Aondörp

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Aondörp
Laag vun Aondörp in Düütschland
Basisdaten
Bundsland: Neddersassen
Landkreis: Veern
Samtgemeen: Thänhusen
Gemeen: Blenner
Inwahners:
Postleettall: 27337
Vörwahl: 04233
Geograafsche Laag:
Koordinaten:52° 56′ N, 9° 10′ O
52° 56′ N, 9° 10′ O

Aondörp (hoochdüütsch Amedorf) is en Dörp in de Gemeen Blenner (Samtgemeen Thänhusen) in’n Landkreis Veern, Neddersassen.

Geografie[ännern | Bornkood ännern]

De Oort liggt in de Masch von de Werser nich wied af von’n Diek. Dat Water ut dat Rebeed flütt över Gravens na de Blenner Emte hen af.

De Naveröörd sünd Ritzenbargen in’n Noordoosten, Lüttjen Huttbargen in’n Oosten, Groten Huttbargen un Neddern Hu’e in’n Süüdoosten, Öste, Vaste un Blenner in’n Süüdwesten, Hidzdörp in’n Westen un Reer in’n Noordwesten.

Historie[ännern | Bornkood ännern]

Aondörp kummt an’n 24. Mai 935 as Omanthorp toeerst in en Oorkunn vör, in de König Hinnerk I. de Kark in Hamborg un den Hambörger Arzbischop Unni bestätigt, dat de Eddelherr Willarius sien Besitt in negen Dörper in’n Ruum Langwedel gegen Besitt von de Hambörger Kark tuuscht hett.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Blenner in’n Kanton Mattfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Intschen in’n Kanton Thänhusen.

De Oort hett vör 1852 to de Vaagdie Intschen in dat Amt Wessen-Thänhusen tohöört un denn von 1852 bet 1859 to dat Amt Swarm. As dat Amt Swarm 1859 oplööst worrn is, keem Ritzenbargen mit Aondörp an dat Amt Veern. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort hett jümmer al to de Gemeen Aondörp höört. De Gemeen hett in dat 20. Johrhunnert denn aver den Naam to Ritzenbargen ännert. Se is an’n 1. Juli 1968 an de Gemeen Blenner kamen. An’n 1. Juli 1972 mit de Gemeenreform in Neddersassen is de Gemeen Blenner denn noch wedder düüdlich grötter worrn.

Inwahnertall[ännern | Bornkood ännern]

Johr Inwahners
1791-00-001791[1] 9 Füürsteden
1812-00-001812[2] 89
1824-00-001824[3] 12 Füürsteden
1848-00-001848[4] 125 Lüüd. 15 Hüüs
1871-12-011. Dezember 1871[5] 113 Lüüd. 18 Hüüs
1885-12-011. Dezember 1885[6] 137 Lüüd. 21 Hüüs
1905-12-011. Dezember 1905[7] 106 Lüüd. 16 Hüüs

Religion[ännern | Bornkood ännern]

Aondörp is evangeelsch-luthersch präägt un höört to dat Kaspel von’n Veerner Doom.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

För Aondörp is de freewillige Füürwehr Blenner mit tostännig.

Verkehr[ännern | Bornkood ännern]

Aondörp is över lüttjere Straten anbunnen an de Landsstraat 203 bi Blenner, de in’n Noordwesten över Wulmsdörp un Morsen na Thänhusen geiht un in’n Oosten över Groten Huttbargen un Hänsch na Veern an de Bundsstraat 215. Över Reer kummt een in’n Noordwesten in Intschen na de Kreisstraat 9, de in’n Noorden wiedergeiht na Dauben.

De nächste Autobahn is de Autobahn 27 (Afsnidd BremenWasra). De Opfohrt 24b Langwedel liggt so teihn Kilometer in’n Noorden von Aondörp an de K 9.

De nächste Bahnhoff is so bi söven Kilometer wied weg in’n Oosten de Bahnhoff Veern an de Bahnlien Langwedel–Bremen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 9
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 18
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 65
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 172
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180

Weblenken[ännern | Bornkood ännern]