Landkreis Graafschop Deefholt

Vun Wikipedia
Zur Navigation springen Zur Suche springen

De Landkreis Graafschop Deefholt is en vörmoligen Landkreis in Neddersassen. Sitt vun de Verwalten weer in Deefholt.

Historie[ännern | Bornkood ännern]

An't Enne vun de Weimarer Republik geev dat 1932 en Kreisreform. Dor sünd de beiden Landkreisen Deefholt un Sulingen bi tohopensmeten wurrn. Dat geev denn den neen Landkreis Graafschop Deefholt. Dat Auto-Kennteken vun düssen Landkreis weer DH.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Graafschop Deefholt op Landkreis Graafschop Deefholt ännert.

Bi de Kreisreform in dat Johr 1977 is de Landkreis tohopendaan wurrn mit en groten Deel vun den vörmoligen Landkreis Graafschop Hoya. Dor is denn de nee Landkreis Deefholt bi rutkamen. Na 45 Johren harr dat dor sien Enne mit den Landkreis Graafschop Deefholt.

Politik[ännern | Bornkood ännern]

Landrööd[ännern | Bornkood ännern]

  • 1932-1934: Jochen Hilmar v. Wuthenau
  • 1935-1940: Dr. Max Spießbach
  • 1941-1943: Udo Veltkamp
  • 1943-1945: Frh. v. Wintzingerode (tietwies in'n Wehrdeenst, Verwalten vun Nienborg ut)
  • 1946-1956: Friedrich Hanker, DP
  • 1956-1968: Ludwig Gefe, FDP
  • 1968-1977: Heinrich Jürgens, FDP

Verwalten[ännern | Bornkood ännern]

De Kreisverwalten weer mit ehr verscheden Ämter in dat Kreishuus in Deefholt ünnerbröcht. Baas vun de Verwalten weer bit 1945 de Landraad un vun 1946 af an de Överkreisdirektor.

Överkreisdirektoren[ännern | Bornkood ännern]

  • 1946-1959: Dr. Hans Brunow
  • 1959-1976: Udo Veltkamp

Literatur[ännern | Bornkood ännern]

  • Hans Gerke: Regionalgeschichtliche Entwicklung. In: Landkreis Diepholz. Lebensraum, Verwaltungseinheit I. (Redaktschoon: Hans Gerke; Rutg.: Landkreis Deefholt), Deefholt 1984, S. 20-26
  • Gerhard Lutosch: Die Siedlungsnamen des Landkreises Diepholz. Ihr Alter und ihre Bedeutung. (Rutg.: Landkreis Deefholt), Syke 1983, 245 S. m. 1 Foto (vun'n Schriever) un 1 Topograaphsche Kaart
  • Hermann Greve: Bibliographie vun den Landkreis Deefholt (Rutg.: Landkreis Deefholt), Syke un Deefholt, 1984, XXXVIII un 453 S. (mit 3505 Titels) m. Biller

Kiek ok bi[ännern | Bornkood ännern]