Mairie Morsen

Vun Wikipedia
Zur Navigation springen Zur Suche springen

De Mairie Morsen weer in de Franzosentied (1810 bet 1813) een von de veer Mairien, in de de Kanton Thänhusen indeelt weer. De Seet weer in Morsen. Se harr 2500 Inwahners.[1]

Historie[ännern | Bornkood ännern]

De Ümgegend von Morsen hett vör de Franzosentied deelwies to dat Amt Wessen-Thänhusen in dat Förstendom Lümborg höört, wat in dat Kurförstendom Hannover leeg, un deelwies to dat Amt Thänhusen in dat Förstendom Bruunswiek-Wulfenbüttel. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. Dat Förstendom Bruunswiek-Wulfenbüttel weer siet 1807 Deel von dat Königriek Westfalen, wat en Satellitenstaat von Frankriek weer. Dorbi sünd de Öörd von dat Amt Thänhusen Deel von’n Kanton Thänhusen in’n Distrikt Rinteln worrn. To’n 1. März 1810 is ok dat hannöversche Rebeed Deel von dat Königriek Westfalen worrn.

De Mairie Morsen is aver eerst billt worrn, as de hannöverschen Rebeden ok an Westfalen fullen sünd. Binnen Westfalen weer de Mairie Morsen een von de söven Mairien in’n Kanton Thänhusen von’n Distrikt Veern, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Morsen weer nu een von de veer Mairien in’n Kanton Thänhusen, Distrikt Bremen, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de dree Mairien Morsen, Holtdörp un Wulmsdörp ut’n Kanton Thänhusen höört harrn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd all Deel von de Gemeen Thänhusen.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 100
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 20