Winzendörp

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Winzendörp
Laag vun Winzendörp in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Winzendörp
Inwahners: 601 (2012-01-011. Januar 2012)
Postleettall: 21279
Vörwahl: 04165
Geograafsche Laag:
Koordinaten:53° 21′ N, 9° 46′ O
53° 21′ N, 9° 46′ O

Luftbild von Winzendörp (in’n Achtergrund Wennersdörp)

Winzendörp (hoochdüütsch Wenzendorf) is en Dörp in de Gemeen Winzendörp (Samtgemeen Hullnst) in’n Landkreis Horborg, Neddersassen. De Oort hett 601 Inwahners (Stand 1. Januar 2012).[1]

Bi Winzendörp höört ok de lüttje Oort Klauenborg mit bi.

Geografie[ännern | Bornkood ännern]

Dat Water ut dat Rebeed flütt över’n Rollbeek na de Eest hen af.

De Naveröörd sünd Wennersdörp in’n Noorden, Mienenbüddel in’n Noordoosten, Klauenborg in’n Oosten, Steenbeek, Meilsen un Triller Barg in’n Süüdoosten, Trill un Dreest in’n Süden, Dierstörp in’n Westen un Dierstörp-Heid un Hullnst in’n Noordwesten.

Historie[ännern | Bornkood ännern]

Winzendörp kummt 1232 as Vincenthorpe toeerst in de Oorkunnen vör.

In’n Eersten Weltkrieg sünd negen Soldaten ut Winzendörp fullen oder vermisst.[2]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Raad in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hullnst in’n Kanton Töst.

De Oort hett vör 1859 to de Vaagdie Hullnst von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

De Oort billt siet dat 19. Johrhunnert tohoop mit Dierstörp un Wennersdörp de Gemeen Winzendörp.

Inwahnertall[ännern | Bornkood ännern]

Johr Inwahners
1791-00-001791[3] 10 Füürsteden
1824-00-001824[4] 17 Füürsteden
1848-00-001848[5] 149 Lüüd. 19 Hüüs
1871-12-011. Dezember 1871[6] 164 Lüüd. 23 Hüüs
1885-12-011. Dezember 1885[7] 155 Lüüd. 24 Hüüs
1905-12-011. Dezember 1905[8] 124 Lüüd. 19 Hüüs

Religion[ännern | Bornkood ännern]

Winzendörp is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Kultur[ännern | Bornkood ännern]

In Winzendörp steiht en Denkmaal för de Fullenen ut de twee Weltkrieg’.

Weertschop un Infrastruktur[ännern | Bornkood ännern]

Winzendörp hett en freewillige Füürwehr.

Bi Winzendörp hett von 1935 bet 1945 dat Wark Winzendörp bestahn, in dat de Hamburger Flugzeugbau Flegers boot hett. Op en Deel von dat Gelänn is vondaag de Segelflegerplatz Winzendörp.

Verkehr[ännern | Bornkood ännern]

Dör Winzendörp löppt de Kreisstraat 58, de in’n Oosten na de Bundsstraat 3 geiht un in’n Westen na Dierstörp an de K 40. De K 40 löppt von dor in’n Noordwesten na Hullnst an de Landsstraat 141 un in’n Süüdoosten över Dreest un Trill na de B 75. De B 3 föhrt in’n Noorden över Mienenbüddel un Raad na Ilsdörp un Öbergünn un in’n Süden an Bookholt langs na Sprötz un Will. En lüttjere Straat gifft dat ok in’n Noordoosten över Wennersdörp na Mienenbüddel.

De nächste Autobahn is de Autobahn 1 (Afsnidd HamborgBremen), de twee Kilometer in’n Noorden von winzendörp langslöppt. De Opfohrt 44 Raad liggt so fiev Kilometer in’n Noordoosten von Winzendörp an de B 3. De Opfohrt 45 Hullnst op de A 1 liggt söss Kilometer in’n Noordwesten an de L 141.

De nächste Bahnhoff is so bi söven Kilometer wied weg in’n Süüdoosten de Bahnhoff Sprötz an de Bahnlien Hamborg–Bremen.

Scholen[ännern | Bornkood ännern]

De Kinner gaht vondaag op de Grundschool Hullnst. Fröher hett dat ok en Volksschool in Winzendörp geven. Dat weer al siet 1650 so.

Footnoten[ännern | Bornkood ännern]

  1. Dorferneuerungsplan Wenzendorf, Sied 22 (PDF; 27 MB)
  2. Onlineprojekt Gefallenendenkmäler
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 245
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 650
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 147
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78