Hänsch (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Hänsch
Laag vun Hänsch in Düütschland
Basisdaten
Bundsland: Neddersassen
Landkreis: Veern
Gemeen: Veern
Inwahners: 800 (2007-06-3030. Juni 2007)
Hööchd: 14 m över NN
Postleettall: 27283
Vörwahl: 04231
Geograafsche Laag:
Koordinaten:52° 55′ N, 9° 13′ O
52° 55′ N, 9° 13′ O

Gedenksteen in’n Oort

Hänsch (hoochdüütsch Hönisch) is en Dörp in de Gemeen Veern in’n Landkreis Veern, Neddersassen. Binnen de Gemeen billt Hänsch en polietsche Oortschop.

De Oort besteiht ut de twee Oortsdelen Vör- un Achter-Hänsch.

Geografie[ännern | Bornkood ännern]

De Oort liggt in de Masch twüschen Aller un Werser, de veer Kilometer in’n Noordwesten tohoopfleten doot.

De Naveröörd sünd Höltenwarder in’n Noorden, Veern in’n Noordoosten, Wahnbargen in’n Süüdoosten, Stäbargen in’n Süden, Döölbargen in’n Süüdwesten un Groten un Lüttjen Huttbargen in’n Noordwesten.

Historie[ännern | Bornkood ännern]

Hänsch kummt 1787 toeerst in de Oorkunnen vör.

De ole Windmöhl von Hänsch is 1984 afbrennt.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Groten Huttbargen in’n Kanton Veern höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Veern in’n Kanton Veern.

De Oort hett vör 1859 to de Maschvaagdie von dat Amt Wessen tohöört un denn von 1859 bet 1885 to dat Amt Veern. Na 1885 weer dat in’n Kreis Veern un is 1932 Deel von’n hüdigen Landkreis Veern worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Veern worrn. Sietdem is Hänsch binnen de Gemeen Veern en Oortschop mit egen Oortsbörgermeester un Oortsraad.

Inwahnertall[ännern | Bornkood ännern]

Johr Inwahners
1812-00-001812[1] 142
1824-00-001824[2] 23 Füürsteden
1848-00-001848[3] 212 Lüüd. 24 Hüüs
1871-12-011. Dezember 1871[4] 171 Lüüd. 29 Hüüs
1885-12-011. Dezember 1885[5] 219 Lüüd. 39 Hüüs
1905-12-011. Dezember 1905[6] 280 Lüüd. 44 Hüüs
1910-12-011. Dezember 1910[7] 301
1925-00-001925[8] 300
1933-00-001933[8] 286
1939-00-001939[8] 251

Religion[ännern | Bornkood ännern]

Hänsch is evangeelsch-luthersch präägt un höört to dat Kaspel von de Andreas-Kark in Veern.

För de Kathoolschen is de St.-Josef-Kark in Veern tostännig.

Tosätzlich hett siet 1991 de Baptistengemeen Veern in Hänsch ehren Seet. 2010 hett düsse Gemeen en neet Goddshuus an dat Veerner Feld boot.

Oortsbörgermeesters[ännern | Bornkood ännern]

  • 2001–: Wolf Hertz-Kleptow (WG)

Oortsraad[ännern | Bornkood ännern]

Oortsraad
Johr \ Partei Tall WG Gröne
2011 9 8 1
2016 9 9

Kultur[ännern | Bornkood ännern]

Verenen[ännern | Bornkood ännern]

De Sportvereen Hänsch is 1960 grünnt worrn.

Weertschop un Infrastruktur[ännern | Bornkood ännern]

Ole School

Hänsch hett tohoop mit Huttbargen en egene freewillige Füürwehr.

In Hänsch gifft dat en Netto-Markt un en Hagebaumarkt.

Verkehr[ännern | Bornkood ännern]

Dör Hänsch löppt de Bundsstraat 215, de in’n Noordoosten na Veern un wieder na Rodenborg geiht un in’n Süden över Dörbern un Hassel na Neenborg. In’n Noordoosten geiht de Landsstraat 203 na Blenner un Thänhusen.

De nächste Autobahn is de Autobahn 27 (Afsnidd BremenWasra). De Opfohrt 25 Veern-Noord liggt so fiev Kilometer in’n Noordoosten von Hänsch an de B 215.

De nächste Bahnhoff is so bi twee Kilometer wied weg in’n Oosten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen[ännern | Bornkood ännern]

De Kinner ut Hänsch gaht op de Grundschool an’n Sassenhain in Daulsen/Halsmöhlen. De ole Dörpschool von Hänsch besteiht vondaag nich mehr.

Literatur[ännern | Bornkood ännern]

  • Günther Schreiber: 200 Jahre Hönisch - 1787-1987. 1987

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 282
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 64
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Hänsch (Landkreis Veern). Mehr Biller, Videos oder Audiodateien to’t Thema gifft dat bi Wikimedia Commons.