912 egenstännig worrn. Vörher hett de Oort to dat Kaspel von de Cosmas-un-Damian-Kark in Lunsen tohöört.

För de Kathoolschen is de St.-Matthias-Kark in Achem tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Thänhusen bi de Kark.[2]

Weertschop un Infrastruktur[ännern | Bornkood ännern]

För Hagen is de freewillige Füürwehr Thänhusen tostännig.

Verkehr[ännern | Bornkood ännern]

Dör Hagen löppt de Landsstraat 354, de in’n Noordoosten in de L 203 münnt un in’n Süüdwesten na Emhusen un Syke löppt. De L 203 föhrt von Thänhusen in’n Süüdoosten över Morsen un Blenner na Veern un in’n Noordwesten över Dibbelsen na de Landsstraat 331.

De nächste Autobahn is de Autobahn 27 (Afsnidd BremenWasra). De Opfohrt 24 Achem-Oost liggt so negen Kilometer in’n Noordoosten von Hagen an de L 156.

De nächste Bahnhoff is so bi negen Kilometer wied weg in’n Noordoosten de Bahnhoff Achem an de Bahnlien Wunsdörp–Bremen. De Bahnhoff Drey an de Bahnlien Bremen–Ossenbrügge liggt 14 Kilometer in’n Noordwesten. Von 1910 bet 1955 hett dat ok Personenverkehr op de Bahnlien Bremen–Thänhusen geven. De Bahnhoff Thänhusen leeg in düsse Tied direkt in Hagen.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100
  2. Onlineprojekt Gefallenendenkmäler