Rist

Vun Wikipedia

Rist (hoochdüütsch Ristedt) is siet 1974 en vun de 13 Stadtdelen vun Syke. Dor leevt üm un bi 1.300 Inwahners. Fröher weer Rist en sülvstännig Dörp. En poor lüttje Bedrieven hefft sik dor ansiedelt, sünst sünd dor noch allerhand Buurnhööv. In Rist wohnt ok en Reeg Lüde, de annerwegens arbeiden doot un dor denn jummers henfohrt.

Geographie[ännern | Bornkood ännern]

Rist liggt bi 12 km süüdlich vun Bremen in de Wilshuser Geest. In Rist finnt sik de Hoge Barg. De is 58 m hooch. Dormit is he de höögste Barg rund um Bremen to. Up düssen Barg is en schönen Utkiek, dor kann een wiet över dat Daal vun de Werser un över de ganze Stadt Bremen henkieken.

Historie[ännern | Bornkood ännern]

Sagen[ännern | Bornkood ännern]

An'n Ingang na Rist steiht en groten, scheven Steen. De warrt De krumme Snieder vun Rist nömmt. Twee Sagen vertellt, datt dat fröher mol en Snieder ween is. Man he hett sik mit Petrus (en annere Saag seggt: Mit'n leven Gott süms) anleggt, dor is he in'n Steen verwannelt wurrn.

Verkehr[ännern | Bornkood ännern]

De B6 un de B51 na Leeste sünd nich wiet af. Dör Rist löppt de K 116 dör.

Sport[ännern | Bornkood ännern]

De TSV Ristedt e.V (Football, Dischtennis u. a.) is för den Sport tostännig. Dat gifft ok en egen Sportanlaag mit Sporthall.

Weblinks[ännern | Bornkood ännern]