Steenbeek (Gemeen Bookholt)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 5.116 (4. März 2008) | |
| Postleettall: | 21244 | |
| Vörwahl: | 04181 | |
| Geograafsche Laag: | Koordinaten:53° 21′ N, 9° 51′ O53° 21′ N, 9° 51′ O | |
|
| ||
Steenbeek (hoochdüütsch Steinbeck) is en Dörp in de Gemeen Bookholt in’n Landkreis Horborg, Neddersassen. Tohoop mit Meilsen billt de Oort de Oortschop Steenbeek-Meilsen binnen de Gemeen Bookholt mit egen Oortsraad un Oortsbörgermeester.
Geografie
[ännern | Bornkood ännern]Steenbeek liggt in de Lümbörger Heid an’n Süüdrand von’n Stuvenwoold. Bi’n Oort doot de Steenbeek un de Meilser Beek tohoopfleten.
De Naveröörd sünd Dangersen in’n Noorden, Dibbersen un Vaans in’n Noordoosten, Bookholt in’n Süüdoosten, Suurhoop in’n Süden, Brumhagen, Triller Barg un Meilsen in’n Süüdwesten un Klauenborg, Winzendörp, Wennersdörp un Mienenbüddel in’n Noordwesten.
Historie
[ännern | Bornkood ännern]In’n Tweten Weltkrieg sünd 22 Soldaten ut Steenbeek fullen oder vermisst.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to dat Amt Mesborg tohöört un denn von 1859 bet 1885 to dat Amt Töst. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
1865 sünd Meilsen un Steenbeek to een Gemeen tohoopleggt worrn. De Oort is an’n 1. Juli 1972 mit de Gemeenreform in Neddersassen Deel von de Gemeen Bookholt worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 7 Füürsteden |
| 1812[3] | 67 |
| 1824[4] | 11 Füürsteden |
| 1848[5] | 97 Lüüd, 15 Hüüs |
| 1. Dezember 1871[6] | 79 Lüüd, 17 Hüüs |
| 1. Dezember 1910[7] | 150 |
| 1925[8] | 185 |
| 1933[8] | 262 |
| 1939[8] | 368 |
| 4. März 2008 | 5.116 |
Religion
[ännern | Bornkood ännern]Steenbeek is evangeelsch-luthersch präägt un höört to dat Kaspel von de Paulus-Kark in Bookholt. Vörher hett de Oort to dat Kaspel von de Mauritius-Kark in Hittfeld höört.
För de Kathoolschen is de St.-Petrus-Kark in Bookholt tostännig.
Wapen
[ännern | Bornkood ännern]Dat Wapen von de Oortschop is schraag spleet. Baven achtern wiest dat op roden Grund twee sülvern Peerköpp, de sik ankiekt, un ünnen vörn op grönen Grund en sülvern Hünengraff. De twee Feller sünd dör en gollen Wellenband trennt.
Dit Wapen hett de Oortsraad 2005 beslaten. Utklamüsert hett dat Franka Spieth. Dat Wellenband steiht för den Steenbeek, na den de Oort nöömt is. Dat Hünengraff steiht as Symbol för de Historie un de Peerköpp för dat Gemeenschopsgeföhl.
Börgermeesters
[ännern | Bornkood ännern]Gemeenvörstehers:
- 1865–: Heinrich Aldag
Oortsbörgermeesters:
- opstunns: Kurt Hölzer
Oortsraad
[ännern | Bornkood ännern]| Johr \ Partei | Tall | CDU | SPD | Gröne | FDP | BuLi | enkelt |
|---|---|---|---|---|---|---|---|
| 2011 | 11 | 5 | 2 | 2 | 1 | 1 | |
| 2016 | 11 | 3 | 2 | 1 | 2 | 2 | 1 |
- Liddmaten
- 2011:
- CDU: Heinz Becker, Ralf Becker, Wolfgang Gütlbauer, Kurt Hölzer, Ilka Zitzow
- SPD: Irmgard Raber, Christoph Selke
- FDP: Wilhelm Pape
- Gröne: Martin Schuster, Iris Wottrich
- BuLi: Karsten Müller
- 2016:
- CDU: Georg Kartzig, Stefan Menk, Ilka Stenzel
- SPD: Bettina Lechner, Sylvia Mühlbach-Nitzbon
- BuLi: Martin Dieckmann, Andreas Ziesemer
- FDP: Wilhelm Pape, Martin Pries
- Gröne: Iris Wottrich (hett an’n 17. Januar 2017 ehr Mandaat dalleggt, för ehr is an’n 15. Februar 2017 Martin Schuster narückt)
- enkelt Kannedaat: Heinz Becker
Kultur
[ännern | Bornkood ännern]In Steenbeek steiht en Denkmaal för de Fullenen ut den Tweten Weltkrieg.
Verenen
[ännern | Bornkood ännern]De TSC Steenbeek-Meilsen is 1988 grünnt worrn un bedrifft vör allen Dischtennis.
Weertschop un Infrastruktur
[ännern | Bornkood ännern]Twüschen Steenbeek un Vaans doot de twee Gewarvrebeden Vaanser Heid liggen. Dor doot ünner annern Möbel Kraft, Media Markt, Obi un Famila sitten. Dat Gewarvrebeed Vaanser Heid I is 69,4 Hektar groot un an’t Enn von de Johren 1970 inricht worrn un dat Gewarvrebeed Vaanser Heid II 40,0 Hektar un von 1991.
Verkehr
[ännern | Bornkood ännern]Dör Steenbeek löppt de Bundsstraat 75, de in’n Noordoosten na Ninndörp geiht un in’n Süüdwesten över Kakenstörp un Töst na Rodenborg. Bil Triller Barg is de B 75 verbunnen mit de B 3, de in’n Noorden na de B 73 bi Buxthu geiht un in’n Süden op Snevern un Soltau to löppt. Na dat Zentrum von Bookholt geiht de Steenbeker Straat.
De nächste Autobahn is de Autobahn 1. De Opfohrt 42 Dibbersen liggt so veer Kilometer in’n Noordoosten von Steenbeek an de B 75.
De nächste Bahnhoff is so bi dree Kilometer wied weg in’n Süüdoosten de Bahnhoff Bookholt an de Bahnlien Hamborg–Bremen un de Heidbahn.
Scholen
[ännern | Bornkood ännern]In’n Oort liggt en Kinnergoorn un de Grundschool Steenbeek, de 1958 boot worrn is. Vör 1898 müssen de Kinner ut Steenbeek in Bookholt na School gahn. In dat Johr is in de Stuuv von Sneers en provisorische School inricht worrn. Dat Schoolhuus, dat 1901 nee boot worrn is, is bet 1958 as School bruukt worrn.
Literatur
[ännern | Bornkood ännern]- Steinbeck und Meilsen am Stuvenwald: Billers ut de Tiden. Sülvsverlag Geschichts- un Museumsvereen Bookholt un Ümgegend, 1985
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/steinbeck.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 218: https://books.google.de/books?id=jN5QAAAAcAAJ&pg=PA218
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 576: http://books.google.de/books?id=tG0AAAAAcAAJ&pg=PA576
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132
- ↑ http://www.gemeindeverzeichnis.de/gem1900/gem1900.htm?hannover/harburg.htm
- ↑ a b c http://www.verwaltungsgeschichte.de/harburg.html
Weblenken
[ännern | Bornkood ännern]- Websteed över de Oortschop (hoochdüütsch)