Landkreis Graafschop Hoya
De Landkreis Graafschop Hoya weer en vörmoligen Landkreis in Neddersassen. De Sitt vun de Verwalten weer in Syke ünnerbröcht.
Historie
[ännern | Bornkood ännern]Tostann kamen weer de Landkreis in dat Johr 1932. Dormols sünd en groten Deel vun den Landkreis Hoya un de Landkreis Syke tohopenslaten wurrn to en neen Landkreis. Dat weer bi de Kreisreform an't Enne vun de Weimarer Republik.
1932 weer de Landkreis 1.200 km² groot. 109 Gemeenden un dree Städer (Syke, Bassen un Hoya) höörn dor to un bi 78.000 Lüde weern dor tohuse. Dat Auto-Kennteken weer SY.
Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Graafschop Hoya op Landkreis Graafschop Hoya ännert.
1972 kemen de Gemeenden Riede un Blender to de Samtgemeende Thäänhusen un to den Landkreis Veern.Bi de Kreisreform vun 1977 is de grote Deel vun den Landkreis Graafschop Hoya mit den Landkreis Graafschop Deefholt tohopensmeten wurrn. Dat geev denn tosamen den neen Landkreis Deefholt. En lüttjeren Deel mit de Samtgemeenden Graafschop Hoya un Eystrup kemen to den neen Landkreis Nienborg, un de Samtgemeende Harpstedt lann bi den Landkreis Ollnborg. Na 45 Johren harr dat also en Enne mit den Landkreis Graafschop Hoya.
Politik
[ännern | Bornkood ännern]Landrööt
[ännern | Bornkood ännern]- 1932-1945: Heinrich Fürbringer
- 1945-1948: Wilhelm Heile, FDP, vun 1947 af an DP
- 1948-1950: Heinrich Gerdes, DP
- 1950-1964: Albert Wendt, DP, vun 1962 af an CDU
- 1964-1968: Wilhelm Helms, FDP
- 1968-1977: Heinz Zurmühlen, CDU
Verwalten
[ännern | Bornkood ännern]De Kreisverwalten mit ehr verscheden Ämter weer in dat Kreishuus in Syke (Slottweid/Amtshoff) ünnerbröcht. Baas vun de Verwalten weer bit 1945 de Landraad un vun 1946 af an de Överkreisdirektor.
Överkreisdirektoren
[ännern | Bornkood ännern]- 1946: Dr. Rudolf Freytag
- 1947 - 1954: Dr. Wessel Georg Nordbeck
- 1954 - 1974: Dr. Erhard Siebert-Meyer zu Hage
- 1974 - 1977: Hans-Michael Heise
Literatur
[ännern | Bornkood ännern]- Der Landkreis Grafschaft Hoya. Heimatgeschichte - Kultur - Landschaft - Wirtschaft. (hrsgg. in Zusammenarbeit mit der Kreisverwaltung des Landkreises Grafschaft Hoya), Ollenborg 1967, 312 S. m.allerhand Biller
- Erhard Siebert-Meyer: Der Landkreis Grafschaft Hoya im Laufe der Zeiten. In: Der Landkreis Grafschaft Hoya. (k. b.), S. 10-15
- Heinrich Schmidt-Barrien: Bilder aus der Grafschaft Hoya. Von allen Seiten betrachtet ... Geschichte, Entwicklung und Landschaftsbild des Landkreises Grafschaft Hoya. (Rutg.: Landkreis Graafschop Hoya), Syke / Hoya 1967, 36 S. m. 45 Biller
- Heimatblätter des Landkreises Grafschaft Hoya - Heimatpflege. Beiträge zur Geschichte des Landkreises Grafschaft Hoya. (Redaktschoon: Erich Rendigs, Weyhe-Sudweyhe; Rutg.: Landkreis Graafschop Hoya), Syke 1972-1976
- Band 1/2 (1972/73; 2. A.: 1977), 132 S.
- Band 3, Utgaav 1974/75 (1975)
- Gerhard Lutosch: Die Ortsnamen des ehemaligen Landkreises Grafschaft Hoya. Ihr Alter und ihre Bedeutung. Syke 1978, 97 S.
- Gerhard Lutosch: Die Siedlungsnamen des Landkreises Diepholz. Ihr Alter und ihre Bedeutung. (Rutg.: Landkreis Deefholt), Syke 1983, 245 S. m. 1 Foto (vun'n Schriever) un 1 Topograaphische Kaart
- Hermann Greve: Bibliographie des Landkreises Diepholz unter Einschluß der Samtgemeinden Harpstedt (Landkreis Oldenburg), Eystrup und Grafschaft Hoya (Landkreis Nienburg) sowie Riede (Samtgemeinde Thedinghausen, Landkreis Verden). (Rutg.: Landkreis Deefholt), Syke un Deefholt, 1984, XXXVIII un 453 S. (mit 3505 Titels)
- Hans-Michael Heise: Der Amtshof in Syke und sein Vorwerk am Friedeholz. Anmerkungen zur Geschichte der Stadt Syke und des Landkreises Diepholz. Deefholt/Syke 2002, 59 S. m. allerh. Biller