Mienenbüddel

Vun Wikipedia
Wapen/Flagg Koort
hett keen Wapen
Mienenbüddel
Laag vun Mienenbüddel in Düütschland
Basisdaten
Bundsland: Neddersassen
Landkreis: Horborg
Gemeen: Vosshusen
Inwahners:
Postleettall: 21629
Vörwahl: 04168
Geograafsche Laag:
Koordinaten:53° 23′ N, 9° 48′ O
53° 23′ N, 9° 48′ O

Karte

Luftbild mit dat Gewarvrebeed un dat Dörp in’n Achtergrund

Mienenbüddel (hoochdüütsch Mienenbüttel) is en Dörp in de Gemeen Vosshusen in’n Landkreis Horborg, Neddersassen. Binnen de Gemeen höört de Oort to de Oortschop Raad.

Geografie[ännern | Bornkood ännern]

Mienenbüddel liggt an’n Süüdwestrand von de Horbörger Bargen. In’n Noordoosten liggt dat Naturschuulrebeed Bökenholt in’n Rosengoorn.

De Naveröörd sünd Raad un Höll in’n Noorden, Langenrehm in’n Noordoosten, Ems un Ninndörp in’n Oosten, Dangersen, Dibbersen, Steenbeek un Meilsen in’n Süüdoosten, Triller Barg, Sprötz, Trill un Klauenborg in’n Süden, Winzendörp un Wennersdörp in’n Süüdwesten, Hullnst un Olendörp in’n Westen un Appel un Eversen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1859 weer dat Dörp in de Vaagdie Hullnst von dat Amt Mesborg un na 1859 in’t Amt Töst. Von 1885 bet 1932 hett Mienenbüddel to’n Kreis Horborg tohöört un is denn Deel von’n ne’en, grötteren Kreis Horborg worrn.

Dat Dörp hett bet 1925 to de Gemeen Appel höört. An’n 1. April 1925 sünd de dree Öörd Raad, Ömbüddel un Mienenbüddel as Gemeen Raad egenstännige Gemeen worrn. Mit de Gemeenreform in Neddersassen to’n 1. Juli 1972 is de Gemeen Raad denn Deel von de Gemeen Vosshusen worrn. De dree Öörd billt nu en Oortschop mit egen Oortsvörsteiher binnen de Gemeen Vosshusen.

Inwahnertall[ännern | Bornkood ännern]

Johr Inwahners
1791-00-001791[1] 6 Füürsteden
1812-00-001812[2] 48
1824-00-001824[3] 8 Füürsteden
1848-00-001848[4] 46 Lüüd, 9 Hüüs
1871-12-011. Dezember 1871[5] 57 Lüüd, 9 Hüüs

Religion[ännern | Bornkood ännern]

Mienenbüddel is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Maria-Kark in Buxthu tostännig.

Weertschop un Infrastruktur[ännern | Bornkood ännern]

De freewillige Füürwehr von Raad is för Mienenbüddel mit tostännig.

Gewarvrebeed[ännern | Bornkood ännern]

Bi Mienenbüddel an de Autobahn (A 1) doot de beiden Gewarvrebeden Mienenbüddel (80 Hektar) un Wennersdörp liggen, de een groot Gewarvrebeed billt.

Dor bedrifft ünner annern Lidl en Zentrallager, dat de Rebeden in’n Westen von Hamborg, an de Süderelv un in Noordneddersassen belevert, von Drochters bet na dat Wendland.[6] Allens tohoop sünd dat 76 Lidl-Filialen (Stand 2016).[6] Dat 30.000 m² grote Lager is 2004 boot worrn[6] un weer mit Investitschonen von 27 Milljonen Euro verbunnen.[7] Von April 2015 bet Februar 2016 is dat Lager op en Grött von 47.500 m² utboot worrn.[6] Dor hett Lidl en tweestelligen Milljonenbedrag för utgeven.[6] Arbeiden doot dor 170 Lüüd.[6]

Verkehr[ännern | Bornkood ännern]

Mienenbüddel liggt an de Bundsstraat 3, de in’n Noorden na Ilsdörp un in Öbergünn an de B 73 ran löppt. In’n Süden löppt de B 3 na Sprötz to un krüüzt dor bi Bookholt de B 75. In’n Westen löppt de Kreisstraat 63 över Olendörp na Hullnst. Ans gifft dat en lüttjere Straat na Wennersdörp.

De Opfohrt 44 op de Autobahn 1 an’n Süüdrand von Mienenbüddel driggt den Naam Raad.

De nächste Bahnhoff is acht Kilometer wied weg in’n Süden de Bahnhoff Sprötz an de Bahnlien Hamborg–Bremen.

Scholen[ännern | Bornkood ännern]

De Kinner ut Mienenbüddel gaht na de Grundschool Ilsdörp.

Bet 1892 sünd de Kinner in Appel na Volksschool gahn. 1892 hett denn in Raad en egen School apenmaakt. De School harr bet 1950 een Klass un denn twee Klassen. Von 1964 af an sünd de Schölers na Ilsdörp gahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 155
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 408
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130
  6. a b c d e f Claudia Michaelis: Hier steht Rades größter Waren-Karton, Stader Tageblatt an’n 11. Februar 2016
  7. Lidl schafft Jobs mit Zentrallager im Landkreis Harburg, Die Welt an’n 10. Juli 2004