Baarnborg

Wapen/Flagg

Koort

Basisdaten

Bundsland: Neddersassen

Landkreis: Deefholt

Flach:

16,38 km²

Inwahners:

1.264 (2006-12-3131. Dezember 2006)

Inwahnerdicht:

77,2 Inwahners pro km²

35 m över de See

27245

04273

Koordinaten:52° 22′ N, 8° 29′ O52° 22′ N, 8° 29′ O

Grenzen bi OSM:

1675311

Börgermeester:

André Meyer, ohn Partei

Websteed:

www.barenburg.de

Baarnborg is en Flecken in den Landkreis Deefholt in Neddersassen.

Laag

Baarnborg liggt tuschen den Dümmer See un dat Steinhuder Meer in de Midden twuschen Bremen un Minden. De Gemeen höört na de Samtgemeende Karkdörp to. De ehr Seet is in Karkdörp.

Historie

To'n eersten Mol steiht vun de Gemeen wat in en Urkunn ut dat Johr 1247 to lesen. 1285 warrt ok to'n eersten Mol wat vun en Borg mit Naam Baarnborg schreven. De is denn in dat Johr 1338 tohopen mit de Herrschop Olen-Brooksen na de Graafschop Hoya kamen. 1434 is de Hartog Wilhelm vun Bruunswiek-Lüümborg ankamen un hett de Borg innahmen. Achterna is se noch en paar Mol as Pand wiedergeven wurrn un amenne is se denn to Dutt fullen. Vun dat Dörp Baarnborg is to'n eersten Mol wat in dat Johr 1530 to höörn. Dor weer dat al en Flecken.

Politik

Gemeenderaat

In den Gemeenderaat vun Baarnborg sitt 11 Raatlüde (Mannlüde un Froonslüde), all ohn Partei.

Börgermeester

De ehrenamtliche Börgermeester André Meyer is an'n 9. September 2001 wählt wurrn.

Wat los is in Baarnborg un wat een sik ankieken kann

Bowarken

Bi de Baarnborger Kark sünd noch Delen vun de Muern vun de Kapell To'n Hilligen Krüüz ut dat 12. Johrhunnert to sehn.

Weertschup un Verkehr

Verkehr

De Gemeende liggt dirkt an de B 61. De föhrt vun Minden na Sulingen. Fröher geev dat ok noch de Iesenbahnstreck Rahrn-Sulingen-Bassen, man dor is bloß dat Deelstück Baarnborg-Sulingen noch vun in Bedriev. In Baarnborg sitt de grote Firma Exxon Mobil. De föhrt Tankwagens mit Swefel un Eerdööl up düsse Streck.

Literatur

Kratochwill-Gertich, Nancy: Barenburg, Sieten 159-164 in: Obenaus, Herbert (Rutg.; tohopen mit David Bankier un Daniel Fraenkel): Historisches Handbuch der jüdischen Gemeinden in Niedersachsen und Bremen, Band 1 un 2 (1668 S.), Chöttingen 2005 – 6 Seiten

Kiek ok bi

Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Weblenken

Städer un Gemenen in den Landkreis Deefholt