Brookm

Vun Wikipedia
Wapen/Flagg Koort
hett keen Wapen
Brookm
Laag vun Brookm in Düütschland
Basisdaten
Bundsland: Neddersassen
Flach: 30,59 km²
Inwahners: 1.087 (2006-12-3131. Dezember 2006)
Inwahnerdicht: 35,5 Inwahners pro km²
Postleettall: 49448
Vörwahl: 05443
Geograafsche Laag:
Koordinaten:52° 17′ N, 8° 15′ O
52° 17′ N, 8° 15′ O
Grenzen bi OSM: 1665293 1665293
Börgermeester: Ingrid Thrien, Free Wählers
Websteed: www.brockum.de
Karte

Brookm oder Broubm (Hoochdüütsch: Brockum) is en Gemeende in de Samtgemeende Oolt Amt Lemförde in den Landkreis Deefholt in Neddersassen.

Laag[ännern | Bornkood ännern]

Brookm liggt twuschen Ossenbrügge un Bremen an den Dümmer. Dat Dörp liggt bi 3 km westlich vun Lemförde un nich wiet af in'n Norden vun'n Stemweder Barg. In'n Dörsnitt 7 km noordwestlich vun Brookm liggt de Dümmer See.

Historie[ännern | Bornkood ännern]

In ole Urkunnen steiht de Naam vun Brookm to'n eersten Mol 969 as Bruochem to lesen. 1243 heet he denn Brochem un 1247 Bruchem. Dat schall woll allens Wohnsteed an'n Brook heten. Annahmen warrt, dat Brookm en Wohnsteed vun de Franken ween is.

Al in de fröhe Nutiet hett Brookm en Johrmarkt harrt, dorto twee Windmöhlen un en Tollstatschoon. Dor weer Brookm doch en beten wat anners mit, as de Naberdörper. Bavenhen geev dat en Kapell, de ehr Karkhoff al 1460 as „heel oolt“ ankeken wurrn is. De Naamspatronen vun düsse Kapell weern in dat hoge Middelöller Maria, Simon un Judas. En egen Gemeende is Brookm in dat Johr 1661 (oder 1655) wurrn, as sik de Gemeende vun Dielingen afspleten hett. De Brookmer Markt weer toeerst en Kirmes ween. He is afholen wurrn an'n Dingsdag na Simon un Juda (28. Oktober). Toeerst hett he as Kramer- un Peermarkt deent. 1558 warrt he Freemarkt nömmt un 1573 Kermisse. 1673 is för den Rittmeester vun Glaen ut en Halfmeierhoff en Riddergoot maakt wurrn. Schmutte sien Gootshuus is 1815/20 na Lemförde ümsett wurrn un to de Löwenaftheek ümboot.

Politik[ännern | Bornkood ännern]

Gemeenderaat[ännern | Bornkood ännern]

In den Gemeenderaat vun Brookm sitt hüdigendags 2 Raatsfroen un 9 Raatsherren. Se höört al to de Freen Wählers. Wählt wurrn sünd se an'n 10. September 2006 bi de Kommunalwahl.

Börgermeester[ännern | Bornkood ännern]

De ehrenamttliche Börgermeestersche Ingrid Thien is tolest an'n 10. September 2006 wählt wurrn un geiht in ehre drüdde Amtstiet.

Wat in Brookm los is un wat een sik ankieken kann[ännern | Bornkood ännern]

Wat los is[ännern | Bornkood ännern]

Jedet Johr an'n Enne vun'n Oktober bit Anfang November is in Brookm de Brookmer Grootmarkt. Dor geiht dat üm en Mengelmoos vun Vergnögen, Landmaschinenutstellen un Bedrievenschau bi üm un jedet Johr kaamt woll bi 200.000 Besöker. To'n Afsluss vun düt Spektakel, wat veer Dage duern deit, gifft dat an'n Dingsdag denn jummers den traditschonellen Veehmarkt.

Bowarken[ännern | Bornkood ännern]

De hüdige Kark is vun L. Hellner in dat Johr 1833 boot wurrn. De Westtoorn is vun 1894.

Weertschup un Verkehr[ännern | Bornkood ännern]

Westlich vun Brookm löppt dicht bi dat Dörp de Bundstraat B 51 vun Deefholt na Ossenbrügge.


Literatur[ännern | Bornkood ännern]

  • Hans Gerke: 1000 Jahre Brockum. Der Ort und seine Bewohner in Geschichte und Gegenwart. Deefholt 1969, 128 S.
  • Martin Schütz: Der Brockumer Grossmarkt 10.2004, 62 S.

Kiek ok bi[ännern | Bornkood ännern]

Weblenken[ännern | Bornkood ännern]