Vaans
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21244 | |
| Vörwahl: | 04181 | |
| Geograafsche Laag: | Koordinaten:53° 21′ N, 9° 53′ O53° 21′ N, 9° 53′ O | |
|
| ||
Vaans (hoochdüütsch Vaensen) is en lütt Dörp in de Gemeen Bookholt in’n Landkreis Horborg, Neddersassen. De Oort höört polietsch al von öllers bi Bookholt mit bi un is ok Deel von de Oortschop Bookholt.
Geografie
[ännern | Bornkood ännern]Dat Dörp liggt an de Süüdoost-Utlöpers von de Horbörger Bargen. Na Dibbersen hen in’n Noordwesten doot de Nuppenbarg (114 m) un de Stucksbarg (102 m) liggen.
De Naveröörd sünd Ninndörp in’n Noorden, Eekel in’n Noordoosten, Büüns un Nee-Eekel in’n Oosten, Itzenbüttel un Reindörp in’n Süüdoosten, Bookholt in’n Süden, Steenbeek in’n Süüdwesten un Dangersen un Dibbersen in’n Noordwesten.
Historie
[ännern | Bornkood ännern]In’n Eersten Weltkrieg sünd fiev Soldaten ut Vaans fullen oder vermisst.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 6 Füürsteden |
| 1812[3] | 50 |
| 1824[4] | 8 Füürsteden |
| 1848[5] | 72 Lüüd, 12 Hüüs |
| 1. Dezember 1871[6] | 94 Lüüd, 9 Hüüs |
Religion
[ännern | Bornkood ännern]Vaans is evangeelsch-luthersch präägt un höört to dat Kaspel von de Paulus-Kark in Bookholt. Fröher hett dat to dat Kaspel von de Mauritius-Kark in Hittfeld tohöört.
För de Kathoolschen is de St.-Petrus-Kark in Bookholt tostännig.
Kultur
[ännern | Bornkood ännern]En Denkmaal för de Fullenen ut den Eersten Weltkrieg steiht in Bookholt in’t Zentrum.
Weertschop un Infrastruktur
[ännern | Bornkood ännern]De freewillige Füürwehr Bookholt is för Vaans mit tostännig.
In’n Westen von Vaans liggt dat Bookholter Gewarfrebeed Vaanser Heid. Dor doot ünner annern Möbel Kraft, Media Markt, Obi un Famila sitten. Dat Gewarvrebeed Vaanser Heid I is 69,4 Hektar groot un an’t Enn von de Johren 1970 inricht worrn un dat Gewarvrebeed Vaanser Heid II 40,0 Hektar un von 1991.
Verkehr
[ännern | Bornkood ännern]Dör Vaans löppt de Kreisstraat 13, de in’n Süden na Bookholt rin geiht un in’n Noorden bi Dibbersen an de Bundsstraat 75. De B 75 geiht in’n Süüdwesten denn över Kanenstörp na Töst un in’n Noordoosten an de Autobahn 1 un denn as K 85 wieder över Ninndörp un Tötsen na Horborg. Von de K 13 geiht in Vaans na Noordoosten de K 61 af, de na Eekel löppt.
De nächste Autobahn is de Autobahn 1. De Opfohrt 42 Dibbersen liggt so dree Kilometer in’n Noorden von Vaans an de B 75.
De nächste Bahnhoff is so bi dree Kilometer wied weg in’n Süden de Bahnhoff Bookholt an de Bahnlien Hamborg–Bremen un an de Heidbahn.
Footnoten
[ännern | Bornkood ännern]- ↑ http://www.denkmalprojekt.org/2009/buchholz_i_d_nordheide_wk1_ns.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 233: https://books.google.de/books?id=jN5QAAAAcAAJ&pg=PA233
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 614: http://books.google.de/books?id=tG0AAAAAcAAJ&pg=PA614
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
