Neddern Hu’e

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Neddern Hu’e
Laag vun Neddern Hu’e in Düütschland
Basisdaten
Bundsland: Neddersassen
Landkreis: Veern
Samtgemeen: Thänhusen
Gemeen: Blenner
Inwahners:
Postleettall: 27337
Vörwahl: 04233
Geograafsche Laag:
Koordinaten:52° 55′ N, 9° 11′ O
52° 55′ N, 9° 11′ O

Neddern Hu’e (hoochdüütsch Neddernhude) is en Hoff in de Gemeen Blenner (Samtgemeen Thänhusen) in’n Landkreis Veern, Neddersassen.

Geografie[ännern | Bornkood ännern]

De Oort liggt in de Masch direkt achter’n Diek von de Werser.

De Naveröörd sünd Ritzenbargen in’n Noorden, Lüttjen Huttbargen in’n Noordoosten, Groten Huttbargen in’n Oosten, Öste in’n Süüdwesten, Vaste un Blenner in’n Westen un Aondörp in’n Noordwesten.

Historie[ännern | Bornkood ännern]

De Hoff Neddern Hu’e hett över lange Tieden de Familie Clüver tohöört. Üm 1880 is de Mannslien von de Clüvers op Neddern Hu’e utstorven. De Dochter von’n letzten Clüver hett Segelke Niebuhr freet un so keem de Hoff an de Familie Niebuhr.

Bevör 1884 de Brügg över de Werser boot worrn is, hett dat bi’n Hoff ok en Fähr geven.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Blenner in’n Kanton Mattfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Intschen in’n Kanton Thänhusen.

De Oort hett vör 1852 to de Vaagdie Intschen in dat Amt Wessen-Thänhusen tohöört un denn von 1852 bet 1859 to dat Amt Swarm. As dat Amt Swarm 1859 oplööst worrn is, keem Ritzenbargen mit Neddern Hu’e an dat Amt Veern. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort hett von öllers bi de Gemeen Ritzenbargen mit bihöört, de an’n 1. Juli 1968 Deel von de Gemeen Blenner worrn is. De Gemeen Blenner is mit de Gemeenreform in Neddersassen an’n 1. Juli 1972 noch wedder düüdlich grötter worrn.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 14
1824-00-001824[3] 1 Füürsteed
1848-00-001848[4] 13 Lüüd. 1 Huus
1871-12-011. Dezember 1871[5] 13 Lüüd. 1 Huus
1885-12-011. Dezember 1885[6] 17 Lüüd. 1 Huus
1905-12-011. Dezember 1905[7] 13 Lüüd. 2 Hüüs

Religion[ännern | Bornkood ännern]

Neddern Hu’e is evangeelsch-luthersch präägt un höört to dat Kaspel von de Kark in Öste.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

För Neddern Hu’e is de freewillige Füürwehr Blenner mit tostännig.

Verkehr[ännern | Bornkood ännern]

Neddern Hu’e is över en lüttje Straat anbunnen an de Landsstraat 203, de in’n Oosten över Groten Huttbargen un Hänsch na Veern geiht un in’n Noordwesten över Blenner, Wulmsdörp un Morsen na Thänhusen. Bi Öste geiht von de L 203 de L 201 af, de in’n Süden över Magelsen un Hilgermissen na Heien löppt.

De nächste Autobahn is de Autobahn 27 (Afsnidd BremenWasra). De Opfohrt 25 Veern-Noord liggt so negen Kilometer in’n Noordoosten von Neddern Hu’e an de B 215.

De nächste Bahnhoff is so bi söss Kilometer wied weg in’n Oosten de Bahnhoff Veern an de Bahnlien Langwedel–Bremen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 160
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 424
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 65
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 173
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180