Jerusalem (Blenner)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27337 | |
| Vörwahl: | 04233 | |
| Geograafsche Laag: | Koordinaten:52° 55′ N, 9° 5′ O52° 55′ N, 9° 5′ O | |
|
| ||
Jerusalem (hoochdüütsch Jerusalem) is en lütten Oort bi Holbm in de Gemeen Blenner (Samtgemeen Thänhusen) in’n Landkreis Veern, Neddersassen.
Geografie
[ännern | Bornkood ännern]De Oort liggt in de Masch von de Werser, de söss Kilometer in’n Oosten von Jerusalem langsflütt. Dat Water ut dat Rebeed flütt över de Landwehr na de Eiter hen af.
De Naveröörd sünd Nee Wulmsdörp in’n Noorden, Aodolshüsen un Einste in’n Noordoosten, Holbm in’n Oosten, Hustäe in’n Süüdoosten, Mattfeld in’n Süden, Swarm in’n Süüdwesten un Wackershusen un Nee-Morsen in’n Noordwesten.
Historie
[ännern | Bornkood ännern]In Jerusalem liggt ok de Schüttenplatz von’n Schüttenvereen Holbm.
Verwaltungsgeschicht
[ännern | Bornkood ännern]De Oort hett fröher bi de Gemeen Holbm mit bihöört, de an’n 1. Juli 1972 mit de Gemeenreform in Neddersassen Deel von de Gemeen Blenner worrn is.
Religion
[ännern | Bornkood ännern]Jerusalem is evangeelsch-luthersch präägt un höört to dat Kaspel von de Kark in Blenner.
För de Kathoolschen is de St.-Josef-Kark in Veern tostännig.
Weertschop un Infrastruktur
[ännern | Bornkood ännern]För Jerusalem is de freewillige Füürwehr Einste-Holbm mit tostännig.
Verkehr
[ännern | Bornkood ännern]Jerusalem is in’n Westen anbunnen an de Kreisstraat 145, de in’n Noorden na Beppen geiht un in’n Süden na Mattfeld. In’n Oosten is Jerusalem anbunnen an de Landsstraat 202, de in’n Noordoosten na Blenner an de L 203 föhrt un in’n Süüdwesten na Mattfeld un Brooksen-Vilsen.
De nächste Autobahn is de Autobahn 27 (Afsnidd Bremen–Wasra). De Opfohrt 24 Achem-Oost liggt so 15 Kilometer in’n Noorden von Jerusalem an de L 156.
De nächste Bahnhoff is so bi 14 Kilometer wied weg in’n Oosten de Bahnhoff Veern an de Bahnlien Langwedel–Bremen.
