Wackershusen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27327 | |
| Vörwahl: | 04258 | |
| Geograafsche Laag: | Koordinaten:52° 55′ N, 9° 2′ O52° 55′ N, 9° 2′ O | |
|
| ||
Wackershusen (hoochdüütsch Wackershausen) is en lütten Oort in de Gemeen Thänhusen (Samtgemeen Thänhusen) in’n Landkreis Veern, Neddersassen.
Geografie
[ännern | Bornkood ännern]De Oort liggt in de Masch von de Werser, de söss Kilometer in’n Noorden langsflütt. Dat Water ut dat Rebeed flütt över de Landwehr na de Eiter hen af.
De Naveröörd sünd Beppen un Nee-Morsen in’n Noordoosten, Nee Wulmsdörp in’n Oosten, Jerusalem in’n Süüdoosten, Swarm in’n Süüdwesten, Emhusen in’n Westen un Westerwisch un Thänhusen in’n Noordwesten.
Historie
[ännern | Bornkood ännern]Wackershusen kummt 1703 toeerst in de Oorkunnen vör.
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Swarm in’n Kanton Mattfeld höört un denn von 1811 bet 1814 to dat Franzöösche Kaiserriek ünner Napoleon.
De Oort hett vör 1852 to de Vaagdie Swarm von dat Amt Thänhusen (later Amt Wessen-Thänhusen) tohöört un denn von 1852 bet 1859 to dat Amt Swarm. 1859 is de Oort in dat Amt Veern wesselt. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort höört von öllers bi de Gemeen Wulmsdörp mit bi, de an’n 1. Juli 1972 mit de Gemeenreform in Neddersassen Deel von de Gemeen Morsen worrn is. De Gemeen Morsen hett sik an’n 1. November 2006 de Gemeen Thänhusen anslaten.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 3 Füürsteden |
| 1824[2] | 4 Füürsteden |
| 1848[3] | 63 Lüüd, 10 Hüüs |
| 1. Dezember 1871[4] | 21 Lüüd, 3 Hüüs |
| 1. Dezember 1885[5] | 14 Lüüd, 3 Hüüs |
| 1. Dezember 1905[6] | 12 Lüüd, 2 Hüüs |
Religion
[ännern | Bornkood ännern]Wackershusen is evangeelsch-luthersch präägt un höört to dat Kaspel von de Cosmas-un-Damian-Kark in Lunsen. Fröher weer aver de Goden-Hirt-Kark in Swarm tostännig.
För de Kathoolschen is de St.-Josef-Kark in Veern tostännig.
Weertschop un Infrastruktur
[ännern | Bornkood ännern]För Wackershusen is de freewillige Füürwehr Wulmsdörp mit tostännig.
Verkehr
[ännern | Bornkood ännern]Wackershusen is in’n Süden anbunnen an de Kreisstraat 143, de in’n Süüdwesten na Swarm an de Landsstraat 331 ran föhrt un in’n Oosten na Einste an de L 202. In’n Oosten is de Oort anbunnen an de K 8, de in’n Noorden na Beppen un Morsen löppt.
De nächste Autobahn is de Autobahn 27 (Afsnidd Bremen–Wasra). De Opfohrt 24 Achem-Oost liggt so 13 Kilometer in’n Noorden von Wackershusen an de L 156.
De nächste Bahnhoff is so bi 13 Kilometer wied weg in’n Noorden de Bahnhoff Achem an de Bahnlien Langwedel–Bremen.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 239
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 630
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 65
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 182