Höll (Landkreis Horborg)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Höll

Höll
Laag vun Höll in Düütschland
Basisdaten
Bundsland: Neddersassen
Landkreis: Horborg
Gemeen: Vosshusen
Inwahners:
Postleettall: 21629
Vörwahl: 04168
Geograafsche Laag:
Koordinaten:53° 24′ N, 9° 47′ O
53° 24′ N, 9° 47′ O

De Höll (hoochdüütsch Elstorf-Bachheide oder Hölle) is en Oort in de Gemeen Vosshusen in’n Landkreis Horborg, Neddersassen.

Geografie[ännern | Bornkood ännern]

De Naveröörd sünd Ilsdörp in’n Noorden, Swiersdörp in’n Noordoosten, Sieversen un Langenrehm in’n Oosten, Ems in’n Süüdoosten, Raad un Ömbüddel in’n Süden, Eversen un de Eversche Heid in’n Süüdwesten, Grauen in’n Westen un Arsdörp in’n Noordwesten.

Historie[ännern | Bornkood ännern]

De Höll as Oort is eerst in dat 20. Johrhunnert anleggt worrn. Vörher weer dat en Heidrebeed. 1856 is in de Höll – an’n Süüdrand von de Ilsdörper Feldmark hen na Ömbüddel un Eversen – en Aaskuhl anleggt worrn.[1] Besünners in de Tied von’n Tweten Weltkrieg sünd denn aver – jüst as in de Eversche Heid – veel Lüüd ut Hamborg as Utbummte na de Höll tagen.

Höll weer toeerst en Floornaam. En annern Naam för dat Rebeed weer Rachheid. Ut Rachheide is in dat Hoochdüütsche dör en Leesfehler later de Naam Bachheide worrn, de för den Oort bruukt warrt.[1]

Na’n Tweten Weltkrieg hett Erich Voß, de in’n Krieg ut Bosselbeek totagen weer, en Snakenfarm opmaakt, de he bet 1962 bedreven hett.[1]

Verwaltungsgeschicht[ännern | Bornkood ännern]

De Oort hett al von öllers bi Ilsdörp mit bihöört.

De Oort is an’n 1. Juli 1972 as Deel von de Gemeen Ilsdörp mit de Gemeenreform in Neddersassen an de Gemeen Vosshusen kamen.

Religion[ännern | Bornkood ännern]

De Höll is evangeelsch-luthersch präägt un höört to dat Kaspel von de Nicolai-Kark in Ilsdörp.

För de Kathoolschen is de St.-Maria-Kark in Buxthu tostännig.

Verkehr[ännern | Bornkood ännern]

Direkt an’n Oostrand von de Höll langs löppt de Bundsstraat 3, de in’n Noorden över Ilsdörp na Öbergünn an de B 73 ran geiht un in’n Süden över Raad un Mienenbüddel na de B 75 bi Bookholt. In’n Oosten geiht de Kreisstraat 52 na Sieversen un Tötsen un in’n Süüdwesten de K 31 över Eversen un Grauen na Appel un Hullnst.

De nächste Autobahn is de Autobahn 1. De Opfohrt 44 Raad liggt so veer Kilometer in’n Süden von de Höll an de B 3.

De nächsten Bahnhööv sünd so bi twölv Kilometer wied weg in’n Noordwesten de Bahnhoff Buxthu an de Nedderelvbahn un twölv Kilometer in’n Süüdoosten de Bahnhoff Sprötz an de Bahnlien Hamborg–Bremen. De Bahnhoff Vosshusen von de S-Bahn Hamborg (S 3/S 31) liggt so acht Kilometer in’n Noorden.

Scholen[ännern | Bornkood ännern]

De Kinner gaht na de Grundschool Ilsdörp.

Footnoten[ännern | Bornkood ännern]

  1. a b c Reinhard Dzingel : Die Schlangenfarm in Elstorf-Bachheide