Syke

Vun Wikipedia
Wapen/Flagg Koort

Wapen vun Syke

Syke
Laag vun Syke in Düütschland
Basisdaten
Bundsland: Neddersassen
Landkreis: Deefholt
Flach: 127,89 km²
Inwahners: 25.841 (1. Januar 2007)
Inwahnerdicht: 202,1 Inwahners pro km²
Hööchd: 22 m över de See
Postleettall: 28857
Vörwahl: 04242
Geograafsche Laag:
Koordinaten:52° 33′ N, 8° 29′ O
52° 33′ N, 8° 29′ O
Grenzen bi OSM: 20680 20680
Gemeenslötel: 03 2 51 041
Öörd in de Gemeen: 13
Börgermeester: Suse Laue (SPD)
Websteed: www.syke.de
Karte

Syke (IPA|ˈziːkə) is en Stadt in Neddersassen un en Middelzentrum in’n Noorden vun den Landkreis Deefholt. Dor leevt up 12,89 km² 25.841 Inwahners (Stand 1. Januar 2007). De Naam Syke kümmt vun dat plattdüütsche Woort „Sieke“ vun her. Dat heet so veel, as „natt Sietland“. Dorüm warrt dat ok mit en lang ie utsproken un nich as Süke.

Geographie[ännern | Bornkood ännern]

Geograaphsche Laag[ännern | Bornkood ännern]

Syke is de gröttste Stadt in den Landkreis Deefholt. Se liggt in Oosten vun den Natuurpark Wilshuser Geest, bi 19 km (Luftlinie) süüdlich vun Bremen. Dör de Stadt flutt de Hache dör. Üm Syke to liggt de groten Staatsforsten Fredeholt un Westermark.

Wie sik de Stadt updeelt[ännern | Bornkood ännern]

Stadtdelen[ännern | Bornkood ännern]

An’n 1. Januar 1979 hefft in Syke 19.413 Inwahners leevt. Bit to’n 1. Januar 1989 sünd dat sogor noch weniger wurrn. Dormols weern dat 18.776. Miteens föhr de Tog avers annersrüm: An’n 1. Januar 1999 leven al 24.398 Lüde in Syke un an’n 1. Januar 2007 weern dat midderwielen 25.841.

(Inwahners an’n 31. Dezember 2006)

Klima[ännern | Bornkood ännern]

In Syke regeert en matig Seeklima ünner Indruck vun fochtige Noordseewinnen ut Noordwest. De Lufttemperatuur liggt in’n Dörsnitt in’t Johr bi 8,5° - 9 °C. Regen liggt bi 700mm in’t Johr. In de Tiet vun Mai bit August kann een in’n Dörsnitt mit 25 Summerdage reken.

Historie[ännern | Bornkood ännern]

In en List vun Bruggen över de Werser ut dat Johr 1225 steiht to’n eersten Mol de Naam vun de Stadt, so as de hüde noch schreven warrt. 1974 is de hüdige Stadt ut de vörmolige Stadt Syke un twölf Gemeenden, de dor umto liggen döen, tohopensett wurrn. Bit 1977 weer Syke Kreisstadt vun den Landkreis Graafschop Hoya. In dat Johr 1978 geev dat avers en Kreisreform. Man bit in dat Johr 2004 is en grote Butenstell vun de Verwalten vun den Landkreis Deefholt in Syke bleven. Eerst denn hett de Landkreis all sien Verwalten in Deefholt tohopenfaat. To hett se to’n Deel Kammern för anhüürt. In dat vörmalige Syker Kreishuus sünd midderwielen annere Behörden ansiedelt wurrn. Dor gifft dat hüdigendags ok en Twiegstell vun dat Syker Gymnasium.

Dat Auto-Kennteken vun den Landkreis Graafschop Hoya weer dormols SY ween. Na de Reform vun de Verwalten in dat Johr 1978 is düsse Landkreis updeelt wurrn mank de Landkreisen Nienborg, Ollnborg un Deefholt. Vunwegen dat dat in den vörmaligen Landkreis Graafschop Hoya veel landweertschoppliche Bedrieven gifft, kann een hen un wenn noch hüdigendags Fohrtüüch un Hängers för de Bueree mit dat ole Kennteken SY drepen.

Politik[ännern | Bornkood ännern]

Stadtraat[ännern | Bornkood ännern]

An’n 10. September 2006 sünd in Neddersassen nee Kommunalparlamenten wählt wurrn. De sünd nu al vun’n 1. November 2006 af an in’n Amt. Vunwegen dat de vörmolige Stadtraat dat so beslaten harr, is de Syker Stadtraat nun wat lüttjer maakt wurrn. Dat gifft nich mehr 34 Sitten, man bloß noch 30. Dor kümmt noch de Borgermeester to. Düsse Sitten sünd nu hüdigendags so updeelt:

De FDP-Fraktschoon un de Vertreder vun de WSB hefft sik to en Grupp tohopenslaten.

Börgermeester Dr. Harald Behrens, de al in’t Amt weer, hett an’n eersten Wahldag de afsolute Mehrheit vun de Stimmen, de afgeven wurrn sünd, knapp verpaßt. 18 Stimmen hefft em fehlt, man bi de Stickwahl an’n 24. September 2006 hett he denn mit mehr as 76% wunnen. Dor is he mit för nochmol acht Johren to’n Borgermeester maakt wurrn.

Wapen[ännern | Bornkood ännern]

Dat Wapen vun de Stadt Syke wiest in dat Schild en swarte Borenklau mit rode Krallen. De steiht liekup up gullen Grund. Düsse Klau kümmt vun dat Wapen vun de olen Grafen vun Hoya her un finnt sik ok in dat Wapen vun den Landkreis Deefholt un vun de Städer Bassen, Broksen, Hoya un Sulingen.

Stadtpartner- un -patenamt[ännern | Bornkood ännern]

In de 50er Johren övernehm Syke dat Patenamt för Lüde, de in de vörmolige Kreisstadt Wehlau in Oostpreußen leevt harrn. In dat Syker Kreismuseum gifft dat dor ok um en „Wehlauer Heimaatstuuv“. Jedet Johr gifft dat hier ok en Heimaatdrepen.

Vun 1973 af an is Syke Stadtpartner vun den franzööschen Canton La Chartre-sur-le-Loir in dat Département Sarthe.

Vun 2006 af an is Syke Partner vun de poolsche Stadt Wąbrzeźno in dat nöördliche Zentralpolen, bi 50 km noordööstlich uon Torun in de Woiwodschaft Kujawien-Pommern

Vun den Anfang vun de 90er Johren her gifft dat al gode Kuntakten na de poolsche Stadt Brodnica hen. Dat Gymnasium in Syke tuuscht jummers wedder Schölers mit dat Gymnasium in Brodnica un ok mit de Stadt Nischni Nowgorod in Russland.


Wat dat to sehn gifft[ännern | Bornkood ännern]

  • De „Amtshoff“ is hüdigendags de Seet vun dat Amtsgericht. He besteiht ut resten vun en Wall ut dat Middelöller un ut dat Koorn-Tinshuus ut dat Johr 1592.
  • Dat Syker „Vorwark“ liggt direktemang bi de vörmolige Forstverwalten an den Utgang vun Syke, wenn een na Schnepke hengeiht. Dor hett fröher de Böver-Kreisdirekter vun de Landkreisen Graafschop Hoya un Deefholt in wahnt.
  • Ok de evangeelsch-Luthersche Christuskarken kann een sik ankieken, wenn denn de Döör mol opensteiht.Dat is en Bowark ut de Tiet vun de Neegotik.

Söhns un Döchter vun de Stadt[ännern | Bornkood ännern]

Kiek ok bi[ännern | Bornkood ännern]

Literatur[ännern | Bornkood ännern]

  • Heiner Büntemeyer u. Rudolf Lüdemann (Red.): Die Kirche in Barrien. Chronik zur Rettung eines Kulturdenkmals. Syke 1980, 60 S.
  • Heiner Büntemeyer: Wanderwegebeschreibung im Bereich der Grundschule Barrien. (Hrsg.: Werbering Barrien e. V.), Syke-Barrien, 1983, 80 S.
  • Heinz-Hermann Böttcher, Heiner Büntemeyer, Hermann Greve u. Wilfried Meyer: SYKE und umzu. Syke 1983, 204 S.
  • Louis Niebuhr: Europäisches Bildhauersymposion. Formen für Europa - Formen aus Stein: Miguel Ausili, Italien (Toskana); Ioanna Filippidu, Griechenland (Thrakien); Janez Lenassi, Jugoslawien (Slowenien); Jiri Seifert, Tschechoslowakei (Prag); Werner Stötzer, Düütschland (Brannenborg); Louis Niebuhr, Düütschland (Neddersassen). 25. August 1991 bit 6. Oktober 1991; Syke, La-Chartre-Straße. (Katalog; Hrsg.: Stadt Syke), o.O. 1991, 36 S. m. 26 Biller.
  • Hermann Greve u. Gabriele Ullrich: 13mal Syke. Eine historische Lesereise. Weyhe 1992, 200 S.
  • Hermann Greve u. Klaus Fischer (Fotos): Stadtbilder aus Syke. Leipzig 1996, 48 S.
  • Gabriele Ullrich: SYKE's bessere Hälfte(n). Ein Stadtrundgang auf den Spuren von Syker Frauen. Hu’e 1997, 64 S.
  • Hermann Greve u. Gabriele Ullrich: Unterwegs … in Syke. Ein Kultur- und Naturreiseführer für Syke und seine Ortsteile. Ein Führer durch die Hachestadt. Natur - Kultur - Geschichte. Hu’e 2002, 144 S.
  • Hermann Greve: 70 Jahre Stadtrechte Syke. (Hrsg.: Stadt Syke), Syke 1999, 32 S.
  • Hans-Michael Heise: Der Amtshof in Syke und sein Vorwerk am Friedeholz. Anmerkungen zur Geschichte der Stadt Syke und des Landkreises Diepholz. Deefholt/Syke 2002, 59 S.
  • Heinz-Hermann Böttcher: Der Jüdische Friedhof in Syke - Dokumentation. (Typoskriptdruck), Syke ³2003, 120 S.
  • Ingrid Fandrich u. Else Schröder: Chronik Gödestorf. Bassum 2005, 312 S. m. allerhand Biller
  • Uwe Hager: Syke. In: Herbert Obenaus (Hrsg. in Zusammenarbeit mit David Bankier und Daniel Fraenkel): Historisches Handbuch der jüdischen Gemeinden in Niedersachsen und Bremen., Band 1 un 2 (1668 S.), Göttingen 2005, Sieten 1464-1470
  • Heinz-Hermann Böttcher: Orchideen der Art Epipactis helleborine (= Sumpfwurz, Sumpfsitter). Vorkommen in Wäldern u. a. in Syke und Umgebung. (Typoskriptdruck), Syke 2006, 66 S. m. allerhand Biller
  • Heinz-Hermann Böttcher: Kriegerdenkmale im Bereich der Stadt Syke. Barrien, Gessel, Gödestorf, Heiligenfelde, Henstedt, Jardinghausen, Leerßen, Okel, Osterholz, Ristedt, Schnepke, Syke, Wachendorf. (Typoskriptdruck), Syke 2007, 254 S.
  • Hermann Greve: „Stolpersteine“. Der Erinnerung einen Namen geben. Informationen zu den achtzehn Syker „Stolpersteinen“, verlegt am 11. Juni 2006 und 18. April 2007 von Gunter Demnig. Eine Dokumentation zur Geschichte der jüdischen Gemeinde in Syke. (Rutgv.: Stadt Syke), Syke 2007, 72 S.

Weblinks[ännern | Bornkood ännern]